១. នៀត

ការនៀត(តាំងចិត្ត)ជាលក្ខខណ្ឌមួយដែលធ្វើឲ្យសឡាតមានភាពត្រឹមត្រូវ។ មានន័យថា អ្នកសឡាតត្រូវដឹងនៅក្នុងចិត្តថា រូបគេគោរពសក្ការៈទៅចំពោះអល់ឡោះតាមរយៈការសឡាតនេះ ហើយគេត្រូវដឹងថា រូបគេកំពុងសឡាតណាមួយ ឧទាហរណ៍សឡាតម៉ាហ្គ្រិប ឬសឡាតអ៊ីស្ហាជាដើម។ ហើយច្បាប់ឥស្លាមមិនបង្គាប់ប្រើឲ្យនៀតដោយពោលនឹងអណ្តាតនោះទេ ផ្ទុយទៅវិញ គេត្រូវនៀតដឹងនៅក្នុងចិត្ត ព្រោះនេះជាអ្វីដែលគេទាមទារ ហើយការនៀតដោយពោលនឹងអណ្តាត គឺខុស ព្រោះគ្មានភស្តុតាងបញ្ជាក់ពីព្យាការី ﷺ ឬសហាហ្ពាត់ដ៏ឧត្តុង្គឧត្តមរបស់លោកឡើយ។

អត្ថន័យតឹកពៀរ

ការតឹកពៀរមិនត្រឹមត្រូវនោះទេ លើកលែងតែនឹងការពោលពាក្យនេះ គឺ “الله أكبر” ហើយអត្ថន័យរបស់វា គឺការបន្ធំ និងលើកតម្កើងដល់អល់ឡោះជាម្ចាស់។ ពិតប្រាកដណាស់ អល់ឡោះជាម្ចាស់មហាធំធេងលើសអ្វីៗទាំងអស់ ធំធេងបំផុតជាងលោកិយ និងអ្វីៗទាំងអស់ដែលមាននៅក្នុងវានៃចំណង់តណ្ហា និងការត្រេកត្រអាលនានា។ ដូចនេះ យើងត្រូវបោះបង់នូវការត្រកត្រអាលទាំងនោះដាក់នៅមួយឡែក ហើយត្រូវតម្រង់ទៅកាន់អល់ឡោះជាម្ចាស់ដ៏មហាធំធេង និងឧត្តុង្គឧត្តមខ្ពង់ខ្ពស់បំផុតនៅក្នុងសឡាតដោយចិត្តរបស់យើង និងវិចារណញាណរបស់យើងដោយការកោតខ្លាចចំពោះអល់ឡោះជាម្ចាស់។

៤. ចាប់ផ្ដើមបើកសឡាតដោយការសូត្រទូអាអ៊ិសទិហ្វតះ ហើយក្នុងចំណោមទូអាអ៊ិសទីហ្វតះដែលមានបញ្ជាក់ពីព្យាការី ﷺ គឺ៖ سبحانك اللهم وبحمدك، تبارك اسمك وتعالى جدك، ولا إله غيرك ។

៥. សូត្រ أعـوذ بالله من الشيطان الرجيم (ខ្ញុំសុំការបញ្ចៀសពីអល់ឡោះអំពីពពួកស្ហៃតនដែលត្រូវគេដាក់បណ្តាសា) បានន័យថា៖ ខ្ញុំសុំការជ្រកកោន និងការការពារពីអល់ឡោះអំពីប្រការអាក្រក់របស់ស្ហៃតន។

៦. សូត្រ بسم الله الرحمن الرحيم (ក្នុងនាមអល់ឡោះមហាសប្បុរស មហាអានិតស្រឡាញ់) បានន័យថា៖ ខ្ញុំចាប់ផ្ដើមដោយការសុំជំនួយ និងសុំពរជ័យ(ពីទ្រង់)តាមរយៈព្រះនាមអល់ឡោះរបស់ជាម្ចាស់។

៧. សូត្រស៊ូរ៉ោះ អាល់ហ្វាទីហះ។ ស៊ូរ៉ោះអាល់ហ្វាទីហះ ជាស៊ូរ៉ោះ ឬជាជំពូកដ៏ធំធេងជាងគេបំផុតនៅក្នុងគម្ពីរបស់អល់ឡោះជាម្ចាស់(គម្ពីរគួរអាន)។

