ప్రస్తుత విభాగం : model
పాఠం షిర్క్ (దైవత్వంలో భాగస్వామ్యం కల్పించడం)
షిర్క్ యొక్క అర్ధం
షిర్క్: అల్లాహ్ యొక్క సర్వాధికారంలో (రుబూబియత్ - సృష్టి, పోషణ మరియు నిర్వహణలలో) లేదా కేవలం ఆయనకు మాత్రమే ఉన్న ఆరాధనా అర్హతలో (ఉలూహియత్) లేదా ఆయన దివ్య నామాలు మరియు గుణాలలో (అస్మా వస్సిఫాత్) ఇతరులెవరినైనా భాగస్వాములుగా చేయడమే.
షిర్క్ యొక్క ఉదాహరణలు
షిర్క్ వల్ల ఉన్న ప్రమాదం
షిర్క్ అనేది అల్లాహ్ ఒక్కడే ఆరాధ్యుడని నమ్మే విశ్వాసానికి విరుద్ధమైనది. కేవలం అల్లాహ్ ను మాత్రమే ఆరాధించడం అనేది అత్యంత ముఖ్యమైన బాధ్యత అయితే, అల్లాహ్ దృష్టిలో షిర్క్ అనేది అన్నిటికన్నా పెద్ద పాపం. నిజానికి, మనిషి పశ్చాత్తాపం చెందితే తప్ప అల్లాహ్ క్షమించని ఏకైక పాపం ఇదే. దీని గురించి అల్లాహ్ ఇలా సెలవిచ్చాడు: నిశ్చయంగా, అల్లాహ్ తనకు భాగస్వామిని (సాటిని) కల్పించటాన్ని ఏ మాత్రమూ క్షమించడు. మరియు అది తప్ప దేనిని (ఏ పాపాన్ని) అయినా, ఆయన తాను కోరిన వారిని క్షమిస్తాడు. (అన్-నిసా: 48) ). అల్లాహ్ దృష్టిలో అన్నిటికన్నా గొప్ప పాపం ఏది అని దైవప్రవక్త ముహమ్మద్(స) వారిని అడిగినప్పుడు, వారు ఇలా సెలవిచ్చారు: "నిన్ను సృష్టించిన అల్లాహ్ కు నీవు ఎవరినైనా సాటి (భాగస్వామిని) కల్పించడం" (బుఖారీ 4477, ముస్లిం86).
షిర్క్ ఆరాధనలను నాశనం చేస్తుంది మరియు వాటిని వ్యర్థం చేస్తుంది, అల్లాహ్ ఈ విధంగా సెలవిచ్చాడు: "ఒకవేళ వారు షిర్క్కు పాల్పడి ఉంటే, వారు చేసిన సత్కార్యాలన్నీ వృథా అయి పోయేవి. (అల్ అన్ఆమ్ -88)
షిర్క్ దానికి పాల్పడేవారిని నరకాగ్నిలో శాశ్వతంగా ఉంచుతుంది. దీని గురించి తన దివ్య గ్రంథంలో అల్లాహ్ ఇలా సెలవిస్తున్నాడు: "నిశ్చయంగా, అల్లాహ్ కు భాగస్వాములను కల్పించే (షిర్క్ చేసే) వారిపై అల్లాహ్ స్వర్గాన్ని నిషిద్ధం చేశాడు మరియు వారి నివాసం నరకాగ్ని" (అల్-మాయిదా: 72).
షిర్క్ యొక్క రకాలు
దైవదాసుడు తాను ఆచరించే ఏ ఆరాధననైనా అల్లాహ్ కాకుండా ఇతరులకు అంకితం చేయడమే ఇది. అల్లాహ్ కు ఇష్టమైన ఏ మాటైనా లేదా కార్యమైనా సరే, దానిని అల్లాహ్ కు కాకుండా ఇతరుల కోసం ఆచరిస్తే అది షిర్క్ మరియు కుఫ్ర్ (అవిశ్వాసం) అవుతుంది. పెద్ద తరహా షిర్క్ కు ఉదాహరణ: ఒక మనిషి తన అనారోగ్యాన్ని నయం చేయమని లేదా తన జీవనోపాధిని (రిజ్క్) పెంచమని అల్లాహ్ ను కాకుండా ఇతరులను వేడుకోవడం మరియు ఆర్ధించడం. అలాగే మనిషి అల్లాహ్ పై కాకుండా ఇతరులపై నమ్మకం(తవక్కుల్) ఉంచడం, అల్లాహ్ కు కాకుండా ఇతరులకు నమాజు చేయడం లేదా ఇతరుల పేరిట జంతువుకు బలిదానం/ఖుర్బానీ ఇవ్వడం వంటివి కూడా దీని కిందకే వస్తాయి.
