നിലവിലെ വിഭാഗം
പാഠം അല്ലാഹുവിന്റെ നാമഗുണ വിശേഷണങ്ങളിലുള്ള വിശ്വാസം
അല്ലാഹുവിന്റെ നാമഗുണ വിശേഷണങ്ങളെ കുറിച്ചുള്ള വിശ്വാസം
ജനങ്ങൾക്ക് തങ്ങളുടെ റബ്ബിനെ പരിചയപ്പെടുത്തുന്നതിന് ഖുർആൻ ഊന്നൽ നൽകുകയും ഇത് പല ആയത്തുകളിലും ആവർത്തിക്കുകയും ചെയ്യുന്നുണ്ട്; കാരണം, ദൈവത്തെ ഉൾക്കാഴ്ചയോടെ ആരാധിക്കുന്നതിനും ആ നാമങ്ങളുടെയും ഗുണങ്ങളുടെയും ആവശ്യകതകളും അനുസരിച്ച് പ്രവർത്തിക്കുന്നതിനും അവന്റെ ജീവിതത്തിലും ആരാധനയിലും അവ സ്വാധീനം ചെലുത്തുന്നതിനും , അല്ലാഹുവിനെ അവൻ വിശേഷിപ്പിക്കുന്ന തന്റെ മനോഹരമായ നാമങ്ങളിലൂടെയും പൂർണതയുടെയും പ്രതാപത്തിന്റെയും വിശേഷങ്ങളിലൂടെയും ഒരു മുസ്ലീം തന്റെ നാഥനെ അറിയേണ്ടത് അത്യാവശ്യമാണ്.
തന്റെ ഗ്രന്ഥത്തിലൂടെയോ അവന്റെ റസൂലിൻറെ സുന്നത്തിലൂടെയോ അല്ലാഹു സ്വയം തെളിയിച്ച അല്ലാഹുവിന്റെ നാമഗുണ വിശേഷണങ്ങളെ കുറിച്ച് സർവ്വശക്തനായ അല്ലാഹുവിന് അനുയോജ്യമായ രീതിയിൽ മുസ്‌ലിം വിശ്വസിക്കുന്നു.
പരമ പരിശുദ്ധനായ അല്ലാഹുവിന് ഏറ്റവും വിശിഷ്ടമായ നാമഗുണങ്ങളും സമ്പൂർണമായ വിശേഷണങ്ങളും ഉണ്ട്. അവന്റെ നാമഗുണ വിശേഷണങ്ങളിൽ അവന് സമമായി യാതൊന്നുമില്ല. അല്ലാഹു പറയുന്നു: "അവന് തുല്യമായി യാതൊന്നുമില്ല. അവന് എല്ലാം കാണുന്നവനും എല്ലാം കേള്‍ക്കുന്നവനുമാകുന്നു." (സൂ. ശൂറാ 11). അത്യുന്നതനായ അല്ലാഹു തന്റെ എല്ലാ നാമഗുണങ്ങളിലും വിശേഷണങ്ങളിലും തന്റെ സൃഷ്ടികളിലാരെങ്കിലുമായുള്ള സാദൃശ്യത്തിൽ നിന്ന് ഒഴിവാക്കപ്പെട്ടിരിക്കുന്നു.
അത്യന്നതനായ അല്ലാഹുവിന്റെ ചില പേരുകൾ നമുക്കിവിടെ പരിശോധിക്കാം
അർറഹ്‌മാനി റഹീം (പരമ കാരുണികനും കരുണാവാരിധിയുമായവൻ)
താഴെയുള്ള രണ്ട് നാമങ്ങളാണ് അല്ലാഹു തന്റെ ദാസന്മാർക്ക് ആദ്യമായി പരിചയപ്പെടുത്താൻ ഉദ്ദേശിച്ച് കൊണ്ട് ഫാതിഹ ആരംഭിച്ചതും അതോടൊപ്പം "ബിസ്മില്ലാഹി റഹ്‌മാനി റഹീം" എന്ന വാക്കിലൂടെ മുഴുവൻ സൂറത്തുകളുടെയും തലക്കെട്ടായി ഉപയോഗിച്ചതുമായ രണ്ട് പേരുകൾ.
