د نبي کريم صلی الله علیه وسلم پيژندنه. دا مهال برخه
درس د نبي کريم ـ صلی الله علیه وسلم ـ سیرت.
په هر مسلمان باندي واجب ده چې د نبي کريم صلی الله علیه وسلم د طرز زندګۍ په تفصيلې توګه ځان خبر کړې تر څو وکولی شي چې د ژوند په ټولو برخو کې د هغه تابعداري وکړي، ځکه چې د نبي کريم ـ صلی الله علیه وسلم ـ سیرت د اسلامي شرعي احکامو عملي تطبیق دی، د الله پاک وينا ده: ﴿لَقَدْ كَانَ لَكُمْ فِي رَسُولِ اللَّهِ أُسْوَةٌ حَسَنَةٌ لِمَنْ كَانَ يَرْجُو اللَّهَ وَالْيَوْمَ الْآخِرَ﴾ [الأحزاب: 21]. یقینا ستاسو دپاره په کار د رسول کې ډیره ښه اقتدا شته د هغه چا دپاره چې د الله پاک او د وروستنۍ ورځې امید لري او الله پاک ډير يادوي.
د نبي کريم ـ صلی الله علیه وسلم ـ شجره د نسب
د نبي کريم ـ صلی الله علیه وسلم ـ نسب د عربو په ټولو نسبونو کې غوره او د فضیلت واله نسب دی، د نبي کريم ـ صلی الله علیه وسلم ـ نوم محمد ځوې د عبد الله ځوې د عبد المطلب ځوې د هاشم ځوې د عبد مناف ځوې د قصي ځوې د کلاب ځوې د مره ځوې د کعب ځوې د لؤي ځوې د غالب ځوې د فهر ځوې د مالک ځوې د نضر ځوې د کنانه ځوې د خزيمه ځوې د مدرکه ځوې د الیاس ځوې د مضر ځوې د نزار ځوې معد ځوې د عدنان، او عدنان بیا د اسماعيل علیه السلام د اولاد نه و.
د نبي کريم ـ صلی الله علیه وسلم ـ مور او پلار
د پلا نوم يې عبد الله ځوې د عبد المطلب ځوې د هاشم ،او د مور نوم يې بي بي آمنه لور د وهب بن عبد مناف بن زهره دی، نبي کريم صلی الله علیه وسلم د مور په خيټه وو چې پلار يې وفات شو.
د نبي کريم ـ صلی الله علیه وسلم ـ پیدائش
نبي کريم ـ صلی الله علیه وسلم ـ د فیل په کال د ربیع الأول په میاشت د دوشنبي په ورځ پیدا شوی دی.
نبي کريم ـ صلی الله علیه وسلم ـ د رضاعت مسئله.
په ابتدا کې د ابو لهب ازادې وينځې چې ثوبیه نوميده نبي کريم ـ صلی الله علیه وسلم ـ ته د خپلې سيني شيدې ( پۍ ) ورکولئ بيا يې ورته د بنو سعد په کورنۍ کې حلیمه سعدیه د رضاعت ( پۍ ) ورکولو لپاره غوره کړه او نبي کريم ـ صلی الله علیه وسلم ـ د هغې سره په بنو سعد کې څلور کاله وخت تير کړ، او هملته په بنو سعد کې د نبي کريم ـ صلی الله علیه وسلم ـ سينه څيرې شوه او د هغه د زړه نه د نفس او شيطان برخه لرې کړی شوه، ددې واقعې نه روستو بیا بي بي حلیمې نبي کريم ـ صلی الله علیه وسلم ـ بیرته خپلې مور بي بي امينې ته وليږه.
