നിലവിലെ വിഭാഗം
പാഠം യാത്രയിലെ നമസ്‌കാരവും നോമ്പും
count മറ്റ് വിദ്യാർത്ഥികൾ ഈ പാഠം പൂർത്തിയാക്കി
തൊട്ടടുത്ത് മസ്ജിദ് ഇല്ലാത്ത സ്ഥലത്താണ് നമസ്‌കരിക്കുന്നതെങ്കിൽ, ഓരോ നമസ്‌കാരത്തിനും ഉച്ചത്തിൽ ബാങ്ക് കൊടുക്കേണ്ടതാണ്.
ബാങ്കിന്റെ ശ്രേഷ്ടത ഇതിൽ നിന്നും നമുക്ക് മനസ്സിലാക്കാം. അതിനാൽ യാത്രയിലുള്ളവർ അതിന് ലജ്ജിക്കേണ്ടതില്ല. മറ്റൊരു ഹദീസിൽ "ബാങ്ക് കൊടുക്കുന്നവന് അവന്റെ ശബ്ദമെത്തുന്ന ദൂരത്തോളം (അവന്റെ പാപങ്ങള്‍) പൊറുക്കപ്പെടുന്നു. ഉണങ്ങിയതും പച്ചയായതുമായ എല്ലാം അവന് പാപമോചനം തേടുന്നു" (ഇബ്നു മാജ 724) എന്നും കാണാം.
.jpg)
യാത്രയിൽ ഉള്ളവൻ ഖിബ്‌ലയുടെ ദിശ കണ്ടെത്താൻ അങ്ങേയറ്റം പ്രയത്നിക്കേണ്ടതാണ്. എന്നിട്ടും അതവന് കണ്ടെത്താൻ കഴിഞ്ഞിട്ടില്ലെങ്കിൽ ഏത് ഭാഗമായാലും മതിയാകുന്നതാണ്. അവനത് പ്രയാസകരമായതിനാൽ കിറു കൃത്യമായി കഅബയുടെ ഭാഗത്തേക്ക് തന്നെ തിരിയണമെന്ന് നിർബന്ധമില്ല. അങ്ങനെ സ്വഹാബത്തിൽ നിന്നും ഉദ്ദരിക്കപ്പെട്ടിട്ടുമില്ല.
നമസ്കാരം നഷ്ടപ്പെടുത്താതിരിക്കുക എന്നത് യാത്രകളിൽ വളരെ പ്രധാനപ്പെട്ട കാര്യമാണ്. അത് ഒരു ദാസന്റെ വിശ്വാസം സത്യപ്പെടുത്തുന്ന തെളിവുമാണ്.
യാത്രയിൽ തണുപ്പ് ഉള്ള സ്ഥലങ്ങളിൽ എത്തുമ്പോൾ ആൾക്കാർ തീ കായാൻ അടുപ്പ് കൂട്ടാറുണ്ട്. ചിലപ്പോൾ അത് ഖിബ്‌ലയുടെ ഭാഗത്തും ആയേക്കാം. എന്നാൽ അഗ്നി ആരാധകരുമായി സാമ്യത വരാതിരിക്കാൻ തീയിലേക്ക് തിരിഞ്ഞ് നമസ്കരിക്കാതിരിക്കലാണ് ഉത്തമം, വിശിഷ്യാ ഇമാം നിൽക്കുന്ന ആൾ. കരണമത് നമസ്‌കരിക്കുന്നവരെ അശ്രദ്ധയിലാക്കാൻ സാധ്യതയുണ്ട്. എന്നാൽ തണുപ്പ് പ്രതിരോധിക്കാൻ അത് അനിവാര്യമാണെങ്കിലോ അല്ലെങ്കിൽ അതിന്റെ സ്ഥാനം മാറ്റൽ പ്രയാസകരമാണെങ്കിലോ കുഴപ്പമില്ല.
രണ്ട് നമസ്‌കാരങ്ങൾക്കിടയിൽ ജംഅ് ആക്കുക എന്നാൽ, ദുഹ്ർ അസ്റിന്റെ കൂടെയോ മഗ്‌രിബ് ഇശാഇന്റെ കൂടെയോ ഒരുമിച്ച് നമസ്‌കരിക്കലാണ്. മതപരമായി അനുവദിക്കപ്പെട്ട ഒഴിവ് കഴിവുകൾ (കാരണങ്ങൾ) ഒരാൾക്ക് ഉണ്ടെങ്കിൽ ഒന്നുകിൽ ആദ്യത്തെ നമസ്‌കാരത്തിന്റെ സമയത്തേക്ക് മുന്തിച്ചോ അല്ലെങ്കിൽ രണ്ടാമത്തെ നമസ്‌കാരത്തിന്റെ സമയത്തേക്ക് പിന്തിച്ചോ രണ്ട് നമസ്കാരങ്ങളും ഒരേ സമയത്ത് അവന് നിർവഹിക്കാവുന്നതാണ്.
ജംഅ് ആക്കുമ്പോൾ രണ്ട് നമസ്‌കാരങ്ങൾക്കുമായി ഒരു ബാങ്കും രണ്ട് ഇഖാമത്തുകളുമാണ് ഉണ്ടാവുക. രണ്ട് നമസ്‌കരങ്ങൾക്കും ശേഷമാണ് നമസ്കാരത്തിന് ശേഷമുള്ള ദിക്റുകൾ നിർവഹിക്കേണ്ടത്.
യാത്രക്കാരൻ എന്ന നിലയിൽ യാത്രയിൽ നോമ്പ് ഉദ്ദേശിക്കരുത്. എന്നാൽ തിങ്കൾ വ്യാഴം ദിവസങ്ങളിൽ നോമ്പ് എടുക്കുന്നത് പോലെ നോമ്പ് എടുത്ത് ശീലമുള്ള ഒരാളുടെ യാത്രയും നോമ്പും ഒരുമിച്ച് വന്നാൽ അയാൾ നോമ്പെടുക്കുന്നതിൽ തെറ്റൊന്നുമില്ല.
അനസ് (റ) വിൽ നിന്നും, അദ്ദേഹം പറഞ്ഞു: "ഞങ്ങൾ നബി(സ)യുടെ കൂടെ യാത്ര ചെയ്യാറുണ്ടായിരുന്നു, അപ്പോൾ നോമ്പ് എടുത്തവർ നോമ്പ് എടുക്കാത്തവരെയോ നോമ്പ് എടുക്കാത്തവർ നോമ്പ് എടുത്തവരെയോ ആക്ഷേപിച്ചിരുന്നില്ല" (ബുഖാരി 1947, മുസ്‌ലിം 1118)
