Ɓangaren yanzu model
Darasi Babban kari da kuma wanka
Ababen da suke wajabta wanka
Su ne ababen da idan suka faru da musulmi za ace babban kari ya same shi, kuma wanka ya wajaba akanshi gabanin gudanar da sallah ko ɗawafi.
1- Fitar Maniyyi
Fitar maniyyi tare da jin daɗi ta kowace hanya, kuma cikin kowana yanayi a farke ne ko a cikin bacci. Maniyyi kuma shi ne farin ruwan mai ƙarni wanda yake fitowa yayin da sha'awa yayi ƙarfi tare da jin daɗi.
2- Jima'i
Abun nufi da jima'i shi ne shigar da azzakarin na miji cikin farjin mace, koda ba tare da fitan maniyyi ba, kuma da zaran kan azzakarin ya shige cikin farjin mace to lalle wanka ya wajaba
3- Fitan jinin haila da jinin biki
Haila: shi ne jinin ɗabi'a wanda yake fitowa daga mace a kowana wata, kuma yana ci gaba da fitowa na tsawon kwanaki bakwai yakan iya ƙaruwa ko ya ragu, ya danganta da yanayin macen. Jinin biki kuma: shi ne jinin da yake fita daga mace sakamakon haihuwa kuma yana ɗaukan tsawon wasu kwanaki yana fita.
An sauƙaƙewa mai haila da mai biki kwanakin da jini yake fita, sai sallah da azumi su faɗi a kansu, kuma zasu biya azumi bayan sun tsarkaka, amma ba za su biya sallah ba.
Saduwa da mai haila da mai biki
Baya halatta ga mutum da ya sadu da matarshi yayin da take haila ko biki, amma kuma zai iya jin daɗi da ita da abunda yake bayan saduwa, kuma wanka yana wajaba akansu bayan jini ya yanke. Allah Ta'ala Yace: (Ku nisanci mata yayin haila, kuma kada ku kusance su har sai sun tsarkaka, kuma idan sukayi tsarki sai kuzo musu ta wurinda Allah Ya umarce ku) (Albakara: 22). Kuma ma'anar (Idan sukayi tsarki) shi ne idan sukayi wanka.
Idan yayi niyar tsarkaka sai ya wanke dukkanin jikinshi da ruwa toh hakan yayi.
Mafi cikan wanka shi ne mutum yayi wanka tamkar yadda Annabi tsira da amincin Allah su tabbata a gare shi yayi wanka, idan yaso yin wankan janaba to lalle zai wanke tafukan hannunshi biyu, sa'annan ya wanke farjinshi da dauɗar dake wajen na daga janaba, sa'annan sai yayi cikakken alwala, sai ya wanke kanshi da ruwa sau uku, sa'annan ya wanke sauran jikinshi.
Idan musulmi yayi wankan janaba to babu shakka wannan ya isar mishi ga alwala, ba dole sai ya sake yin alwala tare da wankan ba, amma kuma abunda yafi shi ne yayi wankan da ya ƙunshi alwala kamar yadda yake a sunnar Annabi tsira da amincin Allah su tabbata a gare shi.
