ప్రస్తుత విభాగం : model
పాఠం నమాజు ఆచరించే పద్ధతి
1. సంకల్పం
నమాజు సక్రమంగా జరగాలంటే సంకల్పం(నియ్యత్) అనేది చాలా ముఖ్యం. అనగా, నమాజు చేసే వ్యక్తి తాను ఏ నమాజు చేస్తున్నానో అనేది అతనికి తెలిసి ఉండాలి, ఉదాహరణకు మగ్రిబ్,ఇషా వగైరా. అలాగే ఈ నమాజును ఆరాధన భావంతో చేయాలి. నమాజు యొక్క సంకల్పాన్ని నోటితో ఉచ్చరించాల్సిన అవసరం లేదు. హృదయంలో మాత్రమే సంకల్పించుకుంటే సరిపోతుంది. నోటితో చెప్పడం తప్పు, ఎందుకంటే ఈ విషయంలో దైవప్రవక్త (స) వారుగానీ మరియు వారి(స) సహచరులు(సహాబాలు) గానీ ఈ విధంగా చేసినట్లు ఎటువంటి ఆధారాలు లేవు.
నమాజు ప్రారంభించడానికి నుంచున్నపుడు ముందుగా అల్లాహు అక్బర్ అని రెండు చేతులు భుజాల ఎత్తు వరకు లేదా ఇంకుంచెం పై వరకు ఏత్తాలి, ఆ సమయంలో అరచేతులు ఖిబ్లా వైపుకు ఉండాలి, చేతి వెళ్ళు తెరచి ఉండాలి.
తక్బీర్ యొక్క అర్ధం
తక్బీర్ అనేది "అల్లాహు అక్బర్" అనే పదంతో మాత్రమే చెప్పాలి. దీని అర్థం అల్లాహ్ అత్యంత గొప్పవాడు మరియు మహిమాన్వితుడు. అల్లాహ్ ఈ లోకంలోని సమస్తం కంటే, అందులోని కోరికలు, ఆనందాల కంటే గొప్పవాడు. కాబట్టి, మనం ఈ తాత్కాలిక ఆనందాలను పక్కన పెట్టి, అల్లాహ్ పట్ల భయభక్తులతో మన మనస్సులను, హృదయాలను లగ్నం చేసి, శ్రద్ధతో నమాజులో పాల్గొనాలి.
3. ఇలా అల్లాహు అక్బర్ అని తక్బీర్ చెప్పిన తరువాత కుడిచేతిని ఎడమ చేతిపై పెట్టి రెండు చేతులను ఛాతీపై ఉంచుకోవాలి, నుంచుని ఉన్న ప్రతి సారి అదే స్థితిలో ఉంచాలి.
4.ప్రవక్త (స) వారి ద్వారా నిరూపితమైన దుఆలతో నమాజును ప్రారంభించాలి, వాటిలో ; "సుబ్ హానక అల్లాహుమ్మ వబి హందిక. తబారకస్ముక వతఆలా జద్దుక వలా ఇలాహ గైరుక
5. ఆ తరువాత ఇలా అనాలి ; అవుజుబిల్లాహి మినషైతాన్ నిర్రజీమ్. అని చదివి షైతాను యొక్క కీడు నుండి అల్లాహ్ యొక్క రక్షణ కోరుకోవాలి
6. ఇలా అనాలి (బిస్మిల్లా హిర్రహ్మా నిర్రహీం). దీని యొక్క అర్ధం అల్లాహ్ యొక్క నామముతో నేను సహాయాన్ని మరియు శుభాన్ని కోరుతున్నాను
7.సూరా అల్-ఫాతిహాను పఠించాలి, ఈ ఫాతిహా అనేది అల్లాహ్ యొక్క గ్రంధములో అత్యంత గొప్ప సూరా, మరియు అల్లాహ్ దానిని అవతరింపజేయడం ద్వారా తన ప్రవక్త(స)పై దయ చూపాడు. తన దివ్యవచనములో అల్లాహ్ ఇలా సెలవిస్తున్నాడు : “మరియు మేము నిశ్చయంగా, నీకు తరచుగా పఠింపబడే ఏడు (సూక్తులను) మరియు సర్వోత్తమ ఖుర్ఆన్ ను ప్రసాదించాము. (అల్-హిజ్ర్: 87).