ពិតប្រាកដណាស់ អល់ឡោះជាម្ចាស់ទ្រង់បានប្រោសប្រទានដល់អ្នកនាំសាររបស់ទ្រង់តាមរយៈការបញ្ចុះស៊ូរ៉ោះនេះដល់លោក។ ទ្រង់បានមានបន្ទូលថា៖ “ហើយជាការពិតណាស់ យើងបានផ្ដល់ឲ្យអ្នក(ព្យាការីមូហាំម៉ាត់)នូវប្រាំពីរឃ្លានៃអាល់ម៉ាសានី រួមជាមួយនឹងគម្ពីរគួរអានដ៏ឧត្ដុង្គឧត្ដម”។ (អាល់ហ៊ិជ្ជរ៍៖៨៧)។ ប្រាំពីរឃ្លានៃអាល់ម៉ាសានី គឺសំដៅលើស៊ូរ៉ោះអាល់ហា្វទីហះ។ គេឲ្យឈ្មោះវាដូចនេះ ព្រោះក្នុងស៊ូរ៉ោះនោះមាន៧អាយ៉ាត់(វាក្យខណ្ឌ)ដែលគេត្រូវសូត្រវាដដែលៗនៅក្នុងសឡាតជាច្រើនដងរៀងរាល់ថ្ងៃ។

ចាំបាច់លើជនមូស្លីមត្រូវតែសិក្សារៀនសូត្រវា(សូរ៉ោះអាល់ហ្វាតីហះ) ពិតប្រាកដណាស់ការសូត្រវាជារូកុននៃរូកុនសឡាត(ថ្វាយបង្គំ)សម្រាប់ជនណាដែលសឡាត(ថ្វាយបង្គំ)ម្នាក់ឯង ឬក៏ធ្វើជាម៉ាក់មុំរបស់គេនៅក្នុងសឡាត(ថ្វាយបង្គំ)ណាដែលអុីមាំសូត្រតិចៗមិនឱ្យលឺ។

៨. បន្ទាប់ពីសូត្រស៊ូរ៉ោះអាល់ហ្វាទីហះចប់ ឬស្តាប់អ៊ីម៉ាំសូត្រអាល់ហ្វាទីហះ គេបង្គាប់ប្រើឲ្យពោលថា៖ آمين ដែលមានន័យថា៖ ឱអល់ឡោះជាម្ចាស់! សូមទ្រង់មេត្តាទទួលយកផងចុះ។

៩. នៅក្នុងរ៉ក្អាត់ទីមួយ និងទីពីរ ក្រោយពីសូត្រអាល់ហ្វាទីហះ ចប់ គប្បីសូត្រស៊ូរ៉ោះផ្សេងទៀត ឬអាយ៉ាត់ផ្សេងទៀតនៃគម្ពីរគួរអាន។ ចំណែកឯនៅរ៉ក្អាត់ទីបី និងទីបួន គឺសូត្រត្រឹមតែស៊ូរ៉ោះអាល់ហ្វាទីហះប៉ុណ្ណោះ។

ការសូត្រអាល់ហ្វាទីហះ និងស៊ូរ៉ោះឬអាយ៉ាត់ផ្សេងទៀតបន្ទាប់ពីអាល់ហ្វាទីហះ គឺត្រូវសូត្រឮៗចំពោះសឡាតហ្វាជើរ និងពីររ៉ក្អាត់ខាងដើមនៃសឡាតម៉ាហ្គ្រិប និងសឡាតអ៊ីស្ហា ហើយត្រូវសូត្រតិចៗចំពោះសឡាតហ្ស៊ូហូរ សឡាតអាសើរ រ៉ក្អាត់ទីបីនៃសឡាតម៉ាហ្គ្រិប និងពីររ៉ក្អាត់ចុងក្រោយនៃសឡាតអ៊ីស្ហា។

អត្ថន័យរបស់ឃ្លា سبحان ربي العظيم (មហាបរិសុទ្ធម្ចាស់របស់ខ្ញុំដ៏មហាធំធេង) គឺបានន័យថា ខ្ញុំលើកតម្កើងដល់អល់ឡោះដ៏មហាធំធេង និងបញ្ជាក់ពីភាពបរិសុទ្ធ ស្អាតស្អំរបស់ទ្រង់ពីភាពខ្វះខាតទាំងឡាយ។

ស៊ូណិតឲ្យបន្ថែមបន្ទាប់ពីនោះថា៖ حمداً كثيراً طيباً مباركاً فيه، ملءَ السماء وملء الأرض وملء ما شئت من شيء بعد

