kutaan ammaa model
Barnoota haqa haadhaa abbaa
islaamni haadhaa abbaa kabajaa guddoo kabaje, isaanitti toluu waan islaama keessaa guddaatiin walitti qixxeesse, innis Rabbi tokkoomsuudha, Rabbiin oltahe ni ja'e: Gooftaan kee akka isin Isa malee homaa hin gabbarreefi haadhaa abbaa keessanitti tola ooltan murteessee jira. [Alisraa'i: 23 ]. Rabbiin oltahe haadhaa abbaa sababa ilmaan itti argaman godhe, ilmaan hanga fehdhe laffa'anis galata haadhaa abbaa galchuu hin dandahan, laffaatii fi rakkinaa fi miidhaa isaanirratti arganiif kafaluu hin dandahan, gammchuu ilmaan isaaniitiif hirriba dhabuu, dhaabbachuu fi hafuura dhabuu isaanii, isaan eeguu fi kunuunsuuf jacha.
haqqummaa Rabbii oltahee keessaa haadhaa abbaaf ilmaan isaanii irrratti haqa murteesseef, isaan kunuunsuuf laffaatii faarfamtuu godhanii ammas godhaa jiran saniif galata akka taatuuf, Namaaf haadhaafi abbaa isaatti tola ooluu dhaamne. [Ankabuut: 8], ni ja'e ammas: Addunyaa keessatti haala gaariin isaan waliin jiraadhu. [Luqmaan: 15]. sahaabaan tokko wayta Nabii s.a.w gaafatu: yaaa Ergmaa Rabbii, namni shariikummaa tiyya irra haqa godhatu eenyu? ni ja'e: "haadha teeti" ni ja'e: eegasii hoo? ni ja'e: "eegasiihis haadha teeti" ni ja'e: eegasii hoo? ni ja'e: "eegasiihis haadha teeti" ni ja'e: eegasii hoo? ni ja'e: "eegasiihii abbaa keeti" (Bukhaarii 5971, Muslim 2548).
sadarkaa haadhaa abbatti tola ooluu
haadhaa abbatti tola ooluun ilmaanirratti dirqamaa fi ijoodha, isaanitti tola ooluu keessatti galataa fi mindaa guddaatu jira, sababa barakaa fi rizqii fi toltuu addunyaa keessaa hundaati, sababa guyyaa boodaa jannata itti seenani, Nabii s.a.w ni ja'e: "funyaa isa lafa haa rigu, eegasii funyaa isa lafa haa rigu, eegasii funyaa isa lafa haa rigu. ni ja'ame: eenyu yaa ergamaa Rabbii? ni ja'e: nama haadhaa abbaa isaa guddina keessatti dhaqqabee, tokkoo isaanii yookiin lamaan isaanii, eegasii jannata hin seenin" (Muslim 2551).
haadhaa abbatti tola ooluun irra caaltuu fi Rabbi biratti irra jaalatamtuu dalagaati; Abdallaa ibnu Mas'uud Rabbi irraa haa jaalatuu Nabii s.a.w ni gaafate: dalagarraa tamtu Rabbi biratti irra jaalatamtuudha? Ni ja'e: "Salaata yeroo isirratti" ni ja'e: eegasii tami? ni ja'e: "eegasii haadha abbatti tola ooluu" ni ja'e: eegasii yoo? ni ja'e: "karaa Rabbii keessatti duuluu" (Bukhaarii 527, Muslim 85).
haadha abbatti tola ooluun duula irra caalti, gurbaan tokko Nabitti s.a.w dhufee ni ja'e: nin duulaa? ni ja'e: haadhaa abbaa qabdaa? ni ja'e: ee, ni ja'e: "isaan lamaan keessatti qabsaawi" (Bukhaarii 5972, Muslim 2549).
haadhaa abbatti jallachuu
haadhaa abbatti jallachuun dilii gurguddoo fi kabaa'ira irraahi, hadiisa keessatti Nabiin s.a.w ni ja'e: "irra guddoon badii: Rabbitti qindeessuu, haadha abbatti jallachuu...hadiisa" (Bukhaarii 6919, Muslim 87).
