Rajista Shiga

Bakayi rajistan shiga ba

Kayi rajista yanzu a cikin dandalin Taa domin ka fara karatu da kuma bibiyan ci gabanka tare da tara maki domin samun damar shiga gasa bayan yin rajistan

Shiga

Rajista

Ɓangaren yanzu model

Darasi Imani Da Mala'iku

Ababen da darasin ya ƙunsa

Imani da mala'iku rukuni ne daga cikin rukunnan imani. A cikin wannan darasin zaka san haƙiƙanin su da siffofinsu da wani ɓangaren ayyukansu, da ma'anar imani dasu.

manufofi

Sanin ma'anar imani da Mala'iku da mahimmancin shi.
Sanin wasu daga cikin siffofinsu da ayyukansu.
Sanin amfanin imani da su

Count Wani dalibiku kammala wannan darasin

An fassara wannan darasin da yaruka masu zuwa:

አማርኛ العربية বাংলা English Español हिन्दी Bahasa Indonesia ភាសាខ្មែរ 한국어 Luganda മലയാളം नेपाली Oromoo پښتو Português සිංහල Kiswahili தமிழ் తెలుగు Tagalog Uyƣurqə / ئۇيغۇرچە اردو Tiếng Việt 中文

Ma'anar imani da Mala'ika:

Shi ne gaskata cewa akwai mala'iku, da yarda da cewa lalle su suna wata duniya ce ta gaibu, ba duniyar mutane ko na aljani ba, kuma su masu darajah ne masu taƙawa, suna bautatawa Allah matiƙar bauta, kuma suna zantar da dukkanin abunda ya umarce su da shi, kuma basa saɓawa Allah har abada. kaman yadda Allah Ta'ala Yace: {Saida su bayi ne masu girma * Ba sa shiga gabanshi da zance kuma suna aiki ne da umarninshi} [Al-Anbiya: 26-27].

Mahimmancin Imani Da Mala'iku

Imani da mala'iku ɗaya ne daga cikin rukunnan imani guda shida, Allah Maɗaukaki Yace:{Manzon yayi imani da abunda aka saukar mishi daga ubangijinshi da kuma muminai, dukkaninsu sunyi imani da Allah, da mala'ikunshi, da litattafanshi, da manzanninshi} [Albakara: 285]. Kuma Manzon Allah tsira da amincin Allah su tabbata a gare shi yace: "Kayi imani da Allah, da mala'ikunshi, da litattafanshi, da manzanninshi, da ranar ƙarshe, kuma kayi imani da ƙaddara alherinshi da sharrinshi" (Muslim: 8).

Imani da mala'iku wajibi ne akan dukkanin musulmi, kuma duk wanda ya kafurce musu haƙiƙa ya ɓata, kuma ya zame, Allah Maɗaukaki Yace:{Kuma duk wanda ya kafurcewa Allah, da mala'ikunshi, da litattafanshi, da manzanninshi, da ranar ƙarshe, toh haƙiƙa ya ɓata ɓata mai nisa} [Annisa'i: 136] sai Allah Ya mayar da wanda yayi inkarin waɗannan rukunnan kafuri a cikin wannan ayar.

Manzon Allah tsira da amincin Allah su tabbata a gare shi ya ba da labarin cewa sama tayi nauyi da waɗanda suke cikinta, babu wurin sanya tafin hannu face akwai mala'ika yana tsaye, ko yana ruku'u, ko yana sujjada

Menene Imani Da Mala'ika ya ƙunsa?

Imani da samuwarsu: Zamuyi imani da cewa lalle su halittun Allah ne, akwai su a bisa haƙiƙa.

Imani da waɗanda muka san sunayensu daga cikinsu, kaman Jibrilu alaihis salam, kuma waɗanda bamu san sunayensu ba zamuyi imani da su a dunƙule.

Imani da abunda wahayi ya bayar da labari na daga siffofinsu.