១៤. សូត្រក្នុងពេលស៊ូជោតនោះថា៖ "سُبْحانَ رَبِّيَ الأَعْلى"។ ចាំបាច់(វ៉ាជិប)ត្រូវសូត្រតែមួយដងប៉ុណ្ណោះ តែគប្បី(ស៊ូណិត)សូត្រវាចំនួនបីដង។

របៀបអង្គុយនៅពេលសឡាត

រាល់ការអង្គុយទាំងអស់នៅក្នុងសឡាត ស៊ូណិតគប្បីអង្គុយដូចបានលើកឡើងខាងលើ(ក្នុងពេលអង្គុយចន្លោះស៊ូជោតទាំងពីរ) លើកលែងតែនៅក្នុងតះយិតចុងក្រោយប៉ុណ្ណោះដែលស៊ូណិតឲ្យគេបញ្ឈរប្រអប់ជើងខាងស្ដាំដែរ ក៏ប៉ុន្តែប្រអប់ជើងខាងឆ្វេងត្រូវដាក់ក្រោមជើងខាងស្ដាំបញ្ចេញមកខាងក្រៅ ហើយអង្គុយផ្ទាល់លើដី។

១៨. បន្ទាប់មកទៀត ត្រូវក្រោកពីស៊ូជោតលើកទីពីរនេះមកឈរត្រង់វិញ ដោយសូត្រថា “الله أكبر”។

១៩. ត្រូវសឡាតនៅរ៉ក្អាត់ទីពីរនេះ ដូចក្នុងរ៉ក្អាត់ទីមួយដែរ ទាំងការសូត្រ និងកាយវិការផ្សេងៗ លើកលែងតែទូអាអ៊ីសទីហ្វតះប៉ុណ្ណោះដែលមិនតម្រូវឲ្យសូត្រ។

២១. ប្រសិនបើសឡាតនោះមានពីររ៉ក្អាត់ ដូចជាសឡាតហ្វាជើរជាដើម បន្ទាប់ពីសូត្រតះយិតខាងលើចប់ គេត្រូវសឡាវ៉ាតលើណាពី រួចមកត្រូវឲ្យសាឡាម។ តែប្រសិនបើសឡាតនោះមានបីរ៉ក្អាត់ ឬមានបួនរ៉ក្អាត់ គេត្រូវក្រោកឈរបំពេញរ៉ក្អាត់ដែលនៅសល់ គ្រាន់តែនៅក្នុងរ៉ក្អាត់ទីបី និងទីបួននោះ គេត្រូវសូត្រតែស៊ូរ៉ោះអាល់ហ្វាទីហះប៉ុណ្ណោះ។

បន្ទាប់ពីសឡាវ៉ាតលើណាពីចប់ ស៊ូណិតសូត្រថា៖ أعوذ بالله من عذاب جهنم، ومن عذاب القبر، ومن فتنة المحيا والممات، ومن فتنة المسيح الدجال ហើយគេអាចបួងសួងសុំទូអានូវអ្វីដែលគេចង់បាន ឬត្រូវការ។

២៤. បន្ទាប់ពីឲ្យសាឡាមអំពីសឡាតដែលជាកាតព្វកិច្ច(សឡាតហ្វើរទូ)រួច ស៊ូណិតសូត្រថា៖

ប្រសិនបើគេមិនទាន់ទន្ទេញចាំនូវអ្វីដែលបានលើកឡើងខាងលើទេនោះ ចាំបាច់លើគេត្រូវសូត្រដដែលៗសាចុះសាឡើងនូវអ្វីដែលខ្លួនចងចាំខ្លីៗ ងាយៗ ដូចជា سبحان الله، الحمدلله، الله أكبر ឬសូត្រសាចុះឡើងនូវអាយ៉ាត់ដែលខ្លួនបានចាំនៅក្នុងពេលកំពុងឈរ ដោយយោងតាមបន្ទូលរបស់អល់ឡោះជាម្ចាស់ដែលទ្រង់បានមានបន្ទូលថា៖ “ដូចេ្នះ ចូរពួកអ្នកកោតខ្លាចអល់ឡោះទៅតាមលទ្ធភាពរបស់ពួកអ្នកចុះ។ (អាត់តាហ្គ៏ពុន៖១៦)

អ្នកបានបញ្ចប់មេរៀនដោយជោគជ័យ