మీరు లాగిన్ కాలేదు

మీ పురోగతిని తెలుసుకోవడానికి మరియు పాయింట్లను సేకరించి పోటీల్లోకి ప్రవేశించడానికి ‘త’ వేదికలో ఇప్పుడే నమోదు చేయండి, నమోదు తర్వాత మీరు నేర్చుకున్న అంశాల ఎలక్ట్రానిక్ సర్టిఫికెట్ మీకు లభిస్తుంది.

పాఠం దైవదూతలపై విశ్వాసం

దైవదూతలను విశ్వసించడం ఈమాన్ (విశ్వాసం) యొక్క మూలస్తంభాలలో ఒకటి. ఈ పాఠంలో మీరు వారి యదార్థత, లక్షణాలు, వారి కొన్ని విధులు మరియు వారిని విశ్వసించడంలోని అంతరార్థం గురించి తెలుసుకుంటారు.

దైవదూతలను విశ్వసించడంలోని అర్థాన్ని మరియు దాని ప్రాముఖ్యతను తెలుసుకోవడం.
వారిలోని కొన్ని లక్షణాలను మరియు వారు నిర్వహించే విధులను తెలుసుకోవడం.
వారిని విశ్వసించడం వల్ల కలిగే ఫలితాలను తెలుసుకోవడం.

ఈ పాఠం పూర్తి చేసిన మరో విధ్యార్ధి count :

አማርኛ العربية বাংলা English Español Français हिन्दी Bahasa Indonesia ភាសាខ្មែរ Luganda മലയാളം नेपाली Oromoo پښتو Português සිංහල Kiswahili தமிழ் Tagalog Uyƣurqə / ئۇيغۇرچە اردو Tiếng Việt 中文

దైవదూతలపై విశ్వాసం యొక్క అర్ధము

దైవదూతలు ఉన్నారని దృఢంగా విశ్వసించడం; వారు మానవ మరియు జిన్నాతుల ప్రపంచానికి భిన్నమైన అగోచర ప్రపంచానికి చెందినవారు. వారు గౌరవనీయులు మరియు భక్తిపరులు, అల్లాహ్‌ను యదార్థంగా ఆరాధిస్తారు. వారు ఆయన ఆజ్ఞాపించిన పనులను నెరవేరుస్తారు మరియు అల్లాహ్ పట్ల ఎన్నడూ అవిధేయత చూపరు. తన దివ్య గ్రంధములో అల్లాహ్ ఇలా సెలవిస్తున్నాడు : "వారు కేవలం గౌరవనీయులైన (ఆయన) దాసులు మాత్రమే!, వారు ఆయన (అనుమతించక) ముందు మాట్లాడలేరు. మరియు వారు (దైవదూతలు) ఆయన ఆజ్ఞ ప్రకారమే వారు నడుచుకుంటారు". (అల్ అన్బియా: 26-27).

దైవదూతలపై విశ్వాసం యొక్క ప్రాముఖ్యత

దైవదూతలను విశ్వసించడం ఈమాన్ యొక్క ఆరు మూలస్తంభాలలో ఒకటి . దీని గురించి తన దివ్యగ్రంధములో అల్లాహ్ ఇలా సెలవిస్తున్నాడు : "ఈ ప్రవక్త తన ప్రభువు తరఫు నుండి, తనపై అవతరింపజేయబడిన దానిని విశ్వసించాడు మరియు (అదే విధంగా) విశ్వాసులు కూడా (విశ్వసించారు). వారంతా అల్లాహ్ ను, ఆయన దూతలను", బఖర : 285 దైవప్రవక్త (స) వారు ఇలా సెలవిచ్చారు : "అల్లాహ్‌ను, ఆయన దైవదూతలను, ఆయన గ్రంథాలను, ఆయన ప్రవక్తలను, పరలోక దినాన్ని విశ్వసించడం మరియు విధిలోని మంచి చెడులను విశ్వసించడమే ఈమాన్" (ముస్లిం: 8).

