మీరు లాగిన్ కాలేదు

మీ పురోగతిని తెలుసుకోవడానికి మరియు పాయింట్లను సేకరించి పోటీల్లోకి ప్రవేశించడానికి ‘త’ వేదికలో ఇప్పుడే నమోదు చేయండి, నమోదు తర్వాత మీరు నేర్చుకున్న అంశాల ఎలక్ట్రానిక్ సర్టిఫికెట్ మీకు లభిస్తుంది.

పాఠం ఇహ్రామ్ స్థితిలో నిషిద్ధం చేయబడిన పనులు:

హజ్ లేదా ఉమ్రా చేసే యాత్రికులు తాము ఇహ్రామ్ స్థితిలో ఉన్నప్పుడు కొన్ని నిషిద్ధ కార్యాలకు దూరంగా ఉండాలి. వాటి గురించి మీరు ఈ పాఠంలో తెలుసుకోబోతున్నారు.

ఎహ్రామ్ యొక్క నిషిద్దాల గురించిన అవగాహన
ఎహ్రామ్ నిషేడాలను ఉల్లంఘించిన ఎడల సంభవించే పర్యవసానాలను (నియమాలను) తెలుసుకోవడం.

ఈ పాఠం పూర్తి చేసిన మరో విధ్యార్ధి count :

አማርኛ العربية বাংলা English Español Français हिन्दी ភាសាខ្មែរ Luganda മലയാളം नेपाली Oromoo پښتو Português සිංහල Kiswahili தமிழ் Tagalog Uyƣurqə / ئۇيغۇرچە اردو Tiếng Việt 中文

ఎహ్రామ్ నిషిద్దాలు

హజ్ లేదా ఉమ్రా కొరకు శుద్ధత స్థితి (ఇహ్రామ్) లో ఉన్న వ్యక్తి ఏ పనుల నుండి అయితే నిషేధించబడతాడో, వాటినే నిషిద్ధాలు అని అంటారు.

ఇహ్రామ్ స్థితి లోని నిషిద్ధాలు మూడు రకాలు:

పురుషులు మరియు స్త్రీలు ఇద్దరికీ నిషిద్ధమైనవి.

కేవలం పురుషులకు మాత్రమే నిషిద్ధమైనవి.

కేవలం స్త్రీలకు మాత్రమే నిషిద్ధమైనవి.

పురుషులు మరియు స్త్రీలు ఇద్దరికీ ఇహ్రామ్ స్థితి లో నిషిద్ధమైన పనులు:

జుట్టు కత్తిరించుకోవడం లేదా క్షౌరం చేయించుకోవడం, అలాగే గోర్లు కత్తిరించుకోవడం.

బట్టలపై లేదా శరీరానికి సుగంధ ద్రవ్యాలు మరియు సెంటు (పర్ఫ్యూమ్) పూసుకోవడం.

లైంగిక కలయిక మరియు పురుషుడు తన భార్యతో గడపడం, అలాగే కామంతో తాకడం లేదా శారీరక సంబంధం కలిగి ఉండటం.

వివాహం (నికాహ్) చేసుకోవడం; ఇహ్రామ్ స్థితిలో ఉన్న వ్యక్తి పురుషుడైనా లేదా స్త్రీ అయినా ఇది నిషిద్ధం.

ఇహ్రామ్ స్థితిలో ఉన్న వ్యక్తి వేటాడడం నిషిద్ధం; పక్షులను లేదా అడవి జంతువులను వేటాడటం అతనికి అనుమతించబడదు.

పురుషులకు ఇహ్రామ్ స్థితిలో నిషిద్ధమైనవి:

కుట్టిన బట్టలు ధరించడం; అంటే శరీర అవయవాల ఆకృతికి అనుగుణంగా విడివిడి భాగాలుగా కుట్టబడిన దుస్తులు, ఉదాహరణకు చొక్కా, జుబ్బా, పైజామా, ప్యాంటు మరియు ఇటువంటివి ధరించడం నిషిద్ధం.

తలకు ఆనుకుని ఉండే దేనితోనైనా తలను కప్పడం; అయితే భవనాల పైకప్పులు, వాహనాలు మరియు గొడుగుల వంటి వాటి నీడలో ఉండటం వల్ల ఎటువంటి ఇబ్బంది లేదు.

స్త్రీలకు ఇహ్రామ్ స్థితి లో నిషిద్ధమైనవి:

నికాబ్ ధరించడం మరియు ముఖాన్ని కప్పుకోవడం; నియమం ప్రకారం ఆమె తన ముఖాన్ని తెరచి ఉంచాలి, అయితే పరాయి పురుషులు (గైర్ మహ్రం ) ఎదురైనప్పుడు ఆమె తన ముఖానికి ముసుగు వేసుకోవచ్చు. ఆ ముసుగు ఆమె ముఖానికి తగిలినా దానివల్ల ఎటువంటి ఇబ్బంది లేదు.

