നിലവിലെ വിഭാഗം
പാഠം മയ്യിത്ത് നമസ്കാരവും മറമാടലും
count മറ്റ് വിദ്യാർത്ഥികൾ ഈ പാഠം പൂർത്തിയാക്കി
മയ്യിത്ത് നമസ്കാരം സന്നിഹിതരായ എല്ലാ മുസ്ലിംകളുടെ മേലും നിർബന്ധമാണ്, വ്യക്തി ബാധ്യത അല്ല. കുറച്ച് ആൾക്കാർ നമസ്കരിച്ചാൽ തന്നെ ബാക്കിയുള്ളവർ കുറ്റത്തിൽ നിന്ന് ഒഴിവാക്കുന്ന ഫർദ് കിഫായ ( സാമൂഹ്യ ബാധ്യത) ആണ് അത്. മയ്യിത്ത് നമസ്കരിക്കുന്നവർക്ക് വലിയ മലയുടെ അത്ര പ്രതിഫലമുണ്ടെന്ന് നബി(സ) സന്തോഷ വാർത്ത അറിയിച്ചിട്ടുണ്ട്. അവിടുന്ന് പറഞ്ഞു: " ആരെങ്കിലും ജനാസ നമസ്കരിക്കുന്നത് വരെ അതിന്റെ അടുക്കൽ സന്നിഹിതനായാൽ അവന് ഒരു ഖീറാത്ത് പ്രതിഫലമുണ്ട്, ആരെങ്കിലും അത് മറമാടുന്നത് വരെ അതിന്റെ അടുക്കൽ സന്നിഹിതനായാൽ അവന് രണ്ടു ഖീറാത്ത് പ്രതിഫലമുണ്ട്," അപ്പോൾ ചോദിക്കപ്പെട്ടു: "രണ്ടു ഖീറാത്തുകൾ എന്നാൽ എന്താണ്?" അവിടുന്ന് പറഞ്ഞു: "രണ്ട് വലിയ പർവ്വതങ്ങളെ പോലുള്ളതാണ്" (ബുഖാരി 1325, മുസ്ലിം 945)
ജനാസയിൽ പങ്കെടുക്കുന്നതിന്റെ ശ്രേഷ്ഠത
1. മയ്യിത്ത് നമസ്കാരം സംഘടിതമായി നമസ്കരിക്കലാണ് സുന്നത്ത്. സാധാരണ ജമാഅത്ത് നമസ്കാരങ്ങളിലെ പോലെ തന്നെ ഇമാം മഅ്മൂമുകളെക്കാൾ മുന്നിടണം.
2.മയ്യിത്തിനെ നമസ്കരിക്കുന്നവരുടെ മുന്നിൽ വെക്കുക, പുരുഷന്റെ മയ്യിത്താണെങ്കിൽ ഇമാം അതിന്റെ തല ഭാഗത്തും സ്ത്രീയുടേത് ആണെങ്കിൽ ഇമാം അതിന്റെ മധ്യ ഭാഗത്തുമായാണ് നിൽക്കേണ്ടത്. നബി(സ) യിൽ നിന്നും അപ്രകാരമാണ് റിപ്പോർട്ട് ചെയ്യപ്പെട്ടിട്ടുള്ളത്. (അബൂ ദാവൂദ് 3194).
-
ഒന്നാമത്തെ തക്ബീർ
രണ്ടാമത്തെ തക്ബീർ
മൂന്നാമത്തെ തക്ബീർ
നാലാമത്തെ തക്ബീർ
മയ്യിത്ത് നമസ്കാരം പള്ളിയിൽ വെച്ച് നമസ്കരിക്കൽ അനുവദനീയമാണ്. അല്ലെങ്കിൽ പള്ളിക്ക് പുറത്ത് അതിന് വേണ്ടി പ്രത്യേകം തയ്യാറാക്കിയ സ്ഥലത്തോ അല്ലെങ്കിൽ മറമാടുന്ന സ്ഥലത്തോ നിർവഹിക്കാവുന്നതാണ്. ഇതെല്ലാം നബി(സ) യിൽ നിന്നും റിപ്പോർട്ട് ചെയ്യപ്പെട്ടിട്ടുണ്ട്.
ജനാസ ഒരുക്കലും അതിന്റെ മേൽ നമസ്കരിക്കലും മറമാടുന്ന സ്ഥലത്തേക്ക് കൊണ്ട് പോകലും മറമാടലും വേഗത്തിലാക്കൽ സുന്നത്താണ്. അബൂ ഹുറയ്റ (റ) വിൽ നിന്നും, നബി(സ) പറഞ്ഞു: " ജനാസയുമായി നിങ്ങള് വേഗം പോവുക. കാരണം അത് സദ്വൃത്തനാണെങ്കില് നന്മയിലേക്കാണ് നിങ്ങള് കൊണ്ടുപോകുന്നത്. അതല്ലെങ്കില് ഒരു തിന്മയെ നിങ്ങളുടെ പിരടിയില് നിന്ന് ഇറക്കിവെക്കലാവും" (ബുഖാരി 1315, മുസ്ലിം 944).
മയ്യിത്ത് മറമാടുമ്പോൾ ശ്രദ്ധിക്കേണ്ട കാര്യങ്ങൾ
മറവു ചെയ്യുന്ന സ്ഥലത്ത് ഹാജരുള്ളവർ മയ്യിത്തിന് പാപമോചനവും സ്ഥൈര്യവും ലഭിക്കാൻ വേണ്ടി പ്രാർത്ഥിക്കൽ സുന്നതാണ്. നബി(സ) മയ്യിത്ത് മറവു ചെയ്ത് കഴിഞ്ഞാൽ അവിടെ നിൽക്കുമായിരുന്നു. അവിടുന്ന് പറഞ്ഞു: "നിങ്ങളുടെ സഹോദരന് വേണ്ടി നിങ്ങൾ പാപമോചനം തേടുക, അവന് സ്ഥൈര്യം കിട്ടാൻ വേണ്ടി നിങ്ങൾ ചോദിക്കുകയും ചെയ്യുക, തീർച്ചയായും അവനിപ്പോൾ ചോദ്യം ചെയ്യപ്പെടുകയാണ്" (അബൂ ദാവൂദ് 3221)