ప్రతిఒక్క ముస్లిము సూరా ఫాతిహా నేర్చుకోవడం తప్పనిసరి : ఎందుకంటే ఇది నమాజు యొక్క మూల స్థంబాలలో ఒకటి, ఎవరైతే ఒంటరిగా లేదా ఇమాము వెనుక నమాజు చదువుతారో వారికి ఈ సూరాను బిగ్గరగా చదవవలసిన అవసరం లేదు
సూరా ఫాతిహా
ఇమాము సూరా ఫాతిహా చదివిన తరువాత ఆమీన్ అని పలకాలి. ఓ అల్లాహ్ స్వీకరించు అని దీని అర్ధం
మొదటి రెండు రెకాతులలో సూరా ఫాతిహా తరువాత ఇతర ఏదైనా సూరా లేదా సూరా యొక్క కొన్ని ఆయతులు చదవాలి, మూడవ మరియు నాలుగవ రెకాతులలో కేవలం సూరా ఫాతిహా మాత్రమే చదవాలి
ఫజర్ ,మగ్రిబ్, ఇషా నమాజుల మొదటి రెండు రెకాతులలో సూరా ఫాతిహా మరియు దాని తరువాత చదివే ఆయతులు బిగ్గరగా చదవవలసి ఉంటుంది. దుహర్, అసర్ నమాజులు మరియు మగ్రిబ్ యొక్క మూడవ రెకాతు మరియు ఇషా యొక్క మూడవ మరియు నాలుగవ రెకాతులు నిశ్శబ్దంగా చదవవలసి ఉంటుంది.
ఆ తరువాత అల్లాహు అక్బర్(తక్బీర్) అంటూ తన రెండు చేతులను భుజాల వరకూ లేదా ఇంకా పైకి ఎత్తేవారు, ఆ సమయంలో వారి అరచేతులు ఖిబ్లా దిశవైపుకు ఉండేవి, నమాజు యొక్క మొదటి తక్బీర్(అల్లాహు అక్బర్) లో చేసిన మాదిరిగానే.
రుకూ అనేది నమాజ్‌లో ఒక ముఖ్యమైన భంగిమ. దీనిలో దాసుడు ఖిబ్లా వైపు వంగి, వీపు మరియు తలను సమతలంగా ఉంచాలి. రెండు చేతులను మోకాళ్లపై ఉంచి చేతి వేళ్లను విడదీసి ఉంచాలి, ఈ స్థితిలో "సుబ్ హాన రబ్బీయల్ అదీమ్" (మహోన్నతుడైన నా ప్రభువు పవిత్రుడు). ఈ సమరణను మూడు సార్లు లేదా కనీసం ఒకసారి (తప్పనిసరిగా) చెప్పాలి. రుకూ అనేది అల్లాహ్ యొక్క మహోన్నతను మరియు మహిమను సూచించే భంగిమ.
రుకూలో ఉన్నప్పుడు సుబ్ హాన రబ్బీ అల్ అదీం అని అనాలి. దీని అర్ధం : అల్లాహ్ అన్నీ రకాల బలహీనతలు మరియు లోపాలను నుండి పవిత్రమైన వాడు, అతీతమైనవాడు,
తన రెండు అరచేతులను భుజాల వరకూ ఎత్తుతూ రుకూ నుండి "సమియల్లాహు లిమన్ హమీదహ్(తనను స్తుతించేవారిని అల్లా వింటాడు)" అని పలుకుతూ నుంచునేవారు(ఇమామత్ చేసేటపుడు లేదా ఒంటరిగా ఆచరిస్తున్నపుడు). ఆ సమయంలో వారి అరచేతులు ఖిబ్లా దిశ వైపుకు ఉండేవి, ఆ తరువాత అందరూ “రబ్బనా వ లకల్ హమ్ద్” (ఓ మా ప్రభువా, సర్వ స్తుతులన్నీ నీ కొరకే) అనేవారు.