చేతి తొడుగులు (గ్లౌవ్స్) ధరించడం

మరియు ఎవరైనా ఈ నిషిద్ధాలలో దేనినైనా మరచిపోయి లేదా తెలియక లేదా బలవంతం వల్ల చేసినట్లయితే, వారిపై ఎటువంటి బాధ్యత (శిక్ష) ఉండదు. అల్లాహ్ ఈ విధంగా సెలవిచ్చాడు: (పొరపాటున మీరు చేసే పనులలో మీపై ఎటువంటి పాపం లేదు, కానీ మీ హృదయపూర్వక ఉద్దేశ్యంతో చేసిన వాటిపైనే శిక్ష ఉంటుంది) (అల్-అహ్జాబ్: 5). అయితే, అతనికి గుర్తుకువచ్చినా లేదా విషయం తెలిసినా వెంటనే ఆ నిషిద్ధ కార్యాన్ని వదిలివేయడం అనివార్యం.

ఎవరైనా ఈ నిషిద్ధాలలో దేనినైనా ఏదైనా బలమైన కారణం (తప్పనిసరి పరిస్థితుల) వల్ల ఉద్దేశపూర్వకంగా చేసినట్లయితే, అతనికి ప్రాయశ్చిత్తం (ఫిద్య) తప్పనిసరి అవుతుంది, కానీ అతనిపై ఎటువంటి పాపం ఉండదు.

దివ్యఖురానులో అల్లాహ్ ఇలా సెలవిస్తున్నాడు : బలి జంతువు దాని గమ్యస్థానానికి చేరనంత వరకు మీరు శిరోముండనం చేసుకోకండి. కానీ, మీలో ఎవడైనా వ్యాధిగ్రస్తుడై ఉంటే లేదా అతని తలకు బాధ ఉంటే (శిరోముండనం చేసుకొని) దాని పరిహారంగా (మూడు రోజులు) ఉపవాసం ఉండాలి. లేదా దానధర్మాలు చేయాలి (ఆరుగురు నిరుపేదలకు భోజనం పెట్టాలి), లేదా ఖుర్బానీ ఇవ్వాలి. కాని శాంతి భద్రతలు ఉన్న సమయాలలో ఎవడైనా హజ్జె తమత్తు చేయదలుచుకుంటే, అతడు తన శక్తిమేరకు ఖుర్బానీ ఇవ్వాలి. కాని ఎవడైతే ఖుర్బానీ ఇవ్వలేడో, హజ్జ్ కాలంలో మూడు దినాలు మరియు (ఇంటికి) తిరిగి వచ్చిన పిమ్మట ఏడు దినాలు ఉపవాసం ఉండాలి. ఈ విధంగా మొత్తం పది దినాలు ఉపవాసాలు ఉండాలి. ఇది మస్జిద్ అల్ హరామ్ దగ్గర నివసించని వారికి మాత్రమే. మరియు అల్లాహ్ యెడల భయభక్తులు కలిగి ఉండండి. మరియు నిశ్చయంగా, అల్లాహ్ శిక్ష విధించటంలో చాలా కఠినుడు, అని తెలుసుకోండి. (బఖరా : 196).

ఎవరైనా ఎటువంటి బలమైన కారణం లేకుండా, ఉద్దేశపూర్వకంగా ఈ నిషిద్ధాలలో దేనినైనా చేసినట్లయితే, అతనికి ప్రాయశ్చిత్తం (ఫిద్య) తప్పనిసరి అవుతుంది మరియు అతను పాపాత్ముడు అవుతాడు.

ప్రాయశ్చిత్తం (ఫిద్య) ఆధారంగా ఇహ్రామ్ నిషిద్ధాలు నాలుగు రకాలుగా విభజించబడ్డాయి:

మొదటిది: దీనికి ఎటువంటి ప్రాయశ్చిత్తం లేదు, అదే వివాహ ఒప్పందం (నికాహ్).

రెండవది: దీనికి ప్రాయశ్చిత్తంగా ఒంటెను (బదనా) సమర్పించాలి, హజ్ సమయంలో మొదటి విడత నియమ సడలింపు (తహల్లుల్-ఎ-అవ్వల్) కు ముందు చేసే లైంగిక కలయిక దీని కిందకు వస్తుంది.

మూడవది: దీనికి ప్రాయశ్చిత్తం దాని సమాన విలువ లేదా దానికి సమానమైనది చెల్లించాలి, వేట జంతువును చంపడం దీని పరిధిలోకి వస్తుంది. ఉదాహరణకు వేటాడిన జంతువు ఒక గొర్రె సైజులో ఉంటే గొర్రెను ఖుర్బానీ చేయడం.

నాలుగవది: దీనికి ప్రాయశ్చిత్తంగా ఉపవాసం లేదా దానధర్మం లేదా ఖుర్బానీ ఇవ్వాలి. క్షవరం చేయించుకోవడంతో పాటు పైన పేర్కొన్న మూడు రకాలు కాకుండా మిగిలిన నిషిద్ధ కార్యాలన్నీ దీని పరిధిలోకి వస్తాయి.

మీరు విజయవంతంగా మీ పాఠాలను పూర్తి చేశారు

పరీక్ష మొదలుపెట్టండి

నేర్చుకుంటూ ఉండండి

Recently viewed

Recent Members

పాఠాలు