වත්මන් කොටස: model:
පාඩම දේව දූත මුහම්මද්තුමාණන්ගේ සීරාව හෙවත් චරිතාපදානය
පාඩම පිළිබඳ තොරතුරු
අරමුණු
count: තවත් සිසුවෙක් මෙම පාඩම සම්පූර්ණ කළේය.
දේව දූතයාණන්ගේ සීරාව හෙවත් චරිතාපදානය ඉස්ලාමීය ඉගැන්වීම් හා නීතිරීති සියල්ලෙහි පරිපූර්ණ ප්‍රයෝගික ක්‍රියාවලියක් වන බැවින් ජීවිතයේ සෑම කටයුත්තක දී ම එතුමාණන් ව ආදර්ශයට ගෙන කටයුතු කිරීම පිණිස එතුමාණන්ගේ සීරාව සවිස්තරාත්මක ව ඉගෙන ගැනීම හා අධ්‍යනය කිරීම මුස්ලිම්වරයෙකුට අනිවාර්ය වේ. මේ පිළිබඳ ව උතුම් අල් කුර්ආනයෙහි මෙසේ සඳහන් වේ. “උත්තරීතර අල්ලාහ් ව ද පරමාන්ත දිනය ද අපේක්ෂා කොට, උත්තරීතර අල්ලාහ් ව අධික ලෙස මෙනෙහි කරන්නන් ව සිටින ඔබලාට නියත වශයෙන් ම අල්ලාහ්ගේ දූතයාණන් සතු ව අලංකාරවත් ආදර්ශයක් පවතී.” (සූරා අල් අහ්සාබ් - 21)
1. දේව දූත මුහම්මද්තුමාණන්ගේ නසබ් හෙවත් පෙළපත
2. දේව දූත මුහම්මද්තුමාණන්ගේ මව සහ පියා
3. දේව දූත මුහම්මද්තුමාණන්ගේ උප්පත්තිය
4. දේව දූත මුහම්මද්තුමාණන්ට කිරි පෙවීම
5. දේව දූතයාණන් හැදී වැඩුණු ළමා විය හා තරුණ විය
වක්තෘත්වයට පෙර දේව දූතයාණන් කළ රැකියා
නුබුව්වතය හෙවත් වක්තෘත්වයට පෙර වුව ද, දේව දූතයාණෝ කිසිදු චෝදනාවකින් හෝ අශීලාචාරකමකින් හෝ වරදකින් තොර, යහපත් හා ගෞරවණීය දිවියක් ගත කළහ. එතුමාණන්ගේ තරුණ වියේ දී එකල පැවති දූෂිත හා අශීලාචාර සමාජයේ ගතිගුණ හා අකටයුතුකම්වලට නැඹුරු වීමෙන් උත්තරීතර අල්ලාහ් දෙවිඳාණෝ එතුමාණන් ව ආරක්ෂා කළහ. තව ද, එකල සමාජයේ කිසිදු අකටයුත්තක් හෝ අවැඩක් නොකළ, උදාර ගතිගුණවලින් හෙබි, වඩාත් ශිෂ්ට සම්පන්න, ත්‍යාගශීලී මෙන් ම සත්‍යවන්ත හා විශ්වාසවන්ත ම පුරුෂයා වශයෙන් එතුමාණෝ සිටියහ. මෙනිසා ම, අස්සාදික් (සත්‍යවන්තයා) හා අල්අමීන් (විශ්වාසවන්තයා) යන පටබැඳි නම්වලින් එතුමාණෝ ඔවුනතර ප්‍රකට වූහ.
