اختر په اسلام کې هغه ورځ ده چې مسلمانان پکښ د خوشحالۍ اظهار کوي،ځکه دوۍ د روژې عبادت پوره کړی،او د الله شکر ادا کوي چې دوۍ ته یې د عبادت توفیق کړی،او هدایت،او پدې کې مستحب ده چې د خلکو زړونه خوشحاله کړی شي،او ښایسته جامې واچول شي،مسکینانو سره مدد،او هر قسم مباح وسایل استعمالول،دې لپاره چې خلک د الله د نعمت مظاهره وکړي.

ددې مونځ اسلام ټینګار کړی،او سړو او ښځو او ماشومانو ته يې ترغیب ورکړی چې ددې د ادا کولو لپاره عیدګاه ته ووځي،ددې وخت شروع کیږي کله چې نمر د یو نیزې مطابق د راختلو نه پس اوچت شي،او د زوال پورې جاري وي.

د اختر مونځ دوه رکعته دی،چې امام به قرات په جهر سره کوي،او د مونځ نه پس به دوه خطبې ورکوي،د هر رکعت په په ابتدا کې به زاید تکبیرات کوي،مثلا په اولني رکعت کې به د قرات نه مخکې شپږ تکبیرات د تکبیر تحریمه نه علاوه کوي،او په دویم رکعت کې به پینځه تکبیرات کوي،د سجدې نه د پاڅیدو د تکبیر نه علاوه

واړه،غټان،سړي او ښځې،په هر مباح وسیلې سره،اوښایسته جامه اغوستل،او روژه ماتول پدغه ورځ د سحر په وخت دې وجې نه د اختر په ورځ روژه نیول حرام دي.

الله اکبر ویل په وړوکي اختر کې مشروع دي،دې لپاره چې د خوشحالۍ اظهار وکړی شي،چې مسلمانانو د رمضان روژې مکمل کړې،او الله په مونږ باندې انعام وکړ،او د روژې د نیولو توفیق یې راکړ.الله فرمايي:دې لپاره چې تاسو روژه مکمل کړۍ،او د الله عظمت بیان کړۍ،ځکه تاسو ته یې هدایت کړی او دې لپاره چې د هغه شکر ادا کړۍ.دغه شان په غټ اختر کې هم تکبیرات مشروع دي،د خوشحالۍ د اظهار لپاره او دا چې حاجیانو حج ادا کړی نو د الله شکر چې ددې عمل صالح توفیق یې ورکړ،الله فرمايي:د قربانۍ غوښه او وینه الله ته نه رسیږي،هغه ته خو تقوی رسیږي،همدارنګه الله دا حیوانات ستاسو لپاره تابع کړل،چې د الله عظمت بیان کړۍ،چې تاسو ته يې هدایت کړی،او محسنانو ته زیری ورکړه.