దైవదూతలను విశ్వసించడం ప్రతి ముస్లింపై విధి. వారిని నిరాకరించేవాడు మార్గభ్రష్టత్వానికి మరియు పతనానికి గురవుతాడు. అల్లాహ్ ఇలా సెలవిచ్చాడు: "ఎవడైతే అల్లాహ్‌ను, ఆయన దైవదూతలను, ఆయన గ్రంథాలను, ఆయన ప్రవక్తలను మరియు పరలోక దినాన్ని నిరాకరిస్తాడో, అతడు ఘోరమైన మార్గభ్రష్టత్వంలో పడిపోయినట్లే" (అన్-నిసా: 136). ఈ మూలస్తంభాలను తిరస్కరించిన వారిని అల్లాహ్ అవిశ్వాసులుగా ప్రకటించాడు.

దైవదూతలతో నిండిపోవడం వల్ల ఆకాశం బరువెక్కిందని దైవప్రవక్త ముహమ్మద్(స) వారు సెలవిచ్చారు. ఆకాశంలో ప్రతి జానెడు స్థలంలోనూ ఒక దైవదూత ఖియామ్ గానీ, రుకూ గానీ లేదా సజ్దా గానీ చేస్తూ అల్లాహ్‌ను ఆరాధిస్తూనే ఉన్నారు.

దైవదూతలను విశ్వసించడంలో ఏయే విషయాలు ఇమిడి ఉన్నాయి?

వారి ఉనికిని విశ్వసించడం: వారు అల్లాహ్ సృష్టించిన సృష్టి అని, వారు యథార్థంగా ఉన్నారని మనం విశ్వసిస్తాము.

మనకు పేర్లు తెలిసిన వారిని (ఉదాహరణకు జిబ్రీల్ అలైహిస్సలాం) మరియు పేర్లు తెలియని వారిని అందరినీ దైవదూతలుగా విశ్వసించడం.

వహీ (దైవవాణి) ద్వారా మనకు తెలిసిన వారి గుణగణాలను విశ్వసించడం.

అల్లాహ్ ఆజ్ఞతో వారు చేసే విధులను వహీ ద్వారా మనకు తెలిసిన విధంగా విశ్వసించడం.

మనం విశ్వసిస్తున్న ఈ దైవదూతల గుణాలు :

వారు అగోచర(కనిపించని) లోకానికి చెందినవారు మరియు అల్లాహ్‌ను ఆరాధించే సృష్టించబడినవారు. కాబట్టి వారికి ప్రభువుగా గానీ లేదా ఆరాధ్య దైవంగా గానీ ఉండే ఎటువంటి గుణాలూ లేవు. వారు కేవలం అల్లాహ్ ఆజ్ఞలకు పూర్తిగా లొంగి ఉండే దాసులు. అల్లాహ్ వారి గురించి ఇలా సెలవిచ్చాడు: "అల్లాహ్ తమకు ఆజ్ఞాపించిన దానికి వారు ఎన్నడూ అవిధేయత చూపరు మరియు వారికి ఏది ఆజ్ఞాపిస్తే దానిని నెరవేరుస్తారు" (తహ్రీమ్ : 6).

వారు కాంతితో సృష్టించబడ్డారు. దైవప్రవక్త ముహమ్మద్(స) వారు ఇలా సెలవిచ్చారు: "దైవదూతలు కాంతితో సృష్టించబడ్డారు" (ముస్లిం: 2996).

వారికి రెక్కలు ఉన్నాయి, వాటి సంఖ్య ఒకరికొకరు భిన్నంగా ఉంటుంది. దైవదూతలకు రెక్కలు ఉన్నాయని, వాటి సంఖ్యలో వ్యత్యాసాలు ఉంటాయని అల్లాహ్ ఈ విధంగా తెలియజేశాడు: "సర్వస్తోత్రాలు అల్లాహ్‌కే దక్కుతాయి; ఆయన ఆకాశాలను, భూమిని సృష్టించినవాడు. రెండు, మూడు మరియు నాలుగు రెక్కలు గల దైవదూతలను తన సందేశహరులుగా నియమించినవాడు. ఆయన తన సృష్టిలో తాను కోరిన విధంగా వృద్ధి చేస్తాడు. నిశ్చయంగా అల్లాహ్ ప్రతిదీ చేయగల సమర్థుడు" (ఫాతిర్: 1).

