Bakayi rajistan shiga ba

Kayi rajista yanzu a cikin dandalin Taa domin ka fara karatu da kuma bibiyan ci gabanka tare da tara maki domin samun damar shiga gasa bayan yin rajistan

Darasi Ababen da aka haramtawa mai ihrami aikatawa

Ya kamata mai aikin hajji ko mai umrah ya kiyaye wasu ababe masu yawa yayin kasancewar shi a cikin ihrami, kuma waɗannan ababen su ne ababen da za ka sansu a cikin wannan darasin.

Sanin ababen da aka haramta wa mai ihrami.
Sanin hukunce-hukuncen da suke biyo aikata waɗannan ababen

Count Wani dalibiku kammala wannan darasin

An fassara wannan darasin da yaruka masu zuwa:

አማርኛ العربية বাংলা English Español Français हिन्दी Bahasa Indonesia ភាសាខ្មែរ 한국어 Luganda മലയാളം नेपाली Oromoo پښتو Português සිංහල Kiswahili தமிழ் తెలుగు Tagalog Uyƣurqə / ئۇيغۇرچە اردو Tiếng Việt 中文

Ababen da aka haramta wa mai ihrami

Su ne ababen da aka hana mai harama da aikin hajji ko aikin umrah aikata su

Ababen da aka hana mai ihrami aikatawa sun kasu zuwa kashi uku

Na farko: Waɗanda aka haramta wa Maza da Mata baki ɗaya

Na biyu: Waɗanda aka haramta wa Maza kawai

Na uku: Waɗanda aka haramtawa Mata kawai

Daga cikin ababen da aka haramtawa Maza da Mata yayin sanya ihrami

Aske gashi ko rage shi, hakama yanke faratu.

Yin amfani da turare ta hanyan fesawa a tufafi ko shafawa a jiki.

Jima'a da kuma mutum ya zowa matarshi, hakama shafa da runguma idan hakan ya kasance domin sha'awa ne.

Ɗaura aure, sawa'an wanda yake cikin haraman na miji ne ko ta mace.

An haramta wa mai ihrami farauta, saboda haka farautan tsuntsaye da dabbobin ƙasa baya halatta a gare shi.

Daga cikin ababen da aka haramta wa maza aikatawa yayin kasancewa cikin ihrami

Sanya ɗinkakken tufafi, kuma shi ne kayan da aka ɗinka shi ta yadda aka keɓancewa kowana gaɓan jiki ɓangarenshi, kaman riga da taguwa da makamantansu.

Rufe kai da wani abu wanda zai haɗu da kai ɗin, amma kuma abunda zai rufe kai wanda bai taɓa kai ba kaman rufi da ababen hawa da lemomi, to babu damuwa.

Daga cikin ababen da aka hana Mata aikatawa yayin kasancewar a cikin ihrami

Sanya niƙabi da rufe fuska, kuma abunda aka shar'anta mata shi ne ta buɗe fuskanta saidai idan maza waɗanda ba muharramanta ba su kazo wucewa, to anan zata iya rufe fuskarta kuma hakan ba zai cutar da ita ba idan wannan ƙellen ya taɓa fuskarta

Sanya Safan Hannu.

Kuma duk wanda ya aikata wani abu daga cikin waɗannan ababen da aka hanan, yana mai mantuwa ko ya jahilci hakan, ko kuma an tilasta shi akansu, to babu laifi akanshi domin faɗin Allah Ta'ala: (Kuma babu laifi akanku cikin abunda kukayi kuskure dashi, sai dai abunda zukatanku suka aikata su da gangan) (Al-Ahzab: 5), amma kuma idan ya tuna ko ya sani ya wajaba akanshi da ya kiyaye su nan take.

Duk wanda ya aikata wani abu daga cikin ababen da aka hana da gangan domin wani uzurin da ya ba da daman aikata shi to hadaya ya wajaba a gare shi, kuma babu laifi akanshi.

Allah Ta'ala Yace: (Kuma ku cika hajji da umra dõmin Allah. To idan an kange ku, to, ku bãyar da abin da ya sauƙaƙa na hadaya. Kuma kada ku aske kãnunku, sai hadaya ta kai wurinta. To, wanda ya kasance majinyaci daga cikinku, kõ kuwa akwai wata cũta daga kansa (ya yi aski) sai fansa (fidiya) daga azumi ko kuwa sadaka ko kuwa yanka. To, idan kuna cikin aminci to, wanda ya ji dãdi da umra zuwa haji, sai ya biya abin da ya sauƙaƙa daga hadaya, sa'an nan wanda bai sãmu ba, sai azumin yini uku a cikin haji da bakwai idan kun kõma, waɗancan gõma ne cikakku. Wancan yana ga wanda iyãlinsa ba su kasance mazaunan Masallãci Tsararre ba. Kuma ku bi Allah da taƙawa. Kuma ku sani cewa Allah Mai tsananin uƙũba ne) (Albakara: 196).

Duk wanda ya aikata waɗannan ababen da aka hanan ba tare da wani uzuri ba to hadaya ya wajaba akanshi kuma ya aikata laifi

Ababen da aka hana mai ihrami aikatawa sun kasu kashi huɗu dubi da fidiya:

Na farko: Abunda babu fidiya akansu, kuma shi ne Ɗaurin Aure.

Na Biyu: Abunda fidiyarshi shi ne Raƙuma, kuma shi ne jima'i a cikin hajji gabanin fitan farko.

Na uku: Abunda fidiyanshi shi ne sakamakonshi ko kuma abunda zai maye gurbinshi, kuma shi ne farauta yayin aikin hajji.

Na huɗu: Abunda fidiyanshi shi ne azumi ko sadaka ko yanka (Fidiyar cutarwa), kuma shi ne aske gashi da kuma sauran ababen da aka haramta banda uku waɗanda suka gabata

Haƙiƙa ka kammala wannan darasin cikin nasara

Ka fara jarrabawa

Canza yare

Ka ci gaba da karatu

Recently viewed

Recent Members

Darrusa