ផ្នែកបច្ចុប្បន្ន model:
មេរៀន ពេលវេលាដែលហាមឃាត់មិនឲ្យសឡាតស៊ូណិត
ពេលវេលាដែលហាមឃាត់មិនឲ្យសឡាតស៊ូណិត
ជាទូទៅ គ្រប់ពេលវេលាទាំងអស់ គឺគេអនុញ្ញាតឲ្យជនមូស្លីមអាចសឡាតស៊ូណិតបាន លើកលែងតែពេលវេលាមួយចំនួនប៉ុណ្ណោះដែលសាសនាឥស្លាមបានហាមមិនឲ្យសឡាត ដោយយោងលើមូលហេតុផ្សេងៗ ដូចជាពេលវេលាខ្លះ គឺជាពេលដែលពួកគ្មានជំនឿធ្វើការគោរពសក្ការៈ ពេលវេលាខ្លះ ជាពេលដែលគេបង្កើនកម្តៅភ្លើងនរកជើហាន់ណាំ ហើយពេលវេលាខ្លះទៀត ជាពេលវេលាដែលព្រះអាទិត្យរះចន្លោះស្នែងទាំងពីររបស់ស្ហៃតនជាដើម។ ដូចនេះ គេមិនត្រូវប្រតិបត្តិសឡាតក្នុងពេលវេលាទាំងនោះឡើយ លើកលែងតែដើម្បីសឡាតសង(កហ្ទ៏សឡាត)ចំពោះសឡាតដែលជាកាតព្វកិច្ច(សឡាតហ្វើរទូ)ដែលគេខកខានមិនបានសឡាត ឬក៏សឡាតស៊ូណិតដែលមានមូលហេតុត្រឹមត្រូវ ដូចជាសឡាតតះយ៉ាតុលម៉ាស្ជិតជាដើម។ នេះគឺសម្រាប់តែការប្រតិបត្តិសឡាតប៉ុណ្ណោះ។ រីឯការហ្ស៊ីកៀរទៅចំពោះអល់ឡោះ និងការសុំទូអាបួងសួងអំពីទ្រង់វិញ គឺច្បាប់បង្គាប់ប្រើគ្រប់ពេលវេលាទាំងអស់ដោយគ្មានពេលវេលាហាមឃាត់ឡើយ។
ក្រោយពីសឡាតហ្វាជើររួច រហូតដល់ថ្ងៃរះឡើងកម្ពស់មួយថ្នោល ដែលជាធម្មតាប្រមាណជា២០នាទីបន្ទាប់ពីថ្ងៃរះ។
នៅពេលថ្ងៃរះចំត្រង់ពីលើក្បាល រហូតដល់ថ្ងៃជ្រេ។ វាជាពេលវេលាខ្លីមួយមុនចូលដល់ពេលវេលាសឡាតហ្ស៊ូហូរ។
បន្ទាប់ពីសឡាតអាសើរ រហូតដល់ថ្ងៃលិច។
