Ang Eid sa Islam ay siyang araw na inihahayag dito ng mga Muslim ang kasiyahan dahil sa pagkakumpleto ng Ibaadah (gawaing pagsamba) bilang pasasalamat sa Allah na Kataas-taasan, sa Kanyang pamamatnubay at paggabay para sa pagsamba, at lehitimong ipinag-uutos dito ang pagpasok ng kaligayahan sa mga puso ng mga tao lahat, at ang pagsuot ng pinakamagandang damit, at ang pagmamagandang-loob sa mga nangangailangan, at paglibang sa mga sarili sa lahat ng mga paraan na ipinahihintulot, tulad ng mga pagdiriwang at mga palaro na nagpapapasok ng kaligayahan sa mga puso ng lahat, at ipinaaalala sa kanila ang tungkol sa biyaya ng Allah sa kanila.

Ito ay isang Salah na pinagtibay ng Islam at ipinanghihikayat sa mga Muslim na lumabas upang isagawa ito kasama ang mga kababaihan at mga kabataan, at ang oras nito ay magsisimula sa pagtaas ng araw sa sukat ng isang sibat sa kalawakan pagkatapos ng pagsikat ng araw sa araw ng Eid hanggang sa paglihis ng araw sa katanghalian.

Ang Salat Al-Eid ay binubuo ng dalawang Rak'ah, pinapalakas dito ng Imam (namumuno sa Salah) ang pagbibigkas, at magbibigay siya ng dalawang Khutbah (sermon) pagkatapos ng Salah, at lehitimong ipinag-uutos sa Salat Al-Eid ang pagdaragdag sa Takbeer sa umpisa ng bawa't Rak'ah, kaya magsasagawa siya ng Takbeer sa unang Rak'ah bago ang pagbigkas, ng anim na Takbeer bukod sa Takbiratul Ihram, at magsasagawa siya ng Takbeer sa ikalawa ng limang Takbeer bukod sa Takbeer ng pagtayo mula sa pagpapatirapa.

Sa mga maliliit at malalaki, sa mga kalalakihan at kababaihan sa lahat ng paraan na pinahihintulutan, at pagsuot ng pinakamagarang damit at pinakamaganda, at ang pagsamba sa Allah sa pamamagitan ng pagtigil sa pag-aayuno at pagkain sa maghapon sa araw na iyon, at dahil doon ay ipinagbabawal ang pag-aayuno sa Eid.

Iniuutos ang pagsasagawa ng Takbeer sa Eid Al-Fitr: Bilang paghahayag sa pagsasaya sa Eid, at pagkakumpleto ng pag-aayuno sa mapagpalang Ramadan, at pasasalamat sa biyaya ng Allah sa atin at sa pagpatnubay Niya sa atin sa pag-aayuno, sinabi ng Kataas-taasan: {At upang inyong makumpleto ang mga bilang, at inyong madakila ang Allah sa pagpatnubay sa inyo, at baka sakaling makapagpasalamat kayo}. (Al-Baqarah: 185). Gayundin na iniuutos ang pagsasagawa ng Takbeer sa Eid Al-Adha: Bilang paghahayag sa pagsasaya sa Eid, at sa pagsasagawa ng Hajj na ubligado sa mga nagha-hajj, at sa paggabay sa matuwid na gawain sa ikasampu ng Dhul-Hijjah sa kanila at sa iba pang natitirang mga Muslim, sinabi ng Kataas-taasan sa pagbanggit sa mga Udhiyah: {Hindi kailanman maabot ang Allah ng mga karne nito, ni ang mga dugo nito, nguni't ang makakaabot sa Kanya ay ang may takot sa inyo, sa gayon isinailalim ang mga ito para sa inyo, upang dakilain ninyo ang Allah sa pagpatnubay Niya sa inyo, at balitaan mo ng magandang balita ang mga Muhsinun (mapaggawa ng kabutihan}. (Al-Hajj: 37).