Tatayo siyang nakatindig para sa Salah, at sasabihin niya: "Allahu akbar" at itataas niya ang kanyang mga kamay hanggang sa tapat ng kanyang mga balikat o hanggang sa mga sangay ng kanyang mga tainga, habang nakaunat ang kanyang mga daliri na nakaharap ang palad ng kamay sa direksyon ng Qiblah.

3. Ilalagay niya pagkatapos magbigkas ng Takbeer (Allahu Akbar), ang kanyang kanang kamay sa (ibabaw ng) kaliwang kamay sa kanyang dibdib, at gagawin niya iyon palagi sa kanyang pagtayo.

10. Pagkatapos ay magbibigkas siya ng Takbeer (Allahu Akbar) para sa Ruku', habang itinataas ang kanyang mga kamay hanggang sa kanyang mga balikat o mas mataas, na ang palad ng kanyang mga kamay ay nakaharap sa direksyon ng Qiblah tulad ng ginawa niya sa unang Takbeer.

11. Siya ay yuyuko, sa pamamagitan ng pagyuko ng kanyang likod sa dakong Qiblah, na ang kanyang likod at ulo ay patag, at ilalagay niya ang kanyang mga kamay sa kanyang mga tuhod, at paghihiwalayin niya ang pagitan ng mga daliri, at bibigkasin niya ang: "Subhana rabbiyal `adheem (Luwalhati sa aking Panginoong Dakila), at nakabubuting ulitin ang Tasbeeh (pagluluwalhati) ng tatlong beses, subali't ang ubligado ay isang beses lamang, at ang pagyuko ay isang lugar ng pagdakila at pagluwalhati sa Allah na Kataas-taasan.

12. Aangat siya mula sa Ruku' hanggang sa kalagayan ng pagkatayo. At itinataas niya ang kanyang mga kamay sa tapat ng kanyang mga balikat at ang mga palad nito ay nakaharap sa direksyon ng Qiblah, tulad sa una habang binibigkas ang: "Sami`allahu liman hamidah (Narinig ng Allah ang sinumang pumuri sa Kanya)" kung siya ay isang Imam (namumuno sa Salah) o nag-iisa. Pagkatapos ay bibigkasin ng lahat ang: "Rabbana wa lakal hamd (Panginoon Namin at sa Iyo ang lahat ng papuri)."

13. Luluhod siya pagkatapos noon sa lupa habang binibigkas ang Takbeer (Allahu Akbar) at magpapatirapa sa pitong bahagi ng katawan niya, at ito ay: Ang noo kasama ang ilong, ang mga kamay, ang mga tuhod, at ang mga paa. At kaaya-aya para sa kanya na ilayo ang mga kamay sa tagiliran, at ilayo ang tiyan sa mga hita, at ilayo ang mga hita sa mga paa sa kanyang pagpapatirapa, at itataas niya ang kanyang mga bisig mula sa lupa.

Ang pagpapatirapa ay isa sa pinakadakilang mga lugar ng pananalangin sa Allah na Makapangyarihan at Kapita-pitagan, kaya nananalangin dito ang isang Muslim pagkatapos ng ubligadong paggunita sa kung ano ang kanyang nais mula sa kabutihan ng mundo at huling araw. Siya ﷺ ay nagsabi: "Ang pinakamalapit na kalagayan ng isang alipin sa kanyang Panginoon, siya ay habang nakapatirapa, kaya paramihin ninyo ang panalangin." (Muslim: 482).

15. Pagkatapos ay bibigkasin niya ang: "Allahu Akbar", at uupo siya sa pagitan ng dalawang pagpapatirapa. At kaaya-aya para sa kanya na umupo sa kanyang kaliwang paa at itayo ang kanan, at ilalagay ang kanyang mga kamay sa unahan ng kanyang mga hita, na kasunod ng mga tuhod.

16. Bibigkasin niya sa kanyang pag-upo sa pagitan ng dalawang pagpapatirapa ang: "Rabbi-ghfir li (Panginoon ko, patawarin Mo ako)." At kaaya-aya na ulitin ito nang tatlong beses.

