Ɓangaren yanzu model
Darasi Lokutan da aka hana sallar nafila a cikinsu
Lokutan da aka hana sallar nafila a cikin su.
Musulmi zai iya gudanar da sallar nafila a cikin kowana lokaci, sai dai lokutan hani waɗanda musulunci ya hana sallah a cikinsu saboda wasu dalilai daban-daban; wasunsu lokutan ibadar kafurai ne, wasunsu kuma lokuta ne waɗanda ake iza wutar jahannama a cikinsu, wasunsu kuma lokutan hudowan rana ne a tsakanin ƙahon Shaiɗan guda biyu, da wasunsu, saboda haka ba a sallah a cikin waɗannan lokutan sai dai biyan farillar da ta wuce ko kuma nafilolin da suke da sababi, kamar gaisuwan masallaci, amma kuma waɗannan bayanan da suka gabata gaba ɗayansu akan sallah ne, amma kuma ambaton Allah Ta'ala da roƙonshi to wannan ya halatta a cikin kowana lokaci.
Daga bayan sallar asubahi har zuwa lokacin fitowan rana da ɗaguwarta kimanin mashi a sararin sama, kuma a ƙasashe matsakaita wannan ɗaguwan yana faruwa ne bayan fitowan rana da kimanin minti (20).
A yayin da rana ta kai tsakiyan sama har sai ta gushe, kuma wannan lokaci wani ɗan ƙaramin lokaci ne wanda yake rigayan lokacin sallar azahar
Daga bayan sallar la'asar har sai rana ta faɗi.
