වත්මන් කොටස: model:
![](/storage/thumbnails/academy/faith/compressed/faith16.jpg)
පාඩම මලාඉකාවරුන් හෙවත් සුර දූතයින් පිළිබඳ විශ්වාස කිරීම.
මලාඉකාවරුන් පිළිබඳ විශ්වාස කිරීම යනු කුමක් ද?
මලාඉකාවරුන් සිටිනා බවටත් ඔවුන් මිනිසුන් හා ජින්වරුන් නො වන, වෙනම ම අදෘෂ්යමාන ජීවී කොට්ඨාශයක් බවත්, ඔවුන් ඉතා ගෞරවණීය හා සැදැහැවත් උදවිය බවත්, උත්තරීතර අල්ලාහ් දෙවිඳුන් ව නිසි අයුරින් නමදින්නන් බවත්, උත්තරීතර අල්ලාහ් දෙවිඳුන් අණ කරන සියල්ල නො පිරිහෙලා ඉටු කරන බවත්, කිසිදා උන්වහන්සේට පිටුපා කටයුතු නො කරන බවත් තරයේ විශ්වාස කිරීම වේ. උතුම් අල් කුර්ආනයේ මේ පිළිබඳ මෙසේ සඳහන් වේ. “ඔවහු ඉතා ගෞරවණීය ගැත්තෝ වෙති. (කිසිදු විටක) උන්වහන්සේ (යමක්) පැවසීමට ප්රථම, මොවුහු කිසිවක් නො පවසති. ඔවුහු උන්වහන්සේගේ අණ පරිදි ම කටයුතු කරති.” (සූරා අල් අන්බියා - 26,27)
මලාඉකාවරුන් පිළිබඳ විශ්වාස කිරීමේ වැදගත්කම.
මලාඉකාවරුන් පිළිබඳ විශ්වාස කිරීම අර්කානුල් ඊමාන් හෙවත් මුස්ලිම්වරයෙකු අනිවාර්යෙන් ම විශ්වාස කළ යුතු මූලික කරුණු හයෙන් එකකි. මේ පිළිබඳ උත්තරීතර අල්ලාහ් දෙවිඳාණෝ මෙසේ ප්රකාශ කරති. “(අපගේ) දූතයාණෝ (මුහම්මද්) තමන්ගේ පරමාධිපතියාණන්ගෙන් තමන් හට පහළ කරනු ලැබූ දෑ පිළිබඳ විශ්වාස කළහ. එමෙන් ම, මුඃමීන්වරු (විශ්වාසවන්තයෝ) ද ඒවා විශ්වාස කළහ. ඔවුහු සියල්ලෝ ම උත්තරීතර අල්ලාහ් ව ද, උන්වහන්සේගේ මලාඉකාවරුන් ව ද, උන්වහන්සේගේ ධර්ම පුස්තක ද, උන්වහන්සේගේ (රසූල්වරුන්) දූතයන් ව ද විශ්වාස කළහ." (සූරා අල් බකරා - 285) තවද, දේව දූත මුහම්මද්තුමාණන් ද ඊමානය (විශ්වාසය) පිළිබඳ පැවසීමේ දී ඊමානය යනු “උත්තරීතර අල්ලාහ් පිළිබඳ ද, උන්වහන්සේගේ මලාඉකාවරුන් පිළිබඳ ද, උන්වහන්සේගේ ධර්ම පුස්තක පිළිබඳ ද, අවසන් දිනය පිළිබඳ ද, යහපත හෝ අයහපත උත්තරීතර අල්ලාහ්ගේ නියමය පරිදි සිදු වන බව ද විශ්වාස කිරීම වේ” යනුවෙන් පවසා ඇත. (මූලාශ්රය: මුස්ලිම් - 08)
මලාඉකාවරුන් පිළිබඳ විශ්වාස කිරීම සෑම මුස්ලිම්වරයෙකුට ම අනිවාර්ය වේ. එය ප්රතික්ෂේප කරන්නා සැබැවින් ම නොමඟ ගිය කෙනෙකු බවට පත් වේ. මේ පිළිබඳ උත්තරීතර අල්ලාහ් දෙවිඳාණෝ මෙසේ ප්රකාශ කරති. “කවරෙකු අල්ලාහ් ව ද, ඔහුගේ මලායිකාවරුන් ව ද, ඔහුගේ ධර්ම පුස්තක ද, ඔහුගේ දූතයින් ව ද, අවසාන දිනය ද ප්රතික්ෂේප කරන්නේ ද, නියත වශයෙන් ම ඔහු (සත්යයෙන්) වඩාත් දුරස් වූ දුර්මාර්ගයෙහි ම ගමන් කරන්නේ ය.” (සූරා අන් නිසා - 136) මේ අනුව, ඊමානයේ මූලිකාංග වන මෙම කරුණු ප්රතික්ෂේප කිරීම කුෆ්ර් හෙවත් ඉස්ලාමය ප්රතික්ෂේප කිරීමක් හෝ ඉස්ලාමයෙන් බැහැර වීමක් ලෙස සැලකේ.
අහසෙහි සිටින්නන් (අධික වීම) හේතුවෙන් අහසෙහි බර වැඩි වූ බවත් එහි සිටගෙන නමදිමින් සිටින හෝ රුකූ කරමින් සිටින හෝ සුජූද් කරමින් සිටින මලක්වරයෙකු නොමැති වියතක ප්රමාණයක හෝ අවකාශයක් නොමැති බවත් දේව දූත මුහම්මද්තුමාණන් දැනුම් දී ඇත.
![](/storage/academy/faith/faith16.jpg)
මලාඉකාවරුන් පිළිබඳ විශ්වාස කිරීමෙහි අන්තර්ගත කරුණු මොනවා ද?
මලාඉකාවරුන්ගේ ගුණාංග හා ස්වභාවය විශ්වාස කිරීම
උත්තරීතර අල්ලාහ් දෙවිඳාණන් විසින් මලඉකාවරුන්ට විවිධ කාර්යයන් පවරා දී ඇත. ඒවායින් කිහිපයක් මෙසේ දැක්විය හැකි ය.
යම් පුද්ගලයෙකු, නිශ්චිත ව ම මරණයට පත් වේ යැයි සිතෙන, ඉතා මාරාන්තික අනතුරකින් දිවි බේරා ගත් බවට ආරංචි වුවහොත්, බොහෝ විට අපි පුදුමයට පත් වෙමු. නමුත්, උත්තරීතර අල්ලාහ් දෙවිඳුන්ගේ අණ පරිදි මිනිසුන් ව එවැනි අනතුරුවලින් මරණයට පත් නො වී බේරා ගැනීම ද මලාක්වරුන්ට පැවරී ඇති කාර්යයන්ගෙන් එකක් බව අප අමතක නො කළ යුතු ය.
![](/storage/academy/faith/faith17_n77ow5z.jpg)