Ang kasalukuyang seksyon:
Ang aralin Ang islamikong moralidad sa pinansyal na mga transaksyon
Nakaugnay ang magagandang asal ng mahigpit na pagkaugnay sa lahat ng bagay sa buhay ng tao, at maaaring isa sa pinakamahalag nagpapahigit sa sistema ng pinansiyal sa islam ay ang marangal na mga magandang asal kung saan dito ito nagmumula at isinaalang-alang ito; at ito ang dahilan na nagpapaiba sa sistema ng pananalapi sa islam mula sa ibang mga sistema ng pananalapi.
Ito ay ang lahat ng anumang pinahihintulutan ng islam na trabaho para kumita ng halal, at nasasaklawan ng pinansyal na transaksyon ang lahat ng kasunduan na nakabatay sa pera, o magreresulta ng mga karapatan sa pera; tulad ng pagbebenta, pagbili, pagrerenta, kooperatiba at iba pang mga kasunduan. At ang mga alituntunin na kaugnay sa islamikong mga transaksyon ay ang mga batas ng islam na inoorganisa para sa pakikitungo ng mga tao sa pananalapi at ekonomiya sa pagitan nila.
Mga hangarin at layunin ng pinansyal na mga transaksyon sa islam
Ang Islam ay ang tunay na relihiyon, tunay na nagdala ito ng mga bagay na makabubuti sa mga tao at magpapabuti sa kanila; dahil ito ay galing sa kanya na lumikha sa mga tao, kaya siya ang higit na nakakaalam sa kanila at sa anumang kapaki-pakinabang sa kanila, sinabi ng Allah: {Hindi ba nakaaalam ang lumikha samantalang Siya ay ang Mapagtalos, ang Mapagbatid} [Al-Mulk: 14], at ito ay salungat sa ibang mga batas at mga sistema, dahil ang islam ay tunay na nagdala ng sistema sa pananalapi na nagsasaalang-alang sa mga pangangailangan ng katawan at sa mga bagay sa mundo, at gayun din na nagsasaalang-alang sa mga pangangailangan ng kaluluwa at sa mga bagay sa kabilang buhay.
Una- Ang makamundong panig: Isinasaayus ng islamikong batas ang mga transaksyong pinansyal ng mga tao, sa anumang magpapatupad ng pagiging patas sa pagitan ng lahat ng nakikipagtransaksyon, at magbibigay ng karapatan sa lahat ng may karapatan nito, at magpapatupad ng kasapatan para sa lahat, gayundin na pinapalawak nito ang pintuan ng halal (pinahihintulutan) sa mga transaksyon, at ipinagbabawal ang lahat ng maaaring magdulot ng pinsala sa isa sa mga nakikipagtransaksyon.
Ikalawa - Ang makarelihiyong panig: Ang pinakamalaking layunin sa lahat ng islamikong mga batas ay ang pagkamit ng kaluguran ng Allah at pagkamit ng paraiso, at maidagdag pa doon na ang mga batas ng islamikong mga transaksyon ay magpapatupad ng kapatiran sa pagitan ng mga mananampalataya sa pamamagitan ng pagpapalaganap ng pagiging patas, at panghihikayat sa pagiging mabuti; gaya ng pagtulong sa mga nangangailangan, at pagbabawal sa lahat ng mga nakakatukso o nakalilinlang sa mga puso; kagaya ng riba (pagpapatubo) at ang pagsusugal.
Una- Ang pagiging pata: at ito ay ang anumang magsasaalang-alang sa karapatan ng dalawang panig ng transaksyong pinansyal nang walang labis walang kulang; Gaya ng pagbibinta, pagpaparenta o upa sa parehong halaga, at iba pa doon. sinabi ng Allah: {At Nagpahintulot si Allāh ng pagtitinda (o pagbibinta)...} [Al-Baqarah: 275] Ikalawa- Ang pagbibigay ng palugit: ito ay ang pagiging mabuti; tulad ng pagpapaluwag sa nagigipit o pag-alis (ng ubligasyon sa pagbayad) ng utang mula sa kanya, sinabi ng Allah: {At Kung may kagipitan [ang nagkautang] ay [magbigay ng] isang paghihintay hanggang sa kaluwagan; ngunit ang magkawanggawa kayo ay higit na mabuti para sa inyo kung kayo ay nakaaalam} [Al-Baqarah: 280], at halimbawa na nagkasundo ang isang tao sa isang trabahador sa halaga ng bayad, pagkatapos ay babayaran niya ito ng higit pa sa napagkasunduan, sinabi ng Allah: {... At Gumawa kayo ng maganda (mabuti); tunay na si Allāh ay umiibig sa mga tagagawa ng maganda (mabuti} [Al-Baqarah: 195].
Ikatlo- Ang pandadaya: at ito ay ang pagkuha ng tao ng higit pa sa kanyang karapatan, at pagkain ng yaman ng mga tao nang hindi makatarungang paraan; kagaya ng pagpapatubo, pagsusugal, at ang pagpigil sa karapatan ng manggagawa, at iba pa. sinabi ng Allah: {O mga sumampalataya, mangilag kayong magkasala kay Allāh at iwan ninyo ang anumang natira mula sa patubo kung kayo ay mga mananampalataya. Ngunit kung hindi ninyo ginawa, tumiyak kayo ng isang digmaan mula kay Allāh at sa Sugo Niya. Kung nagbalik-loob kayo ay ukol sa inyo ang mga puhunan ng mga salapi ninyo. Hindi kayo lalabag sa katarungan at hindi kayo lalabagin sa katarungan} [Al-Baqarah: 278-279], at sinabi ng Sugo ng Allah ﷺ: "Sinabi ng Allah: Tatlo ang kaaway ko sa araw ng pagbangon muli: Isang tao na nangako at nanumpa sa akin pagkatapos ay hindi tumupad sa kanyang pangako, at isang tao na nagbinta ng isang malayang tao pagkatapos ay kinain (o pinakinabangan) niya ang halaga nito, at isang tao na kumuha ng isang trabahador at nagtrabaho ito sa kanya pagkatapos ay hindi niya ibinigay ang bayad nito", (Al-Bukharie 2227).