దానితో పాటుగా ఇది కూడా చెప్పడం ఉత్తమం : "హందన్ కసీరన్ తయ్యిబన్ ముబారకన్ ఫీహి. మిల్అస్సమావాతి వ మిల్అల్ అర్ది వ మిల్అ మా షియ్ త మిన్ షైఇన్ బాదు"
13. ఆ తరువాత, "అల్లాహు అక్బర్" అని చెబుతూ నేలను ఆని సాష్టాంగం (సజ్దా)చేయాలి. నుదురు (ముక్కుతో సహా), చేతులు, మోకాళ్లు, పాదాలు నేలను తాకాలి. పొట్టను తొడల నుండి దూరంగా ఉంచడం మంచిది, అలాగే చేతులను శరీరానికి కాస్త దూరంగా ఉంచడం ఉత్తమం, ముంజేతులను నేల నుండి పైకి లేపి ఉంచాలి.
14. సాష్టాంగములో ఒక్కసారి "సుబ్హాన రబ్బి అల్ ఆలా " చెప్పడం వాజిబ్ (తప్పనిసరి). మూడు సార్లు చెప్పడం ముస్తహబ్ (హర్షణీయమైనది). "సుబ్హాన రబ్బి అల్-ఆలా" అనగా అల్లాహ్ చాలా గొప్పవాడు, మహోన్నతుడైన, లోపరహితుడైనవాడు, ఆకాశాలలో ఉన్న అల్లాహ్ యొక్క గొప్పతనం మరియు పవిత్రతను నేను కొనియాడుతున్నాను. భూమిపై తల వంచి సాష్టాంగం చేసేవానికి ఇది ఒక జాగురూకత చేసే విషయం. అతడు తనకు మరియు తన సృష్టికర్త మధ్య ఉన్న ఈ భారీ వ్యత్యాసాన్ని గుర్తుంచుకోవాలి, తన ప్రభువుకు భయపడాలి మరియు అతనికి పూర్తిగా విధేయత చూపాలి.
సాష్టాంగ స్థితి (సజ్దా)అనేది అల్లాహ్ ను వేడుకోవడానికి(దుఆ) అత్యుత్తమమైన అవకాశం. ఈ స్థితిలో, ఒక విశ్వాసి తన స్మరణలను పూర్తి చేసిన తర్వాత, ఇహపరలోకాల మంచి కోసం మరియు జీవితంలో తాను కోరుకునే దాని కోసం వేడుకోవచ్చును. దైవప్రవక్త (స) వారు ఇలా ప్రబోదించారు: "ఒక దాసుడు తన ప్రభువుకు అత్యంత దగ్గరగా ఉండే సమయం అతను సజ్జాలో ఉండేటప్పుడి స్థితి, కాబట్టి మీరు ఈ స్థితిలో ఎక్కువగా వేడుకోండి" (ముస్లిం 482).
15. ఆ తరువాత అల్లాహు అక్బర్ అని రెండు సజ్దాల మధ్య కూర్చోవాలి, ఆ సమయంలో ఎడమ కాలుపై కూర్చుని కుడి కాలు పాదాన్ని నిటారుగా ఉంచడం ఉత్తమం, అలాగే తన రెండు చేతులను రెండు తొడల పై మోకాళ్ళ దగ్గర ఉంచాలి.
నమాజులో కూర్చునే విధానం
చివరి తషాహ్హుద్ లో తప్ప నమాజులో కూర్చునే అన్ని సందర్భాలలో మునుపటి విధానంలోనే కూర్చోవడం ఉత్తమమైనది, చివరి తషాహ్హుద్ లో కుడి పాదాన్ని మునుపటిలానే నిలిపి ఉంచి ఎడమ పిక్క మరియు పాదముపై కూర్చోనకుండా కాలును లోపలివైపు జరుపుకొని మన భారాన్ని నేలపై ఆనించాలి, చివరి తషాహ్హుద్ లో ఈ విధంగా కూర్చోవడం ఉత్తమమైనది.