നമ്മുടെ രക്ഷിതാവ് അവൻ സ്വന്തത്തിൽ തന്നെ റഹ്‌മത്ത് (കാരുണ്യം) രേഖപ്പെടുത്താൻ ഇഷ്ടപ്പെടുന്നു, അവന്റെ കാരുണ്യമാകട്ടെ സർവ വസ്തുക്കളെയും ഉൾകൊള്ളുന്നതുമാണ്. എന്നാൽ സൃഷ്ടികളുടെ കാരുണ്യം പിതാവിന് പുത്രനോടെന്ന പോലെ ഒന്നിന് മറ്റൊന്നിനോടായി പരിമിതമാക്കപ്പെട്ടതാണ്. ആയാസരഹിതമായി ആഹാരം ലഭിക്കുന്നത് പോലും അല്ലാഹുവിന് സൃഷ്ടികളോടുള്ള കാരുണ്യത്തിന്റെ അടയാളമാണ്, അല്ലാഹു പറയുന്നു : "അപ്പോള്‍ അല്ലാഹുവിന്റെ കാരുണ്യത്തിന്റെ ഫലങ്ങള്‍ നോക്കൂ. ഭൂമി നിര്‍ജീവമായിരുന്നതിന്‌ ശേഷം എങ്ങനെയാണ്‌ അവന് അതിന്‌ ജീവന്‍ നല്‍കുന്നത്‌? " (സൂ. റൂം 50).
തന്റെ നഷ്ടപ്പെട്ടുപോയ കുട്ടിയെ അന്വേഷിക്കുകയും ശേഷം അതിനെ തിരിച്ച് കിട്ടിയപ്പോൾ തന്റെ മാറോട് ചേർത്ത് മുലകൊടുക്കുകയും ചെയ്ത സ്ത്രീയെ റസൂൽ(സ)യും അനുചരന്മാരും കണ്ടപ്പോൾ അവിടുന്ന് പറഞ്ഞു: "ഈ സ്ത്രീ മകനെ തീയിലേക്ക് വലിച്ചെറിയുമെന്ന് നിങ്ങൾ കരുതുന്നുണ്ടോ ? " അവർ പറഞ്ഞു: " ഇല്ല, അവർക്കവനെ എറിയാൻ കഴിയില്ല" അപ്പോൾ റസൂൽ (സ) പറഞ്ഞു: "ഈ സ്ത്രീക്ക് തന്റെ കുട്ടിയോടുള്ളതിനേക്കാൾ തന്റെ ദാസന്മാരോട് അങ്ങേയറ്റം കാരുണ്യമുള്ളവനാണ് അല്ലാഹു" (ബുഖാരി 5653, മുസ്‌ലിം 2754)
എന്നാൽ സ്രഷ്ടാവിന്റെ കാരുണ്യം ശ്രേഷ്ഠവും മഹത്തരവുമായ മറ്റൊരു കാര്യമാണ്. എല്ലാ ചിന്തകൾക്കും ഭാവനകൾക്കും കണക്കാക്കലുകൾക്കും മീതെയാണതിന്റെ സ്ഥാനം , അത്യന്നതനായ അല്ലാഹുവിന്റെ കാരുണ്യത്തിന്റെ വ്യാപ്തി ദാസന്മാർക്ക് അറിയാമായിരുന്നെങ്കിൽ ആരും തന്നെ അവന്റെ കരുണയെ തൊട്ട് നിരാശരാകില്ല.
