ప్రస్తుత విభాగం : model
పాఠం దైవప్రవక్త ముహమ్మద్(స) వారి జీవిత చరిత్ర (1)
జీవితంలోని అన్ని రంగాలలో దైవప్రవక్త ముహమ్మద్(స) వారిని ఆదర్శంగా తీసుకోవడం సాధ్యపడాలంటే, ప్రతి ముస్లిము వారి జీవిత చరిత్రకు సంబంధించిన వివరాలను తెలుసుకోవడం అవసరం. ఎందుకంటే వారి జీవితం ఇస్లామీయ నియమావళి (షరీఅత్) యొక్క ఆచరణాత్మక రూపం. అల్లాహ్ ఇట్లు సెలవిచ్చాడు: "ఎవరైతే అల్లాహ్ను మరియు అంతిమ దినాన్ని ఆశిస్తారో, అటువంటి వారి కోసం దైవప్రవక్తలో ఒక ఉత్తమ మార్గదర్శకత్వం ఉంది." (అల్-అహ్జాబ్: 21).
1. దైవప్రవక్త (స) వారి వంశం
దైవప్రవక్త ముహమ్మద్ (స) వారి వంశవృక్షం అత్యంత శ్రేష్టమైనది మరియు గౌరవప్రదమైనది. వారు: ముహమ్మద్ బిన్ అబ్దుల్లా బిన్ అబ్దుల్ ముత్తలిబ్ బిన్ హాషిమ్ బిన్ అబ్దు మనాఫ్ బిన్ ఖుసయ్ బిన్ కిలాబ్ బిన్ ముర్రా బిన్ కఅబ్ బిన్ లుఅయ్ బిన్ గాలిబ్ బిన్ ఫిహర్ బిన్ మాలిక్ బిన్ నద్ర్ బిన్ కినానా బిన్ ఖుజైమా బిన్ ముద్రిక్కా బిన్ ఇల్యాస్ బిన్ ముదర్ బిన్ నిజార్ బిన్ మఅద్ బిన్ అద్నాన్. అద్నాన్, ఇస్మాయీల్ (అలైహిస్సలాం) వారి సంతతికి చెందినవారు.
2. దైవప్రవక్త (స) వారి తల్లిదండ్రులు
దైవప్రవక్త (స) వారి తండ్రి: అబ్దుల్లా బిన్ అబ్దుల్ ముత్తలిబ్ బిన్ హాషిమ్. వీరు దైవప్రవక్త (స) వారు తమ తల్లి గర్భంలో ఉన్నప్పుడే మరణించారు. వారి తల్లి: ఆమినా బింతె వహబ్ బిన్ అబ్దు మనాఫ్ బిన్ జహ్రా.
3. ప్రవక్త (స) వారి జననం
దైవప్రవక్త (స) వారు ఏనుగుల సంవత్సరం (ఆముల్ ఫీల్), రబీఉల్ అవ్వల్ నెలలోని సోమవారం నాడు జన్మించారు. ఇది క్రీస్తు శకం 571వ సంవత్సరానికి సరిపోలుతుంది.
4. వారి(స)కి పాలు త్రాపించిన వారు
దైవప్రవక్త (స) వారికి అబూ లహబ్ బానిస అయిన సువైబా కొన్ని రోజుల పాటు పాలిచ్చారు. ఆ తర్వాత వారిని ప్రాలు త్రాపించడానికి బనూ సఅద్ తెగకు పంపడం జరిగింది. అక్కడ హలీమా సాదియా వారికి పాలిచ్చారు. వారు బనూ సాద్ తెగలో సుమారు నాలుగు సంవత్సరాల పాటు నివసించారు. అక్కడే వారి వక్షస్థలం చీల్చబడింది (షఖ్ఖె సదర్ జరిగింది) మరియు వారి హృదయం (నఫ్స్) నుండి షైతాన్ యొక్క భాగమును తొలగించడం జరిగింది. ఆ సంఘటన జరిగిన తర్వాత హలీమా (ర) వారు, వారిని తిరిగి తల్లి వద్దకు చేర్చారు.
