القسم الحالي: AMAKA AMASIRAAMU
الدرس Ebivunaanwa (Rights) bya bazadde ababiri
Obusiraamu bwaagulumiza abazadde ababiri olugulumiza olusiinga obunene,nebulilaanyisa okulongoosa gyebali ne nsonga esiinga obunene mu busiraamu nga kwe kwawula Allah, Allah yagamba nti:{yasalawo omulezi obutabeerako Kye musiinza okujjako yye na bazadde ababiri okubayisa obulungi}[Al-isra:23]. Allah yafuula abazadde ababiri ensonga yo kubeerawo kwa baana bo bulenzi nabo buwala,mu mbeera yonna abaana gyebagezaako(okulongoosa eri abazadde) tebasobola kuzza kintu kyonna mu bulungi eri abazadde okusinziira ku bulungi bwa bazadde eri bbo, wadde okubasasula kulwebyo byeyabasaanza omuli okukoowa no kunakuwala,no buteebaka no kuyimilira,no kuwummula okutono,olwo kuwummula kwa baana baabwe,ne mu kkubo lyo kubaluunda no kubafaako.
Nemu bwenkanya bwa Allah kwekugerera ba taata (abazadde) emigabo ku baana baabwe, nga kubasasula olwa kaweefube omulungi gwe bakola mu kkubo lyo kubalabilira, Allah yagamba nti:{era twalaamira omuntu okuyisa obulungi bazadde be}[Al-Ankabuuti:8], era Allah yagamba:{kolegana nabo mu nsi mu mbeera ennuungi}[Luqman:15],omu ku baswahaba weyabuuza nabbi صلى الله عليه وسلم : owaaye omubaka wa Allah, muntu ki gwennina okusiinga okuyisa obulungi? nabbi صلى الله عليه وسلم namugamba nti:«maama wo» omusajja namugamba nti oluvannyuma ani gwemba nzizaako? nabbi nagamba nti:«maama wo» omusajja namugamba nti oluvannyuma ani gwemba nzizaako nabbi namugamba nti «maama wo» omusajja namugamba nti ani gwemba nzizaako nabbi namugamba nti:« taata wo »(Al-bukhari 5971,ne muslim 2548).
Obulungi bwo kuyisa obulungi abazadde ababiri
Okuyisa obulungi abazadde kyatteeka,era kikakata ku baana,mu kubayisa obulungi mulimu empeera nnene, nga ye nsonga eviirako yo kujja kwo mukisa ne riziki,era ye nsonga yo kuyiingira ejjana ku nkomerero, nabbi صلى الله عليه وسلم yagamba nti:"ennyiindo ye eveeko,ennyiindo ye eveeko:nabuuzibwa nti ani owaaye omubaka wa? nagamba nti oyo yenna asaangawo bazadde be mu bukadde bwaabwe,omu ku bombiriri oba boombi, oluvannyuma natayiingira janah "(muslim 2551).
No kuyisa obulungi abazadde ababiri gumu ku milimu egisiinga era egisiinga okwagalwa ewa Allah: Abdullah bun masuud Allah asiime kuyye yabuuza nabbi صلى الله عليه وسلم : mulimu ki ogusiinga okwagalibwa ewa Allah? nabbi nagamba nti:« esswala mu biseera byaayo», Namubuuza oluvannyuma mulimu ki oguddako? nabbi nagamba nti:«okuyisa obulungi abazadde ababiri »namubuuza oluvannyuma mulimu ki oguddako? nabbi nagamba nti :«okulwaana mu kkubo lya Allah »(Al-bukhari 527,ne muslim 85).
Okuyisa obulungi abazadde ababiri kyankizo okusiinga jihad eya Sunnah, mazima omusajja yajja eri nabbi صلى الله عليه وسلم nagamba nti nwaane jihad? nabbi namugamba nti:“oyina abazadde?" omusajja nagamba nti:yye, nabbi namugamba nti:nti "mubbo mwooba olwanira(bayise bulungi eyo ye jihad yo)".(Al-bukhari 5972,ne muslim 2549).
Okunakuwaza abazadde
Okunakuwaza abazadde ababiri kiri mu mazambi agasiinga obunene,mu Hadiith mazima nabbi صلى الله عليه وسلم yagamba nti:"amazambi agasiinga obunene:" okugatta ku Allah no kunakuwaza abazadde ababiri ---"(Al-bukhari 6919,ne muslim 87).