16. రెండు సజ్దాల మధ్య కూర్చునపుడు ఇది చదవ్వాలి -రబ్బిగ్ ఫిర్లీ- దీనిని మూడు సార్లు చదవడం ఉత్తమం
17. ఆ తరువాత మొదటి సజ్దా లాగానే రెండవ సజ్దా కూడా చేయాలి
18. ఆతరువాత సజ్దా నుండి అల్లాహు అక్బర్ అంటూ నుంచోవడానికి లెగవాలి
19. మొదటి రెకాతు లాగానే రెండవ రెకాతు కూడా పూర్తిగా చదవాలి
20. రెండవ రకాఅత్ లో రెండవ సాష్టాంగం తర్వాత, రెండు సాష్టాంగాల మధ్య కూర్చున్నట్లు తషహూద్ కోసం కూర్చోవాలి. మీ కుడి చేతి చూపుడు వేలును ఖిబ్లా దిశవైపు చూపిస్తూ ఈ క్రింది దుఆ చదవాలి: “అత్తహియ్యాతు లిల్లాహి వస్సలవాతు వత్తయ్యిబాతు వస్సలాము అలైక అయ్యుహ న్నబియ్యు వ రహ్మతుల్లాహి వ బరకాతుహు అస్సలాము అలైనా వ అలా ఇబాదిల్లాహిస్సాలిహీన్, అష్ హదు అల్లా ఇలాహ ఇల్లల్లాహు వ అష్ హదు అన్న ముహమ్మదన్ అబ్ దుహు వ రసూలుహు” స్తుతి, శారీరక, ధన సంబందమైన ఆరాధనలన్నియూ అల్లాహ్ కొరకే, ఓప్రవక్తా! మీపై అల్లాహ్ కరుణా కటాక్షాలు మరియు శుభాలు కురియుగాక, అల్లాహ్ శుభాలు మాపై మరియు పుణ్యాత్ములైన అల్లాహ్ దాసులపై కురియుగాక, నేను సాక్ష్యమిస్తున్నాను వాస్తవమైన ఆరాధ్యుడు ఎవడు లేడు, కేవలం ఒక్క అల్లాహ్ తప్ప మరియు సాక్ష్యమిస్తున్నాను ముహమ్మద్(స) అల్లాహ్ దాసుడు మరియు ఆయన సందేశహరుడు అని.
రెండు రెకాతుల నమాజు ఉంటే, ఉదాహరణకు ఫజర్ నమాజులా రెండు రెకాతుల నమాజు ఉంటే, స్మరణ తర్వాత దరూద్ ఇబ్రాహీమీ చదివి సలాంతో ముగించుకోవాలి. ఈ విషయం గురించి మరింత వివరంగా తరువాత తెలుసుకుంటాము. మూడు లేదా నాలుగు రెకాతుల నమాజులు: ఒకవేళ నమాజు మూడు రెకాతుల (ఉదాహరణకు మగ్రిబ్) లేదా నాలుగు రెకాతుల (ఉదాహరణకు దుహర్, అసర్, ఇషా) అయితే, మిగిలిన రెకాతుల కోసం లేచి నిలబడాలి. అయితే, మూడవ మరియు నాల్గవ రెకాతులలో సూరాఫాతిహా మాత్రమే చదవవలసి ఉంటుంది.
చివరి రకాఅత్ లో రెండవ సజ్దా తర్వాత, చివరి తషహూద్ కోసం కూర్చోవాలి. ఎడమ పాదం పై కూర్చుని, కుడి పాదం యొక్క వ్రేళ్ళు ఖిబ్లా దిశవైపు ఉండేటట్లు చేసి నిటారుగా ఉంచాలి, మొదటి తషహూద్ చదివినదే ఇక్కడకూడా చదవాలి. ఆ తర్వాత, సలాత్ -ఎ- ఇబ్రాహీమీ (దరూద్) చెప్పాలి: “అల్లాహుమ్మ సల్లి అలా ముహమ్మదిన్ వ అలా ఆలి ముహమ్మదిన్ కమా సల్లైత అలా ఇబ్రాహీమ వ అలా ఆలి ఇబ్రాహీమ ఇన్నక హమీదున్ మజీద్. అల్లాహుమ్మ బారిక్ అలా ముహమ్మదిన్ వ అలా ఆలి ముహమ్మదిన్ కమా బారక్ త అలా ఇబ్రాహీమ వ అలా ఆలి ఇబ్రాహీమ ఇన్నక హమీదున్ మజీద్” ఓ అల్లాహ్! ముహమ్మద్(స) పై కరుణ చూపించు మరియు ఆయన పరివారం పై కూడా, ఏ విధంగానైతే నీవు ఇబ్రాహీం అలైహిస్సలాం పై మరియు ఆయన పరివారం పై కరుణ చూపించావో, నిశ్చయంగా నీవు ప్రశంనీయుడవూ, విధాతవూనూ. ఓ అల్లాహ్! ముహమ్మద్(స) పై శుభాలు కురిపించు మరియు ఆయన పరివారం పై కూడా , ఏ విధంగానైతే నీవు ఇబ్రాహీం అలైహిస్సలాం పై మరియు ఆయన పరివారం పై శుభాలు కురిపించావో, నిశ్చయంగా నీవు ప్రశంసనీయుడవూ, విధాతవూనూ.