د نبي کريم ـ صلی الله علیه وسلم ـ پرورش او ځواني
د نبوت نه مخکې د نبي کريم ـ صلی الله علیه وسلم کسب وکار
د نبي کريم ـ صلی الله علیه وسلم ـ ژوند مخکې ددينه چې په پيغمبرۍ مبعوث شي هم د عزت او شرافت ژوند و، چې ورباندي هيڅ ډول لعن طعن او عیب نه و، ځکه چې نبي کريم ـ صلی الله علیه وسلم ـ د الله پاک په نګهبانۍ او ساتنه کې را ځوان شو، او د جاهلیت د هر ډول نجاست (پليتۍ ) نه الله پاک وساته. تر دې چې په خپل قوم کې ډير د ښو صفاتو او خلاقو خاوند شو، په ټولو کې د ښه نسب او خاندان، خاوند، د ټولو سره به يې ښه چال چلن کولو ، په ټولو کې ډير نرم او بردباره و، په ټولو کې ډير رښتنی، او په ټولو کې ډير امانتدار و، د فحشا او بد اخلاقۍ نه چې د انسان په سړيتوب داغ لګوي ډير لري، تردي چې په خپل قوم کې د صادق الأمین ( ډير ښتنی امانتدار ) په لقب سره ونمول شو.
د نبي کريم ـ صلی الله علیه وسلم ـ بي بيانې
نبي کريم ـ صلی الله علیه وسلم ـ چې کله پنځه ويشت کلن شو، د خديجې رضي الله عنها سره يې واده وکړ، دا هغه وخت کله چې نبي کريم ـ صلی الله علیه وسلم ـ د خديجې رضي الله عنها مال او د هغې غلام میسره د ځان سره واخست او د تجارت لپاره شام ته لاړ، په دې سفر کې د خديجې رضي الله عنها غلام میسره د نبي کريم ـ صلی الله عله وسلم ـ هغه ښکلي صفات او ښائسته اخلاق، رښتنولي، او امانتداري وليده چې میسره ورته ګوته په غاښ پاتي شو، کله چې د شام نه بیرته راغی نو خپلې مالکې خديجې رضي الله عنها ته يې د نبي کريم ـ صلی الله علیه وسلم دا صفات بیان کړل، خديجه رضي الله عنها ديته ليواله شوه او غوښتل يې چې نبي کريم ـ صلی الله علیه وسلم يې په نکاح سره واخلي، دا لمړې هغه ښځه وه چې نبي کريم ـ صلی الله علیه وسلم ورسره نکاح وکړه بيا يې ددې په ژوند کې د بلې ښځې سره نکاح ونه کړه تر دې چې خديجه رضي الله عنها وفات شوه، خديجه رضي الله عنها د نبي کريم ـ صلی الله علیه وسلم ـ د ټولو بچو مور ده بغير ابراهیم نه او د ژوند په پاې کې خديجه رضي الله عنها د نبي کريم ـ صلی الله علیه وسلم ـ د هجرت نه درې کاله مخکې وفات شوه.
د نبي کريم ـ صلی الله علیه وسلم بي بياني.
د نبي کريم صلی الله علیه وسلم اولاد غوره قول مطابق اوه کسان و، چې دري نارينه او څلور ښځينه اولاد يې و.
۷. د نبي کريم صلی الله علیه وسلم اولاد.
د نبي کريم ـ صلی الله علیه وسلم ـ نارينه اولاد دري هلکان و: قاسم چې په همدي سره د نبي کريم ـ صلی الله علیه وسلم ـ اسم کنیه هم و، لږې ورځې ژوندي و، بیا وفات شو، بل ځوې يې عبد الله و، چې په طاهر او طيب سره هم نوميده، او بل ځوې ابراهم و.
لورياني د نبي کريم ـ صلی الله علیه وسلم ـ څلور وي، مشره لور يې زينب وه، بله لور يې رقيه، ورسره ام کلثوم، او کشره لور يې فاطمه رضي الله عنهم وه. د نبي کريم ـ صلی الله علیه وسلم ـ ټول اولاد د خديجې رضي الله عنها نه پیدا شوی و، بغیر د ابراهیم نه چې هغه د نبي کرية ـ صلی الله علیه وسلم ـ د وينځې چې ماريه قبطيه نوميده چې يو عیسوي راهب ورته هديه کړي وه د هغې نه پيدا شوی و.
