1- එතුමා විසින් දන්වන ලැබූ සෑම අංශයක ම පුවත් විශ්වාස කිරීම යන මාතෘකාව යටතේ පහත සඳහන් කරුණු අඩංඟු වේ.

2- එතුමාගේ අණට කීකරු වීම සහ එතුමා විසින් තහනම් කළ දැයින් ඉවත් වීම යන කරුණ තුළ පහත සඳහන් කරුණු ද ඇතුළත් වේ.

එතුමා විසින් අපට නියම කළ ආකාරයෙන් මිස අල්ලාහ්ට නැමදුම් නො කළ යුතුයි යන කාරණය ගත් කළ තහවුරු කළ යුතු යම් කරුණු කාරණා කිහිපයක් ඒ තුළ අඩංගු වේ.

එතුමා ව ආදර්ශයක් ලෙස ගැනීම

නබි (සල්) තුමාණන්ගේ ක්‍රියාවන්, ප්‍රකාශයන්, අනුමත කිරීම් යනාදී කරුණු ඇතුළුව එතුමාගේ සම්පූර්ණ ජීවන රටාව එතුමාගේ මඟපෙන්වීම් හා දිවිපෙවත වනාහි අප ජීවිතය හා බැඳුණු කරුණු සියල්ල සඳහා වූ ආදර්ශයකි. දාසයකු තම පරමාධිපතියාණන් වන අල්ලාහ් වෙත සමීප වී ඔහු අභියස වූ උසස්වීම් ප්‍රගුණ කළ හැකි වන්නේ නබි (සල්) තුමාණන්ගේ ජීවන රටාව ආදර්ශයට ගැනීමේ ක්‍රියාවලියේ ප්‍රගතිය අනුවයි. උත්තරීතර අල්ලාහ් මෙසේ සඳහන් කරයි: "අහෝ නබිවරය! ඔබ මෙසේ පවසන්න: 'ඔබ අල්ලාහ්ට ප්‍රිය කරන්නේ නම් මා අනුගමනය කරන්න. එවිට අල්ලාහ් ඔබ ව ප්‍රිය කරනු ඇත. එමෙන් ම ඔබගේ පාපයන් සඳහා සමාව දෙනු ඇත. තවද අල්ලාහ් ක්ෂමාෂීලීය, අසමසම කරුණාන්විත ය.' " (ආලු ඉම්රාන්: 31)

ධර්මය පරිපූර්ණයි

සැබැවින් ම අල්ලාහ්ගේ දූත මුහම්මද්තුමාණන් විසින් කිසිදු අඩුවක් හෝ දෝෂයක් නොමැතිව මෙම දහම හා එහි නීතිරීති සියල්ල තම සමූහය වෙත සම්පූර්ණ ලෙස දැනුම් දෙන ලදී. එබැවින් එතුමාණන් අප හට ධර්මානුගත නො කළ යම් හෝ වන්දනාවක් අලුතින් බිහි කිරීමට කිසිවකුටත් අනුමැතිය නැත.

අල්ලාහ්ගේ දහම සෑම අවස්ථාවකට ම සහ සෑම ස්ථානයකට ම වලංගු වේ.

අල්ලාහ්ගේ ග්‍රන්ථයේ සහ ඔහුගේ දූතයාණන්ගේ සුන්නාවෙහි ඇති ආගමික නීති සියල්ල ම සෑම අවස්ථාවකට ම හා සෑම ස්ථානයකට ම වලංගු වන අතර, මිනිසාගේ සුභසාධනයන් පිළිබඳ මිනිසා කිසිවක් වශයෙන් හෝ නො සිටි අවස්ථාවෙන් මවා ඔහු ව නිර්මාණය කළ අල්ලාහ් මිස අන් අය වඩාත් දැනුවත් නො වේ.

නබිතුමාගේ ජීවන රටාවට එකඟවීම

අප විසින් සිදු කරන වන්දනාමාන වලංගු වීමට නම්: අල්ලාහ් වෙනුවෙන් වූ පිවිතුරු චේතනාව හා අල්ලාහ්ගේ දූතයාණන් අප හට ආගමානුගත කළ ආකාරයට එම වන්දනාව සිදු කිරීම යන කොන්දේසි දෙක අනිවාර්ය වේ. උත්තරීතර අල්ලාහ් මෙසේ සඳහන් කරයි: "එහෙයින් කවරෙකු තම පරමාධිපතිගේ හමු ව අපේක්ෂා කරන්නේ ද ඔහු දැහැමි ක්‍රියාවන් සිදු කරත්වා. තම පරමාධිපතිට ගැතිකම් කිරීමෙන් කිසිවකු ආදේශ නො කරත්වා." (අල්කහ්ෆ්: 110) දැහැමි යන්නෙහි අදහස නිවැරදි හා නබිතුමාගේ ක්‍රමයට එකඟව යන්නයි.

අලුතින් යම් ධාර්මික කරුණක් ඇති කිරීම තහනම්

නබිතුමාණන්ගේ ජීවන රටාවේ නොමැති යම් හෝ වන්දනාමානයක් හෝ ධාර්මික ක්‍රියාකාරකමක් අලුතින් බිහි කර එ තුළින් අල්ලාහ්ට වන්දනාමාන කිරීමට අපේක්ෂා කළේ නම්, උදාහරණයක් ලෙස සලාතයේ අනුමත ක්‍රමය හැරෙන්නට වෙනත් ආකාරයකින් සලාතය ඉටු කිරීමේ ක්‍රමයක් කවුරුන් විසින් හෝ හඳුන්වාදුන්නේ නම් මොහු නබිතුමාණන්ගේ අණට විරුද්ධ වූ පුද්ගලයකු වනු ඇති අතර ඔහුගේ එම ක්‍රියාව අවලංගු වී යනු ඇත. උත්තරීතර අල්ලාහ් මෙසේ ප්‍රකාශ කර ඇත: "ඔහුගේ අණට විරුද්ධවන්නන් ඔවුනට අර්බුදයක් ඇති වීම ගැන හෝ ඔවුනට වේදනීය දඬුවමක් ඇති වීම ගැන ප්‍රවේශම් විය යුතු ය." (අන්නූර්:63) තවද නබි (සල්) තුමාණන් විසින් මෙසේ වාර්තා කරන ලදී: "අපගේ කරුණෙහි එනම් දහමෙහි කවරෙකු හෝ යම් නූතන දෙයක් ගෙන එන්නේ ද එය අවලංගු වේ." (මූලාශ්‍රය: බුහාරි:2550/ මුස්ලිම්:1718)

ඔබ පාඩම සාර්ථක ව සම්පූර්ණ කර ඇත.