kutaan ammaa model
Barnoota mata duree salaata jamaa'ah.
Rabbiin muslimtoota dhiiraa salaata shanan keessatti salaata jamaa'aatti ajaje. sadarkaa isii keessatti galata guddaatu dubbatame. nabiin s.a.w. akki jedhe "salaanni jamaa'ah salaata kophaarra sadarkaa 25n caalti." bukhari 645. muslim 650.
irra xiqqaan jamaa'aa nama lama, imaamaafii maimuuma, hanguma jamaa'aan walirra guddatte Rabbi biratti irra jaalatamtuudha.
hiikkaa salaata walitti hidhatuu.
walitti hidhatuu jechuun maimuumni imaamatti salaata hidhatee jala deemee salaatuu jechuu. rukuu'a sujuuda, jala deemuu, qaraatii isaa dhaggeeyfatuu, dura dabruu dhabuu, wanneen kana keessatti isa faallessuu dhabuu. hojii hunda imaama isaa boodarra hojjatuu.
imaama hordofuu.
nabiin s.a.w. akkana jedhe "imaamni wanni godhameef akka itti hidhataniifi, yeroo Allaahu akbar jedhe Allaahu akbar jedhee, hanga inni takbiiraa godhutti hingodhinaa. yoo inni rukuu'a godhe rukuu'a godhaa, hanga inni rukuu'a godhutti hingodhinaa, yeroo inni sami'allaahu liman hamidahu jedhe allaahumma Rabbanaa lakal hamdu jedhaa. yeroo inni sujuude sujuudaa, hanga inni sujuudutti hinsujuudinaa" bukhaarii 734 muslim 411 abuudaawuud 603 jechi kan abii daawuudi.
nama irra qur'aana haffazeetu imaamummaf durfama, ka qaraatii tolchu. yoo qaraatitti walqixa tahan kan sunnaa irra beekuutu imaama taha".muslim 673.
imaamni dura dhaabbata, maimuumni boodarra hiriira tolfatee dhaabbata, saffii duraa guutaniiti tan itti aantu tanitti aantu akkasumatti, maimuumni yoo tokko tahe mirga imaamaati dhaabbata.
namni eega salaatarraa imaamni isa dura oofe boodarra dhaqqabe itti seeneetuma wajji oofa hanga imaamni salaammatutti, eegasii olkaee waan hafe itti guutata. wanni imaamaan wajji dhaqqabate salaata isaa gama duraati, wanni san booda itti guutatu gamaboodaa salaata isaati.
namni imaama rukuu'arratti dhaqqabate raka'aa san guutuu dhaqqabate jedhama. namni rukuuini isa jalaa dabre raka'aa saniifii tan isii duraatis isa dabarte jedhama.imaaman wajji salaatatti seenee, yeroo imaamni salaammate olka'e waan isa dabre itti guuttata.
fakkeenya nama salaanni gama duraa imaamaan wajji isa dabartee.
namni salaata fajrii raka'aa 2ffaa dhaqqabate yeroo imaamni salaammate olkae tan hafte itti guuttata, eegasii salaammata, waan salaanni sun raka'aa lama taheef.
namni tashahuda dhumaarratti salaata magriibaa dhaqqabate, hidhatee wajji taa'a yeroo imaamni salaammate olka'ee raka'aa sadeen guutuu salaata, raka'aa takkallee hindhaqqabanne waan taheef. raka'aan rukuu'arratti dhaqqabamti waan taheef.
namni imaama isaa salaata zuhrii raka'aa 3ffaa rukuu'atti jiru dhaqqabate raka'aa lama imaamaan wajji dhaqqabate jedhama. isiin maimuumaaf raka'aa lameen duraati, yeroo imaamni salaammate olkaee waan hafe guuttatuuti isarra jira. tan guutatu tuni raka'aa sadaffaafii afraffaa jedhamti.