അല്ലാഹുവിന്റെ കാരുണ്യം രണ്ടിനമാണ്:
നബി(സ) പറഞ്ഞു : " 'ഒരാളും തന്നെ അവരുടെ പ്രവര്‍ത്തനങ്ങള്‍കൊണ്ട് സ്വര്‍ഗത്തില്‍ പ്രവേശിക്കുകയില്ല എന്ന് നിങ്ങൾ അറിയുക,'' അവർ ചോദിച്ചു: ''അല്ലാഹുവിന്റെ ദൂതരേ, താങ്കളും?'' അവിടുന്ന് പറഞ്ഞു: ''ഞാനും പ്രവേശിക്കുകയില്ല; അല്ലാഹുവിന്റെ അവന്റെ കാരുണ്യം കൊണ്ട് എന്നെ മൂടിയാലല്ലാതെ'' (മുസ്‌ലിം 2816)
ഒരു ദാസൻ തന്റെ രക്ഷിതാവിനോടുള്ള സാമിപ്യം വർധിപ്പിക്കുമ്പോഴും അനുസരണം മഹത്തരമാക്കുമ്പോഴും അവനോട് വിനയാന്വിതനാകുമ്പോഴുമെല്ലാം ഈ കാരുണ്യത്തിൽ നിന്നുള്ള അവന്റെ ഓഹരി വർധിക്കുന്നു. അല്ലാഹു പറയുന്നു: "തീര്‍ച്ചയായും അല്ലാഹുവിന്റെ കാരുണ്യം സല്‍കര്‍മ്മകാരികള്‍ക്ക്‌ സമീപസ്ഥമാകുന്നു. " (സൂ.അഅ്റാഫ് 56)
എല്ലാ കേൾക്കുന്നവനും കാണുന്നവനും
വിവിധ ഭാഷകളിലും വ്യത്യസ്ത ആവശ്യങ്ങളിലുമുള്ള എല്ലാ ശബ്ദങ്ങളും, അത് രഹസ്യമാകട്ടെ പരസ്യമാകട്ടെ അല്ലാഹു കേൾക്കുന്നു, തങ്ങളുടെ രഹസ്യങ്ങളും സ്വകാര്യ ഭാഷണങ്ങളും അല്ലാഹു അറിയില്ല എന്ന് ചില അജ്ഞർ കരുതിയപ്പോൾ അവരെ ശാസിച്ച് കൊണ്ട് അല്ലാഹു തന്റെ വചനങ്ങൾ അവതരിപ്പിച്ചത് കാണാം : "അതല്ല, അവരുടെ രഹസ്യവും ഗൂഢാലോചനയും നാം കേള്‍ക്കുന്നില്ല എന്ന് അവര്‍ വിചാരിക്കുന്നുണ്ടോ? അതെ, നമ്മുടെ ദൂതന്‍മാര്‍ ( മലക്കുകള്‍ ) അവരുടെ അടുക്കല്‍ എഴുതിയെടുക്കുന്നുണ്ട്‌." (സൂ.സുഖ്‌റുഫ് 80).
അല്ലാഹു എല്ലാം കാണുന്നു, അതെത്ര ചെറുതായിരുന്നാലും പരാമപരിശുദ്ധനായ അല്ലാഹുവിന് അത് മറക്കപ്പെടുന്നില്ല. ബിംബാരാധകനായ പിതാവിനോട് എല്ലാം കാണുകയും കേൾക്കുകയും ചെയ്യാത്ത ബിംബത്തെ ആരാധിക്കുന്നതിനെ എതിർത്ത് കൊണ്ട് ഇബ്‌റാഹീം നബി(അ) സംസാരിക്കുന്നത് വിശുദ്ധ ഖുർആനിൽ നമുക്ക് കാണാം: "എന്‍റെ പിതാവേ, കേള്‍ക്കുകയോ, കാണുകയോ ചെയ്യാത്ത, താങ്കള്‍ക്ക്‌ യാതൊരു ഉപകാരവും ചെയ്യാത്ത വസ്തുവെ താങ്കള്‍ എന്തിന്‌ ആരാധിക്കുന്നു.? " (സൂ. മർയം 42).
