Ang kasalukuyang seksyon:
Ang aralin Ang Shirk (pagtatambal sa Allah)
Ang kahulugan ng Shirk
Ang Shirk (Pagtatambal): Ito ay ang pagtakda ng katambal sa Allah na Kataas-taasan sa Kanyang pagka-Panginoon, sa Kanyang pagka-Diyos, o sa Kanyang mga Pangalan at mga Katangian.
Ang mga halimbawa ng Shirk
Ang panganib ng Shirk
Ang Shirk ay sumasalungat sa paniniwala sa kaisahan ng pagka-Diyos ng Allah. At kapag ang paniniwala sa kaisahan ng pagka-Diyos ng Allah na Kataas-taasan at ang pag-iisa ng Allah sa pagsamba ang pinakamahalaga sa mga tungkulin at pinakadakila nito, magkagayon ang Shirk ang pinakamalaking kasalanan sa paningin ng Allah na Kataas-taasan, samakatuwid ito ang tanging kasalanan na hindi pinapatawad ng Allah maliban sa pamamagitan ng pagsisisi, tulad ng sinabi ng Kataas-taasan: {Katotohanan, hindi pinatatawad ng Allah na tambalan Siya, at pinatatawad Niya ang bukod doon sa sinumang naisin Niya}. (An-Nisa': 48). At nang tanungin ang Sugo ng Allah, sumakanya ang pagpapala ng Allah at kapayapaan, tungkol sa kung ano ang pinakamalaking kasalanan sa Allah? Sinabi niya: "Na ikaw ay makapagbigay sa Allah ng isang kawangis, samantalang Siya ang lumikha saiyo." (Al-Bukhari: 4207 – Muslim: 86).
Ang Shirk ay sumisira sa mga gawaing pagsunod at nagpapawalang-bisa nito, tulad ng sinabi Niya, Luwalhati sa Kanya: {At kung sila ay nakagawa ng pagtatambal, katiyakan na nawalan ng saysay ang anumang dati nilang ginagawa}. (Al-An’am: 88).
Ang Shirk ay nangangailangan para sa gumagawa nito ng pananatili sa Apoy ng Impiyerno, kung saan ay sinabi ng Kataas-taasan: {Katotohanan, sinuman ang nagtatambal sa Allah, kung gayon tunay na ipinagbawal ng Allah sa kanya ang Paraiso at ang kanyang tahanan ay ang Apoy}. (Al-Maidah: 72).
Mga uri ng Shirk
Ito ay ang pag-aalay ng isang alipin ng isang pagsamba mula sa mga gawaing pagsamba sa iba bukod sa Allah na Kataas-taasan, kaya bawa't salita o gawain na mula sa mga gawaing pagsamba na minamahal ng Allah na Kataas-taasan, kapag ito ay ganap na naibaling sa iba bukod sa Allah, samakatuwid ito ay Shirk (politeismo) at Kufr (kawalan ng pananampalataya). At ang isang halimbawa ng malaking Shirk: Ang humingi ang isang tao sa iba bukod sa Allah at manalangin sa Kanya na pagalingin siya mula sa kanyang karamdaman, o palawakin ang kanyang kabuhayan, at gayundin kapag ang isang tao ay umasa sa iba bukod sa Allah, o nagpatirapa sa iba bukod sa Allah.
Kaya ang pagbaling sa mga ganitong panalangin, gawain at iba pang mga katulad nito sa iba bukod sa Allah ay Shirk at Kufr; dahil ang pagpapagaling at ang kabuhayan ay kabilang sa mga katangian ng pagka-Panginoon, at ang pagtitiwala sa Allah at pagpapatirapa sa Kanya ay kabilang sa mga katotohanan ng Kaisahan ng pagka-Diyos.
2- Ang maliit na Shirk
Ito ay ang bawa't salita o gawain ay nagiging daan tungo sa malaking Shirk, at isang paraan upang mahulog dito
Ang mga halimbawa ng maliit na Shirk
Itinuturing ba na isang Shirk ang paghingi ng tulong sa mga tao at ang paghiling sa kanila?
Sa katotohanan, dumating ang Islam upang palayain ang isip ng tao mula sa pamahiin at pagiging impostor at upang palayain ang kanyang sarili mula sa pagpapakumbaba sa iba bukod sa Allah na Kataas-taasan. Kaya hindi pinahihintulutan na hilingan ang patay o ang walang buhay, magpakumbaba at magpakaaba sa kanya ng walang pasubali, sapagka't ito ay mula sa pamahiin at Shirk (politeismo). Tungkol naman sa paghiling sa kasalukuyang buhay sa kung ano ang kanyang kaya, tulad ng pagtulong sa kanya o pagliligtas sa kanya mula sa pagkalunod, o ang paghiling sa kanya na magsumamo sa Allah para sa kanya, sa gayon ito ay pinahihintulutan
Ang paghingi ng tulong at paghiling sa isang walang buhay o patay ay itinuturing na Shirk (politeismo) na sumasalungat sa Islam at pananampalataya. Dahil ang patay at ang walang buhay ay hindi kayang marinig ang kahilingan at hindi rin kayang tugunan ito, sapagka't ang pagsusumamo ay isang gawaing pagsamba, at ang pagbaling nito sa iba bukod sa Allah ay Shirk, at sa katunayan ang Shirk ng mga Arabo noon sa panahon ng pagsugo ay ang pagsusumamo sa mga walang buhay at mga patay.
