අනිවාර්යය වූ පස් වේල් සලාතය ඉටු කිරීමේ දී ඒවා සාමූහිකව ඉටු කිරීම අල්ලාහ් විසින් නියෝග කරන ලද කරුණකි. එහි මහිමය වනාහි ඒ සඳහා ඉමහත් වේතනයක් ලැබෙනු ඇත. නබි (සල්ලල්ලාහු අලයෙහි වසල්ලම්) තුමාණෝ මෙසේ වදාළහ: "සාමූහික සලාතය තනිව ඉටු කරනු ලබන සලාතයට වඩා විසිහත් ගුණයකින් ශ්‍රේෂ්ඨ වේ." (බුහාරි 619, මුස්ලිම්650)

අනුගමනය කිරීම යන්නෙහි තේරුම.

සලාතය ඉටු කරන්නෙකු තම සලාතය එය මෙහෙයවන අයකු සමඟ සම්බන්ධ කර ඔහුගේ රුකූඋ, සුජූද් යනාදී ඉරියව්වන්හි ඔහුව අනුගමනය කර ඔහුගේ පාරායනයට සවන් දී සලාතය ඉටු කිරීම වේ. ඔහු ඒ කිසිවකදී ඔහුට පෙර හෝ පටහැනිව කිසිවක් නො කරයි. ඒ වෙනුවට ඔහු මෙහෙයවන්නාට පසුව වහා ම එම ක්‍රියාවන් සිදු කරයි.

මෙහෙයවන්නා ව අනුගමනය කිරීම.

නබි (සල්ලල්ලාහු අලෙයිහි වසල්ලම්) තුමාණෝ මෙසේ පැවසුහ: "සලාතයේ මෙහෙයවන්නෙකු පත් කර ඇත්තේ ඔහුව අනුගමනය කිරීම පිණිස ය. ඔහු තක්බීර් පැවසූ විට ඔබ ද තක්බීර් පවසන්න. ඔහු තක්බීර් පැවසීමට පෙර ඔබ තක්බීර් නො පවසන්න. ඔහු රුකූඋ කරන තුරු ඔබ රුකූඋ නො කරන්න. තවද 'සම්අල්ලාහු ලිමන් හමිදා' යනුවෙන් පැවසූ විට 'රබ්බනා වලකල් හම්දු' යනුවෙන් පවසන්න. ඔහු සුජූද් කළේ නම් ඔබ ද සුජූද් කරන්න. ඔහු සුජූද් කරන තුරු ඔබ සුජූද් නො කරන්න. (බුහාරි 701, මුස්ලිම් 414, අබූ දාවූද් 603)

ඉමාම් සමඟ සලාතයේ ආරම්භය මග හැරුණු අය පිළිබඳ උදාහරණ

කවුරුන් හෝ ෆජ්ර් සලාතයේ දෙවන රක්අත්හි ඉමාම් සමඟ සම්බන්ධ වන්නේ නම්, ඔහු ඉමාම්ගේ සලාමයෙන් පසුව, ඔහු ඉතිරි රක්ආත් සම්පූර්ණ කිරීමට නැඟී සිටිය යුතු අතර ඔහු එය අවසන් කරන තුරු සලාම් නො පවසයි; මක්නිසාද යත් ෆජ්ර් සලාතය රක්අත් දෙකක් වන අතර ඔහුට ඉමාම් සමඟ සම්බන්ධ වීමට හැකි වූයේ ඉන් එකක් පමණි.

මග්රිබ් සලාතයේ අවසාන තෂහ්හුද්හි සිටින විට ඉමාම් සමඟ සම්බන්ධ වූයේ නම් ඉමාම්ගේ සලාමයෙන් පසු ඔහු සම්පූර්ණ රකආත් තුනක් ඉටු කළ යුතු ය. මක්නිසාද යත් ඔහු අවසාන තෂහ්හුද්හි ඉමාම් සමඟ සම්බන්ධ විය. රකආතයක් ලෙස ගණන් ගනු ලබනුයේ ඉමාම් රුකූ ඉරියව්වෙහි සිට නැගිටීමට පෙර පැමිණ සම්බන්ධ වූයේ නම් පමණි.

යමෙක් ළුහර් සලාතයේ තුන් වන රකඅතෙහි සිටිය දී ඉමාම් සමඟ සම්බන්ධ වන්නේ ද ඔහු ඉමාම් සමඟ රකආත් දෙකක් ලබා ගනී. (ඔහු විෂයෙහි ඒවා ළුහර්හි පළමු රකආත් දෙක වේ) ඉමාම් සලාම් ප්‍රකාශ කළ පසු ඔහු නැගී සිට ඉතිරිව ඇති දේ සම්පූර්ණ කළ යුතු ය. එය ඔහු විෂයෙහි තුන් වන සහ හතර වන රකආත් වේ, මන්ද ළුහර් සලාතය රකආත් හතරක් වන බැවිනි.

ඔබ පාඩම සාර්ථක ව සම්පූර්ණ කර ඇත.