అల్లాహ్కు బదులుగా మరెవరికైనా వేడుకోళ్లు, ప్రార్థనలు, లేదా వాటితో సమానమైనవి చేయడం షిర్క్ (బహుదేవతారాధన) మరియు కుఫ్ర్ (అవిశ్వాసం) గా పరిగణించబడుతుంది. ఎందుకంటే, స్వస్థత మరియు జీవనోపాధి అనేవి అల్లాహ్ యొక్క ప్రత్యేక లక్షణాలు. అల్లాహ్పై మాత్రమే నమ్మకం ఉంచడం, అల్లాహ్కు మాత్రమే వేడుకోవడం, అల్లాహ్కు మాత్రమే ఖుర్బానీ ఇవ్వడం అనేవి అల్లాహ్ యొక్క ఆరాధనలో ఏకత్వం యొక్క భాగము.
2. చిన్నతరహా షిర్క్
పెద్దతరహా షిర్క్ కు దారి తీసే ప్రతిఒక్క మాట మరియు ప్రతిఒక్క పని
చిన్నతరహా షిర్క్ యొక్క ఉదాహరణలు
జనాలతో ఏమైనా అడగడం అనేది కూడా షిర్క్ అనబడుతుందా ?
ఇస్లాం మానవ బుద్ధిని, మనస్సును మూఢవిశ్వాసాలు, బూటకపు నమ్మకాల నుండి మరియు సర్వసృష్టికర్త అయిన అల్లాహ్ తప్ప ఇతరులకు బానిసలుగా మారకుండా ఉండడానికి, ఇటువంటి విషయాల నుండి వారిని విముక్తిని ప్రసాదించడానికి వచ్చింది. ఇస్లాం మానవుడిని స్వేచ్ఛా స్వాతంత్ర్యాలతో జీవించేలా ప్రోత్సహిస్తుంది. చనిపోయిన వ్యక్తులను లేదా నిర్జీవ వస్తువులను వేడుకోవడం, వాటికి లొంగడం అనేది నిషిద్దం. ఇది అవిశ్వాసం మరియు షిర్క్కు దారితీస్తుంది. అయితే జీవించి ఉన్న, సమర్ధత కలిగిన వ్యక్తిని నుండి సహాయం అడగడం, ప్రమాదం నుండి రక్షించమని వేడుకోవడం లేదా నాకోసం అల్లాహ్కు దుఆ చేయమని కోరడం అనేది తప్పు కాదు.
నిర్జీవ వస్తువులు లేదా మృతులను అడగడం, వేడుకోవడం అనేది షిర్క్ (బహుదైవారాధన) గా పరిగణించబడుతుంది, ఎందుకంటే ఇది బుద్ధికి, ఇస్లాంకు మరియు విశ్వాసానికి విరుద్ధమైనది. మృతులు లేదా నిర్జీవ వస్తువులు మన ప్రార్థనలను వినలేవు లేదా స్పందించలేవు. దుఆ అనేది ఒక ఆరాధన, దానిని సర్వసృష్టికర్త అయిన అల్లాహ్ ను వదిలి ఇతరులకు అడగడం అనేది అల్లాహ్ కు భాగస్వాములను చేర్చడం అనగా షిర్క్ గా పరిగణించబడుతుంది. దైవప్రవక్త ముహమ్మద్ (స) వారి రాకకు ముందు అరబ్బులు షిర్క్ లో మునిగి ఉన్నారు, వారు నిర్జీవ వస్తువులు మరియు మృతులను పూజించేవారు.
