Ang kasalukuyang seksyon:
Ang aralin Mga karapatan ng babae sa Islam
Ibang estudyante ay nakumpleto ang aralin na ito
Inaalagaan ng tunay na relihiyong islam -sa pamamagitan ng mga makadiyos na turo at matuwid mga patnuay nito- ang babaeng muslim, At iniigatan ang kanyang dignidad, At tiniyak ang pagkamit ng kanyang karangalan at kaligayahan, at naghanda para sa kanya ng mga dahilan ng isang komportableng buhay, malayo sa mga lugar ng pagdududa, mga fitnah, mga kasamaan at katiwalian, at ang lahat ng ito ay mula sa kadakilaan ng habag ng Allah na espesyal sa babae, at pangkalahatan sa lipunan, at ang pag-aalagang ito ay may maraming mga larawan.
Ang pagpaparangal at mataas na katayuan
Sinabi ni Umar bin Al-Khattãb -kaluguran siya ng Allah-: "Sumpaman sa Allah kami noon sa panahon ng kamangmangan ay hindi namin ibinibilang para sa mga babae ang anumang bagay, hanggang sa nagbaba ng kapahayagan ang Allah para sa kanila ng mga kapahayagan (tungkol sa magandang pakikitungo sa kanila at pagiging mabuti sa kanila), at nagbahagi para sa kanila ng mga bahagi (gaya ng paggastos sa kanila, at pagkakaroon nila ng karapatan sa mana)" (Al-Bukharie 4913, at Muslim 1479). Sumikat ang liwanag ng islam bago ang mahigit 1400 na tao, kaya umangat o itinaas ang katayuan ng babae, at inalis sa mula sa kanila ang maraming uri ng pang-aapi na ginagawa noon ng maraming mga tao at bansa (mamamayan). Isa na doon ang kawalan ng karapan magmamay-ari ng babae, ni ang pagmana, at ang babae noon ay minamana o sinusunog kapag namatay ang kanyang asawa, ganon din na ibinibenta at binibili sila, at nanatili ang kaugaliang ito na lumalaganap -Sa England bilang halimbawa- Hanggang sa simula ng ikadalawampung siglo.
Ang katarungan (hustisya) sa pagitan ng babae at lalaki
Ang pinagmulan ng paglikha
Pinagpantay ng islam ang pagitan ng lalaki at babae sa mga tungkulin sa Islam, at sa gantimpala at kabayaran sa kanya sa mundo at kabilang buhay, sinabi ng Allah: {Ang sinumang gumawa ng isang maayos, na isang lalaki o isang babae, habang siya ay isang mananampalataya ay talagang magpapamuhay nga Kami sa kanya nang isang buhay na kaaya-aya at talagang gaganti nga Kami sa kanila ng pabuya sa kanila ayon sa higit na maganda sa anumang dati nilang ginagawa} [An-Nahl: 97]. at sinabi ng kataas-taasan at kapitapitagan: {Ang sinumang gumagawa ng mga maayos, na lalaki man o babae, habang siya ay isang mananampalataya, ang mga iyon ay papasok sa Paraiso at hindi lalabagin sa katarungan nang kapiranggot} [An-Nisã': 24], at sa katunayan ay tinanong ang Sugo ng Allah ﷺ tungkol sa isang lalaking nakatagpo ng basa (sa kanyang pribadong bahagi) at wala siyang matandaan na nanaginip siya. sinabi niya (ng Sugo ﷺ): "Maligo siya", at tungkol sa lalaki na nanaginip ngunit wala siyang natagpuan na basa. sinabi niya: "Hindi niya kailangan maligo", kaya nagtanong si Umm Sulaim: Ang babae na may makitang ganoon (ang basa), kailangan ba niya maligo? sinabi niya (ang Sugo ﷺ): "Oo, dahil ang mga babae ay kapareho ng mga lalaki". (Abu Dãwod 236).
Ang unang nananiwala sa mensahe ng Sugo ﷺ ay babae, siya si Ina ng mga mananampalataya na si khadijah -kaluguran siya ng Allah-, at ang mga babae noon ay kasama sila sa grupo ng unang paglikas patungo sa Khabasha (Etheopia sa kasalukuyan), at kasama rin sila sa delegasyon na dumating mula sa yathrib (Madinah Munawwarah sa kasalukuyan) At nangako ng katapatan sa Propeta ﷺ.
At naiguhit o nangingibabaw ang babae sa kasaysayan ng islam bilang isang makinang na mga modelo, Nakilala siya dito sa kanyang magagandang katangian, at Sa kasaganaan (o lawak) ng kanyang kaalaman, at ang kanyang pag-unawa sa mensahe ng Islam, Sa halip, madalas siyang nangunguna sa larangang ito, kung saan nakuha ng mga muslim ang maraming bagay ng kanilang relihiyon sa mga modelo na mga babaeng muslim na maalam at nangunguna sa kaalaman at pagtuturo; pinaka-kilala sa kanila ay ang ina ng mga mananampalataya na si 'Ãisha -kaluguran siya ng Allah-.
At kasama ang babae sa lalaki sa mga sama-samang gawaing pagsamba, bilang pag-uubliga, o kanais-nais, o pagpapahintulot; gaya ng pag-Umrah at paghajj, sa pagdarasal ng Istisqa' (paghingi ng ulan) at dalawang Eid, at sa pagdarasal sa biyernes at sama-samang pagdarasal, at siya ay inutusan sa pag-aanyaya sa Islam, sa pag-utos ng kabutihan at pagbabawal ng masama, at iba pa na malinaw na mga larawan ng pagkakapantay-pantay sa pagitan ng mga kasarian sa mga ubligasyon sa islam, at walang pagbubukod dito maliban sa anumang kaugnay sa pagitan ng pagkakaiba ng paglikha sa kanila.
Sa pagsang-ayun ng Islam sa prinsipyo ng pagkakapantay-pantay sa mga tungkolin, Gayunpaman, isinasaalang-alang niya ang pagkakaiba sa kalikasan sa pagitan ng mga kasarian, at anumang resulta nito na pagkakaiba sa mga gawain, kaya inaayos niya ang mga gawain na ito at inilagay ang bawat isa sa tamang lugar nito, Na humahantong sa integrasyon sa buhay, Ang lalaki ang may pananagutan sa paggastos sa babae at mga bata, at Dapat niya silang protektahan at pangalagaan ang lahat ng gawain ng pamilya. at ang babae ay may pananagutan sa kanyang bahay at mga anak, may tungkulin siya na dapat niyang gampanan.
Ginagarantiya ng Islam para sa babae ang kanyang mga karapatang sibil at panlipunan, at Mga karapatan sa personal na katayuan, at ang mga karapatan na ito ay ini-ingatan (o ginagarantiya) para sa babae simula pa noong nag-umpisa ang mensahe (ng islam-at pagsugo kay propeta Muhammad) mahigit 1400 taon na ang lumipas, at bago pa ito ipanawagan ng mga organisasyong sibil at pangkarapatan sa kasalukuyang panahon.
Mga karapatang sibil at panlipunan ng Babae
Mga karapatan ng babae sa personal na katayuan at pag-aasawa
Ang mga nakaraan ay mga halimbawa lamang upang linawin ang ilan sa mga karapatan ng babae sa islam, sapagkat ang mga karapatan na ipinagkaloob ng batas ng islam sa babae ay napakarami.