ఆ తరువాత ఇది చదవడం ఉత్తమం : "అవూజుబిల్లాహి మిన్ అజాబి జహన్నమ, వ మిన్ అజాబిల్ ఖబ్రి, వ మిన్ ఫిత్నతిల్ మహ్యా వల్ మమాతి వ మిన్ ఫిత్నతిల్ మసీహిద్దజ్జాలి". ఆ తరువాత తను కోరుకున్నది దుఆ చేసుకోవాలి
23. నమాజు ముగింపుకు సూచనగా, "అస్సలాము అలైకుం వరహ్మతుల్లాహ్" అని పలుకుతూ "సలాం" చేయాలి. ముందుగా కుడి వైపు తిరిగి స్పష్టంగా చెప్పాలి, తరువాత ఎడమ వైపు తిరిగి అదే పదాలు పునరావృతం చేయాలి. "సలాం" తో నమాజు ముగుస్తుంది. దైవప్రవక్త (స) వారు ఇలా ప్రబోదించారు : "దాని ప్రారంభం తక్బీర్ (అల్లాహు అక్బర్)తో అవుతుంది మరియు దాని ముగింపు తస్లీమ్ (సలాం) అవుతుంది”. (అబూ దావూద్: 618, అల్-తిర్మిది: 3). అనగా నమాజు మొదటి తక్బీర్ (అల్లాహు అక్బర్) తో ప్రారంభమవుతుంది మరియు తస్లీమ్ (సలాం) తో ముగుస్తుంది.
24. ఫరద్ నమాజు ముగింపు సలాము చెప్పిన తరువాత ఇది చెప్పడం ఉత్తమం :
ప్రతి నమాజులోనూ సూరహ్ ఫాతిహా అరబీ భాషలోనే చదవాలి. ఒక ముస్లిము తన నమాజులో చదవవలసిన స్మరణల (అజ్కార్ల)ను కంఠస్తం చేసుకోవడం తప్పనిసరి. నమాజులోని స్మరణలు : సూరా ఫాతిహా. తక్బీర్ (అల్లాహు అక్బర్(అల్లాహ్ మహోన్నతుడు). సుబ్ హాన రబ్బీ అల్ అదీం (మహోన్నతుడైన నా ప్రభువు పవిత్రుడు). సమిఅల్లాహు లిమన్ హమి దహ్ (స్తుతించే వాని స్తోత్రాన్ని అల్లాహ్ విన్నాడు). రబ్బనా లకల్ హమ్ద్(ఓ మా ప్రభువా, సర్వస్తుతులు నీకే చెందుతాయి). సుబ్ హాన రబ్బీ అల్ ఆలా(ఘనుడైన నా ప్రభువు పరిశుద్ధుడు). రబ్బిగ్ ఫిర్లీ(ఓ నా ప్రభువా నన్ను క్షమించు). తషహుద్ మరియు దరూద్ దుఆలు.
నమాజులో చదవవలసిన ఆయతులు కంఠస్తం లేని పక్షములో (సుబ్ హానల్లాహ్, అల్ హందులిల్లాహ్, అల్లాహు అక్బర్) స్మరణలను -దిక్ర్ - లను చదువుతూ ఉండాలి, లేదా తనకు తెలిసిన ఏదైనా ఆయతు ఉంటే దానిని నమాజులోని నుంచునే స్థితిలో చదువుతూ ఉండాలి. తన దివ్య వచనములో అల్లాహ్ ఇలా సెలవిస్తున్నాడు. కావున మీరు మీ శక్తి మేరకు అల్లాహ్ యందు భయభక్తులు కలిగి ఉండండి. (అల్-తగాబున్: 16).
పరిపూర్ణమైన నమాజు కోసం అతడు తన శక్తి మేరా జమాతుతో కలిసి నమాజు చేయడానికి ప్రయత్నించాలి, సామూహిక నమాజులో ఇమామును అనుసరించడం వలన అతడికి తప్పులు జరిగే అవకాశాలు ఉండవు కాబట్టి.