అల్లాహ్ దైవదూతలకు అనేక విధులను అప్పగించాడు, వాటిలో కొన్ని:

అల్లాహ్ తరఫు నుండి ఆయన ప్రవక్తలకు దైవవాణిని (వహీ) చేరవేయడం, ఈ బాధ్యత జిబ్రీల్ (అ) వారిది.

ప్రాణాలను తీయడం, ఈ బాధ్యత మరణ దూత (మలకుల్ మౌత్) మరియు ఆయన సహాయక దూతలది.

మానవుల కర్మలను (పనులను), అవి మంచివైనా లేదా చెడ్డవైనా సరే, వారు భద్రపరుస్తారు మరియు నమోదు చేస్తారు. ఈ బాధ్యత నిర్వహించే దైవదూతలను 'కిరామన్ కాతిబీన్' (గౌరవనీయులైన లేఖకులు) అని అంటారు.

ఒక వ్యక్తి ఖచ్చితంగా జరగబోయే ప్రమాదం నుండి ప్రాణాలతో బయటపడటం చూసి మనం తరచుగా ఆశ్చర్యపోతుంటాం. అయితే అల్లాహ్ ఆజ్ఞతో మనుషులను విపత్తుల నుండి రక్షించడం కూడా దైవదూతల విధులలో ఒకటని మనం మర్చిపోకూడదు.

విశ్వాసి జీవితంలో దైవదూతలను విశ్వసించడం వల్ల గొప్ప ఫలితాలు కలుగుతాయి, వాటిలో కొన్ని:

అల్లాహ్ యొక్క గొప్పతనాన్ని, శక్తిని మరియు ఆయన పరిపూర్ణ సామర్థ్యాన్ని తెలుసుకోవడం. ఎందుకంటే సృష్టించబడిన వస్తువు యొక్క గొప్పతనం సృష్టికర్త యొక్క గొప్పతనాన్ని చాటిచెబుతుంది. అల్లాహ్ కాంతి నుండి రెక్కలు కలిగిన దైవదూతలను సృష్టించాడని తెలుసుకోవడం ద్వారా విశ్వాసికి అల్లాహ్ పట్ల విశ్వాసం మరియు గౌరవం మరింత పెరుగుతాయి.

అల్లాహ్ ఆజ్ఞలను పాటించడంలో స్థిరంగా ఉండటం. దైవదూతలు తన పనులన్నింటినీ రాస్తున్నారని విశ్వసించే వ్యక్తిలో అల్లాహ్ పట్ల భయం కలుగుతుంది, దీనివల్ల అతను బహిరంగంగా కానీ లేదా ఏకాంతంలో కానీ ఆయనకు అవిధేయత చూపడు.

అల్లాహ్ ఆజ్ఞలను పాటించడంలో స్థిరత్వం వహించడం మరియు ప్రశాంతతను, తోడును అనుభవించడం. ఈ విశాల విశ్వంలో తనతో పాటు వేలాది మంది దైవదూతలు అత్యుత్తమ రీతిలో అల్లాహ్ కు విధేయత చూపుతున్నారని విశ్వాసి నమ్మడం వల్ల అతనికి ఆ ప్రశాంతత లభిస్తుంది.

ఆదం సంతానం (మానవజాతి) పట్ల అల్లాహ్ చూపుతున్న ప్రత్యేక శ్రద్ధకు గాను ఆయనకు కృతజ్ఞతలు తెలుపుకోవడం; ఎందుకంటే ఆయన మానవులను రక్షించడానికి మరియు వారిని కాపాడటానికి దైవదూతలను నియమించాడు.

మీరు విజయవంతంగా మీ పాఠాలను పూర్తి చేశారు

పరీక్ష మొదలుపెట్టండి

భాష మార్పు

నేర్చుకుంటూ ఉండండి

Recently viewed

Recent Members

పాఠాలు