5. దైవప్రవక్త (స) వారి బాల్యం మరియు యవ్వనం
దైవప్రవక్త ముహమ్మద్(స) వారు ప్రవక్త పదవి లభించకముందు చేసిన పనులు (వ్యాపారం మరియు ఇతర వృత్తులు)
దైవప్రవక్త ముహమ్మద్(స) వారు ప్రవక్త పదవి లభించకముందు గడిపిన జీవితం ఎంతో ఉత్తమమైనది మరియు గౌరవప్రదమైనది. వారి జీవితంలో ఎటువంటి పొరపాటుకు గానీ, చిన్న లోపానికి గానీ తావులేదు. అల్లాహ్ తన ప్రత్యేక సంరక్షణలో దైవప్రవక్త ముహమ్మద్(స) వారిని పెంచి పెద్దచేశాడు మరియు అజ్ఞాన కాలపు (జాహిలియా) అశుద్ధాల నుండి వారిని కాపాడాడు. దీనివల్ల వారు తన జాతి ప్రజలందరిలోకెల్లా గొప్ప పౌరుషం కలవారుగా, ఉత్తమ గుణాలు కలిగిన వారుగా, అత్యంత గౌరవప్రదమైన వంశీయులుగా, ఉత్తమ పొరుగువారిగా, అపారమైన సహనం వహించే వారుగా, సత్యసంధులుగా మరియు గొప్ప విశ్వసనీయులుగా ఎదిగారు. పురుషుల గౌరవానికి భంగం కలిగించే అసభ్యతకు మరియు దుర్గుణాలకు వారు సుదూరంగా ఉండేవారు. చివరకు వారు ప్రజలందరిలో 'అల్-సాదిక్' (సత్యసంధుడు) మరియు 'అల్-అమీన్' (విశ్వసనీయుడు) అనే పేర్లతో ప్రసిద్ధి చెందారు.
6. ప్రవక్త (స) వారి భార్యలు
దైవప్రవక్త ముహమ్మద్(స) వారు ఇరవై ఐదేళ్ల వయస్సులో ఖదీజా(ర) వారిని వివాహం చేసుకున్నారు. ఆమె వ్యాపార సరుకుతో తన దాసుడైన మైసరాను వెంటబెట్టుకుని షామ్ వెళ్లినప్పుడు, మైసరా అక్కడ దైవప్రవక్త ముహమ్మద్(స) వారి సత్యసంధతను, విశ్వసనీయతను మరియు వారి ఉన్నత స్థితిని చూసి ఆశ్చర్యపోయారు. తిరిగి వచ్చిన తర్వాత మైసరా తాను చూసిన విషయాలన్నింటినీ తన యజమానురాలికి వివరించగా, ఆమె దైవప్రవక్త ముహమ్మద్(స) వారిని వివాహం చేసుకోవాలని అభిలషించారు. దైవప్రవక్త ముహమ్మద్(స) వారు వివాహం చేసుకున్న మొదటి మహిళ ఆమె. ఆమె జీవించి ఉన్నంత కాలం వారు మరొక వివాహం చేసుకోలేదు. ఇబ్రాహీం తప్ప దైవప్రవక్త ముహమ్మద్(స) వారి సంతానమంతా ఆమె ద్వారానే కలిగారు. ఖదీజా(ర) వారు హిజ్రత్ కు మూడు సంవత్సరాల ముందు మరణించారు.
దైవప్రవక్త ముహమ్మద్(స) వారి భార్యల పేర్లు
దైవప్రవక్త ముహమ్మద్(స) వారి సంతానం
దైవప్రవక్త ముహమ్మద్(స) వారి సంతానం ప్రామాణిక సమాచారం ప్రకారం ఏడుగురు: (ముగ్గురు కుమారులు మరియు నలుగురు కుమార్తెలు).
దైవప్రవక్త ముహమ్మద్(స) వారి కుమారులు ముగ్గురు: అల్-ఖాసిమ్ (వీరి పేరు మీదుగానే దైవప్రవక్త ముహమ్మద్(స) వారికి కున్నియా నామం ఏర్పడింది, వీరు కొద్ది రోజులు మాత్రమే జీవించారు), అబ్దుల్లా (వీరికి తాహిర్ మరియు తయ్యిబ్ అనే బిరుదులు ఉన్నాయి) మరియు ఇబ్రాహీం.
దైవప్రవక్త ముహమ్మద్(స) వారి కుమార్తెలు నలుగురు: జైనబ్ (ఈమె అందరిలోకి పెద్ద కుమార్తె), రుకయ్య, ఉమ్మె కుల్తూమ్ మరియు ఫాతిమా. దైవప్రవక్త ముహమ్మద్(స) వారి కుమారులు మరియు కుమార్తెలందరూ విశ్వాసుల మాత ఖదీజా(ర) వారి సంతానమే, ఒక్క ఇబ్రాహీం తప్ప. ఇబ్రాహీం మాత్రం దైవప్రవక్త ముహమ్మద్(స) వారి దాసి అయిన మారియా అల్-ఖిబ్తియా ద్వారా జన్మించారు. ఆమెను ముఖౌఖిస్ దైవప్రవక్త ముహమ్మద్(స) వారికి బహుమానంగా పంపారు.
اختر مستوى الشرح المناسب لك
يحتوي الدرس الآن على طبقات اختيارية تساعدك على المراجعة السريعة أو التعمق دون مغادرة الدرس.
- الملخص: نظرة سريعة في نحو دقيقة.
- الأساسي: محتوى الدرس الأصلي وهو المسار المعتمد للتقدم.
- المتعمق: تفاصيل إضافية اختيارية عند توفرها.
تقدمك وإكمال الدرس يعتمدان دائما على صفحات المستوى الأساسي.