Imani da abunda wahayi ya bayar da labari na daga ayyukansu waɗanda suke zantarwa da umarnin Allah.

Daga cikin siffofin mala'ikun da zamuyi imani da su

Lelle su wata duniya ce ta gaibu, kuma lalle su an halicce su domin bautar Allah Ta'ala, saboda haka basu da wata siffa ta Uluhiyyah ko ta rububiyyah, saidai su bayin Allah ne masu bin umarninshi sahu da ƙafa kaman yadda Allah Maɗaukaki Yace:{Basa saɓawa Allah akan abunda ya umarce su, kuma suna aikata abunda aka umarce su dashi ne} [Attahrim: 6].

Cewa lalle su an halicce su ne daga haske, Manzon Allah tsira da amincin Allah su tabbata a gare shi yace: "An halicci mala'iku ne daga haske" [Muslim: 2996].

Sunada fuka-fukai waɗanda suka banbanta wajen adadinsu, haƙiƙa Allah Madaukaki Ya bada labarin cewa lalle Ya sanyawa mala'iku fuka-fukai mabanbanta wajen yawansu, Allah Maɗaukaki Yace: {Dukkanin godiya ta tabbata ga Allah maƙagin sammai da ƙasa, wanda ya sanya mala'iku su zamto ƴan aike masu fuka-fukai bibbiyu da uku-uku da kuma hurhuɗu, yana ƙarawa a cikin halitta yadda yakeso, lalle Allah Mai iko ne a bisa dukkan komai} [Faɗir: 1].

Allah Ya kallafawa mala'iku ayyuka masu yawa, daga cikinsu:

Isar da wahayi daga Allah Maɗaukaki zuwa ga Manzanni alaihimus salam, kuma wanda aka wakilta shi akan wannan aikin shi ne Jibrilu.

Cire rai, kuma wanda aka wakilta shi akan wannan aikin shi ne Malakul mauti da mataimakanshi.

Kiyaye ayyukan bayi da rubuta su sawa'an sun kasance na alheri ne ko na sharri, kuma waɗanda aka wakilta su akan wannan aikin su ne masu girma marubuta.

Da yawa zamuyi mamakin yadda mutum ya tsira daga wani hatsarin da ya kusa faruwa da shi, saidai ya wajaba akanmu kada mu manta cewa lalle kare ɗan Adam daga ababen da zasu hallaka shi da umarnin Allah yana daga cikin ayyukan mala'iku

Imani da mala'iku yanada amfani mai yawa a cikin rayuwar mutum, daga cikinsu:

Sanin girman Allah Maɗaukaki da ƙarfinshi da kamalar ƙudurarshi, domin lalle girman halitta yana daga cikin girman mahalicci, hakan sai ya ƙarawa mumini imani da Allah Ta'ala da kuma girmama shi, domin lalle Allah ya halicci mala'iku ma'abota fuka-fukai daga haske.

Tabbata akan biyayya ga Allah Maɗaukaki, domin duk wanda yayi imani da cewa lalle mala'iku suna rubuta ayyukanshi gaba ɗaya, toh babu shakka hakan zai gadar mishi da tsoron Allah Maɗaukaki, saboda haka ba zai saɓa mishi ba a bayyane ko a ɓoye.

Haƙuri a bisa biyayya ga Allah da kuma samun natsuwa da kwanciyan hankali, domin mutum zai tabbatar da cewa lalle a cikin wannan duniya mai faɗin gaske yana tare da dubbanin mala'iku waɗanda suke bautawa Allah a bisa kyakkyawar yanayi da kuma cikakken sha'ani.

Godewa Allah a bisa kula da yakeyi da ɗan Adam domin lalle ya sanya mala'iku da su dinga kulawa dasu kuma suna kare su.

Haƙiƙa ka kammala wannan darasin cikin nasara

Ka fara jarrabawa

Canza yare

Ka ci gaba da karatu

Recently viewed

Recent Members

Darrusa