ایمان دا مهال برخه
درس په ملائکو ایمان لرل:
په ملاېکو د ایمان لرلو معنا:
د ملاېکو په وجود باندي غښتلی ایمان لرل او په دې خبره چې هغوې د انسانانو او پیریانو نه غیر يو غيبي غزتمند او نیک مخلوق دی، د الله پاک په حقه بندګي کوي د هغه حکمونه په ځاې کوي او د هغه هيڅ نافرماني نه کوي. د الله پاک وينا ده: (بَلْ عِبَادٌ مُكْرَمُونَ • لَا يَسْبِقُونَهُ بِالْقَوْلِ وَهُمْ بِأَمْرِهِ يَعْمَلُون) (الأنبياء: 26-27). بلكې (ملايك خو) ډېر معزز بنده ګان دي. له هغه (الله) نه په خبره كولو كې ړومبى والى نه كوئ او دوى خاص د هغه په حكم عمل كوي.
په ملاېکو باندي د ایمان اهمیت:
په ملاېکو باندي ایمان د ایمان په شپږو بنیادونو کې يو بنیاد دی، د الله پاک وينا ده: (آمَنَ الرَّسُولُ بِمَا أُنْزِلَ إِلَيْهِ مِنْ رَبِّهِ وَالْمُؤْمِنُونَ كُلٌّ آَمَنَ بِاللهِ وَمَلَائِكَتِهِ وَكُتُبِهِ وَرُسُلِه) (البقرة: 285). رسول پر هغه څه ایمان راوړى دى ؛ چې په ده باندې د خپل رب له جانبه نازل كړى شوى دى او مومنانو هم، ټولو ایمان راوړى دى په الله باندې او د هغه پر ملايكو او د هغه پر كتابونو او د هغه په رسولانو باندې. د ایمان په هکله د نبي کريم ـ صلی الله علیه وسلم ـ وينا ده: ایمان دادی: چې په الله پاک او د هغه په ملاېکو او کتابونو او پيغمبرانو باندي ایمان او باور ولري. (مسلم 8).
په ملاېکو باندي ایمان لرل د هر مسلمان وجيبه ده، او هغه څوک چې د ملاېکو نه انکار وکړي ګمراه او سمه لار يې خطا کړه. د الله پاک وينا ده: {وَمَنْ يَكْفُرْ بِاللَّهِ وَمَلَائِكَتِهِ وَكُتُبِهِ وَرُسُلِهِ وَالْيَوْمِ الْآخِرِ فَقَدْ ضَلَّ ضَلَالًا بَعِيدًا} [النساء: 136]. او څوك چې په الله سره كافر شي او د هغه په ملايكو او د هغه په كتابونو او د هغه په رسولانو او د اخرت په ورځ، نو یقینًا هغه ګمراه شو په ډېرې لرې ګمراهۍ سره. په دې مبارک آیت کې يې هغه چاته چې د ایمان ددې بنیادونو نه انکار کوي کافر ويلی دی.
نبي کريم ـ صلی الله علیه وسلم ـ خبر ورکړی دی چې اسمان د ملاېکو په وجه ډير دروند شوی دی، ځکه چې د يو وليشت په برابر ځاې نشته په اسمان کې مګر يو ملاېک په هغې کې د قیام، یارکوع، يا د سجدې په حالت کې دی.
په ملاېکو باندي په ایمان کې دا خبري ضروري دي:
د ملاېکو ځېنې هغه صفات چې مونږ ورباندي ایمان لرو:
الله پاک ملاېکې په يو شمیر کارونو باندي مکلف ګرځولي دي:
ډير ځل مونږ وينو او تعجب کو، چې يو انسان په خطرناکه حادثه کې څنګه روغ پاتي شو، مونږ بايد هير نکړو چې ځېنې ملاېکې د الله پاک په حکم سره د انسانانو حفاظت او ساتنه کوي.
