Bakayi rajistan shiga ba

Kayi rajista yanzu a cikin dandalin Taa domin ka fara karatu da kuma bibiyan ci gabanka tare da tara maki domin samun damar shiga gasa bayan yin rajistan

Darasi Ciniki

A cikin wannan darasin zamu san abunda ake nufi da ciniki, da Wasu daga cikin hukunce-hukuncen shi a cikin shari'ar Musulunci.

Sanin hukuncin ciniki
Sanin hikimar shar"anta ciniki
Sanin sharrudan ciniki
Bayani akan asalin cinikayyan dake haramun

Count Wani dalibiku kammala wannan darasin

An fassara wannan darasin da yaruka masu zuwa:

አማርኛ العربية বাংলা English Español Français हिन्दी Bahasa Indonesia ភាសាខ្មែរ 한국어 Luganda മലയാളം नेपाली Oromoo پښتو Português සිංහල Kiswahili தமிழ் తెలుగు Tagalog Uyƣurqə / ئۇيغۇرچە اردو Tiếng Việt 中文

Ma'anan ciniki

Ciniki a harcen larabci shi ne musayar wani abu da wani abu. A shar'ance kuma shi ne musayan kuɗi da kuɗi mallaka da mallakarwa.

Hukuncin ciniki

Ciniki abu ne wanda ya halatta a cikin littafin Allah da sunnar Annabi da kuma ijma'in malamai. Allah Maɗaukakin Sarki Yace: (Kuma Allah Ya halatta ciniki Ya kuma haramta riba) (Albakara: 275).

Hikimar dake cikin halalta ciniki

1- Lalle mutum yana da buƙatan abunda yake mallakin wani ne; na daga abinci da abin sha da tufafi da wurin zama, da wanin haka, kuma mamallakin waɗannan ababen ba zai bashi su ba tare da ya biya shi ba, kuma a cikin saya da sayarwa akwai hanyar isan kowa zuwa ga abunda ya keso; Mai sayarwa ya samu kuɗi, mai saya kuma ya samu abunda yake buƙata na daga kaya.

2- Kasantuwan rayuwar mutane a bisa mafi kyawun yanayi; Saboda lalle mutum ba zai iya samun dukkanin buƙatunshi ba sai ta hanyar saya.

3- Hana sata da damfara da zamba da wanin haka na daga ababen da suke lalata rayuwar Al-ummah; domin mutum zai iya samun abunda ya keso ta hanyar saya.

Rukunnan ciniki:

Mai sayarwa: Kuma shi ne mai abun sayarwan.

Mai saya: Kuma shi ne mamallakin kuɗi.

Siga: Kuma shi ne bayarwa daga wanda ya sayar da kuma karɓa daga wanda ya saya, da kuma duk wani abunda zaiyi nuni zuwa gare su na daga abunda mutane suke la'akari da shi a matsayin lafazin saya da sayarwa.

Abunda aka ƙulla ciniki akanshi: Kuma shi ne Farashi da abun kasuwan.

Sharaɗin masu ƙulla ciniki biyu

Hankali: Ciniki da mahaukaci ko wanda yake cikin maye baya halatta.

Balaga: Yaron da yayi wayo da wanda bai da wayo zai iya sayar da ƙaramin abu, amma kuma idan abun ya kasance mai yawa ne to cinikinshi baya inganta daga yaro mai wayo sai da izinin waliyinshi, amma kuma yaron da bashi da wayo anan cinikinshi baya inganta.

Halaccin tasarrufi a cikinshi: Wanda aka tsare shi domin wani abunda yayi, cinikinshi baya halatta.

Yarda da kuma zaɓi: Cinikin wanda aka tilasta shi ba tare da haƙƙi ba baya inganta, ko cinikin wanda yake da yawan wasa, ko wanda yake cikin tsoro; Kaman masu cinikin su nuna cewa suna son ƙulla ciniki domin tsoron wani azzalumi ba da asalin niyan ciniki ba.

Ikon mai sayarwa akan sallamawa: Idan har bai kasance mai ikon sallamawa ba to cinikin baya inganta.

Sharaɗin Abunda aka ƙulla ciniki akanshi (Farashi da abun siya)

Ayyana farashi da bambance shi: Ciniki ba lalle ya kasance musayan kaya da kaya ba, ko kaya da kuɗi, ko kuɗi da kuɗi, saboda haka an sharɗanta bambance tsakaninsu da kuma ayyana abunda ya kamata a ayyana.

Samuwan abun cinikin: Ba ya halatta a sayar da abunda babu shi yayin ciniki.

Halaccin abun sayarwan: Ba ya halatta a sayar da giya ko Alade ko kayan kiɗe-kiɗe, da waninsu na daga ababen da aka haramta.

Tsarkin abun sayarwa: Ba ya halatta a sayar da abunda yake haramun ne a karan kanshi, ko kuma abunda ba za a iya tsarkake shi daga najasa ba.

Ya kasance ana da iko akan abun sayarwan: Ba ya halatta a sayar da tsuntsu a sararin samaniya, ko kuma motar da aka saco ta, da makamantan haka.

Mallakan abun sayarwan: Baya halatta ga mutum da ya sayar da abunda bai mallaka ba, sai dai idan an bashi izinin sayarwan.

Cinikayyan da aka hana:

Cinikayyan da akwai matsala a cikinshi; Shi ne cinikin da ya ƙunshi haɗari a cikinshi wanda zai iya shafan ɗaya daga cikin masu cinikin, har hakan ya kai ga lalacewar dukiyanshi; Kaman sayar da abunda ba asan samuwanshi daga rashinshi ba, ko ba asan ƙaruwanshi daga raguwanshi ba, ko ba za a iya sallama shi ba.

Cinikayyan da akwai yaudara da ha'inci a cikinshi.

Cinikayyan da akwai riba a cikinsu.

Sayar da abunda haramun ne a karan kanshi; Kaman mushe, da giya, da Alade.

Cinikayyan da suke kasance haramun ne dalilin waninsu; Kaman ƙulla Cinikayya yayin ƙiran sallah ta biyu a ranan jumma'a, da sayar da abunda ake nufin haramun da shi; Kaman Inabi wanda za ayi giya da shi, ko tokobi ga wanda yake nufin kisa.

Haƙiƙa ka kammala wannan darasin cikin nasara

Ka fara jarrabawa

Canza yare

Ka ci gaba da karatu

Recently viewed

Recent Members

Darrusa