അല്ലാഹു എല്ലാം കാണുന്നവനും കേൾക്കുന്നവനുമാണ്, ആകാശത്തിലോ ഭൂമിയിലോ ഉള്ള ഒരു അണുമണിത്തൂക്കം കാര്യവും അവനിൽ നിന്ന് മറച്ചു വെക്കാനാവില്ല, രഹസ്യമായതും അത്യന്തം നിഗൂഢമായതും അവൻ അറിയുന്നു എന്നൊക്കെ ഒരു ദാസൻ മനസിലാക്കിയാൽ അത് അല്ലാഹുവിന്റെ നിരീക്ഷണത്തിൽ പ്രതിഫലിക്കും. അങ്ങനെ അവൻ തന്റെ നാവിനെ കളവിൽ നിന്നും ദൈവ നിന്ദയിൽ നിന്നും കാത്തുസൂക്ഷിക്കും, അല്ലാഹുവിന് കോപമുണ്ടാക്കുന്ന എല്ലാ കാര്യങ്ങളിൽ നിന്നും തന്റെ ചിന്തകളെയും ഹൃദയത്തിന്റെ നിർദേശങ്ങളെയും കാത്തുസൂക്ഷിക്കും, എന്നിട്ട് അല്ലാഹു ഇഷ്ടപ്പെടുകയും തൃപ്തിപ്പെടുകയും ചെയ്യുന്ന ഭാഗത്തേക്ക് ആ അനുഗ്രഹങ്ങളെയും കഴിവുകളെയും അവൻ തിരിച്ച് വിടും, കാരണം അവന്റെ പ്രത്യക്ഷമായതും പരോക്ഷമായതും രഹസ്യമായതും പരസ്യമായതും കാണുന്നവനാണ് എന്ന ബോധ്യം അവനുണ്ടാകും. അതാണ് റസൂൽ(സ) പറഞ്ഞത്: " ഇഹ്‌സാൻ എന്നാൽ നീ അല്ലാഹുവിനെ കാണുന്നത് പോലെ അവനെ ആരാധിക്കലാണ്, ഇനി നീ അവനെ കാണുന്നില്ലെങ്കിലും അവൻ നിന്നെ കാണുന്നുണ്ട്" (ബുഖാരി 50, മുസ്‌ലിം 9).
ഒരു ന്യൂനതയോ കുറവോ ഇല്ലാത്ത നാശമോ നീങ്ങിപ്പോക്കോ ബാധിക്കാത്ത ഇല്ലായ്മ മുൻകടന്നിട്ടില്ലാത്ത എല്ലാത്തിനെ തൊട്ടും പരിശുദ്ധമായ സമ്പൂർണമായ ജീവിതമാണ് അല്ല്ലാഹുവിനുള്ളത്. അറിവ്, കേൾവി, കാഴ്ച, ശക്തി, ഇച്ഛ തുടങ്ങി അവന്റെ എല്ലാ വിശേഷണങ്ങളും അനിവാര്യമായ സമ്പൂർണമായ ജീവിതം. ആരുടെ കാര്യമാണോ ഇപ്രകാരമാണുള്ളത് , അവനാണ് ആരാധിക്കപ്പെടാനും സാഷ്ടംഗം നമിക്കപ്പെടാനും ഭരമേൽപ്പിക്കപ്പെടാനും അർഹനായിട്ടുള്ളത്, അല്ലാഹു പറയുന്നു: "ഒരിക്കലും മരിക്കാതെ ജീവിച്ചിരിക്കുന്നവനെ നീ ഭരമേല്‍പിക്കുക."ഒരിക്കലും മരിക്കാതെ ജീവിച്ചിരിക്കുന്നവനെ നീ ഭരമേല്‍പിക്കുക." (സൂ. ഫുർഖാൻ 58).
അല്ലാഹുവിന്റെ 'ഖയ്യൂം' (എല്ലാം നിയന്ത്രിക്കുന്നവന്‍) എന്ന നാമം രണ്ട് കാര്യങ്ങൾ അറിയിച്ച് തരുന്നു :
അതിനാൽ തന്നെ ഈ മഹത്തായ രണ്ട് നാമങ്ങൾക്ക് പ്രാർത്ഥനയിലും കീഴൊതുങ്ങലിലും സവിശേഷ സ്ഥാനമുണ്ട്. നബി(സ) പ്രാർഥിച്ചിരുന്നതായി നമുക്ക് കാണാം : " എന്നെന്നും ജീവിക്കുന്നവനും എല്ലാം നിയന്ത്രിക്കുന്നവനുമായവനെ, നിന്റെ കാരുണ്യം കൊണ്ട് ഞാൻ നിന്നോട് സഹായം തേടുന്നു" (തുർമുദി 3524)