17. Pagkatapos ay magpapatirapa siya sa ikalawang pagkakataon, tulad ng kanyang unang pagpapatirapa.

20. Pagkatapos ng kanyang ikalawang pagpatirapa sa ikalawang rak'ah ay uupo siya para sa unang tashahhud tulad ng pag-upo niya sa pagitan nang dalawang pagpapatirapa, at Ituro niya ang hintuturo ng kanyang kanang kamay sa direksiyon ng qiblah At bibigkasin niya ang: "Attahiyyatu lillahi was salawatu wat tayyibatu, assalamu alaika ayyuhan nabiyyu wa rahmatullahi wa barakatuhu, assalamu alaina wa ala ibadillahis salihina, ashhadu alla ilaha illallah wa ashhadu anna muhammadan abduhu wa rasooluhu". (Ang lahat ng mga pagbati ay para sa Allah, ang mga dasal at ang mabubuting bagay. Sumaiyo nawa ang kapayapaan o Propeta at ang habag ng Allah at ang Kanyang pagpapala. Ang kapayapaan ay mapasa-amin at mapasa mga lingkod ng Allah na matutuwid. Ako ay sumasaksi na walang diyos na karapat-dapat sambahin maliban sa Allah at ako ay sumasaksi na si Muhammad ay Kanyang sugo at lingkod)."

22. pagkatapos ay sa huling rak'ah pagkatapos ng ikalawang pagpapatirapa ay uupo siya para sa huling tashahhud, at ang paraan nito ay ang umupo siya sa kanyang upoan at itayo niya ang kanyang kanang paa (i-angat niya ang kanang binti) at ilabas niya sa ilalim nito ang kaliwa (kaliwang paa), at bigkasin niya kung ano ang kanyang sinabi sa unang tashahhud, pagkatapos ay bigkasin niya ang Shalawat ibrãhimiyyah: "Allahumma shalli ala muhammadin wa ala ali muhammadin, kama sallayta ala ibraheema wa ala ali ibraheema innaka hamidun majeed, wa barik ala muhammadin wa ala ali muhammadin, kama barakta ala ibraheema wa ala ali ibraheema innaka hamidun majeed", (O Allah, pagpalain Mo si Muhammad at ang pamilya ni Muhammad tulad ng iyong pagpapala kay Ibrahim at sa pamilya ni Ibrahim, tunay na Ikaw ay Kapuri-puri, Maluwalhati, at biyayaan Mo si Muhammad at ang pamilya ni Muhammad tulad ng iyong pagbiyaya kay Ibrahim at sa pamilya ni Ibrahim, tunay na Ikaw ay Kapuri-puri, Maluwalhati)."

23. pagkatapos ay lilingon siya sa bandang kanan habang sinasabi ang: (Assalamu alaikum wa rahmatullah) pagkatapos ay sa bandang kaliwa at sabihin niya ang katulad niya, at sa pamamagitan ng tasleem (Assalamu alaikum wa rahmatullah) ay ganap na natapos ng isang Muslim ang kanyang Salah, tulad ng sinabi niya, ﷺ: "Ang simula nito ay ang Takbeer (Allahu akbar) at ang pagtatapos nito ay ang Tasleem." (Abu Dawud: 618, At-Tirmidhi: 3). Ibig sabihin: Tunay na ang Salah ay nakakapasok dito sa pamamagitan ng Takbeer at nakakalabas mula rito sa pamamagitan ng Tasleem.

Kailangan niyang sikapin ang pag-saulo sa mga ubligadong Dhikr sa Salah, dahil hindi ito matatanggap maliban sa wikang arabik, at ito ay ang: Al-Fatihah, Allahu Akbar, Subhana rabbiyal `adheem, sami`allahu liman hamidah, Rabbana wa lakal hamd, Subhana rabbiyal a`la, Rabbigh fir li, At-Tashahhud, ang paghiling ng pagpapala para sa Propeta, at ang Assalamu alaikum wa rahmatullah.

Dapat sa kanya sa panahong ito na maging ganap na masigasig (sa abot ng kanyang makakaya) sa sama-samang pagdarasal upang mainsakto niya ang kanyang pagdarasal, at dahil ang Imam (namumuno) ang may pananagutan sa ilang pagkukulang ng mga Ma'mum (sumusunod).