1. ప్రవక్త (స) వారు తెలియజేసిన విషయాలను సంపూర్ణంగా విశ్వసించడం.

.2. ప్రవక్త (స) వారి ఆజ్ఞాపనలు మరియు నిషేదాజ్ఞలకు శిరసా వహించడం. ఇంకా :

.3. కేవలం దైవ ప్రవక్త (స) వారు తెలిపిన పద్ధతి ప్రకారమే ఆరాధన చేయవలసి ఉంటుంది, ఇదే విషయం మరెన్నో విషయాలకు ఖచ్చితంగా వర్తిస్తుంది.

. వారిని అనుసరించడం

.ప్రవక్త (స) వారి ఆదర్శం, మార్గదర్శకం, వారి ఆదర్శ జీవితంలోని ప్రతి వాక్యం మరియు ప్రతి ఆచరణ మన జీవితాలలో అడుగడుగనా మనకు దారిని చూపుతాయి, సన్మార్గం వైపునకు నడిపిస్తాయి, మన జీవితం ప్రవక్త(స) వారి ఆదర్శానికి అనుగుణంగా ఎంత ఎక్కువగా ముందుకు సాగితే అంతే ఎక్కువగా అల్లాహ్ వద్ద మనం ఉన్నత స్థానాలను అందుకుంటాము, సాఫల్యం చెందుతాము. తన దివ్య గ్రంధములో అల్లాహ్ ఇలా సెలవిస్తున్నాడు :(ఓ ప్రవక్తా!) ఇలా అను: "మీకు (నిజంగా) అల్లాహ్ పట్ల ప్రేమ ఉంటే మీరు నన్ను అనుసరించండి. (అప్పుడు) అల్లాహ్ మిమ్మల్ని ప్రేమిస్తాడు మరియు మీ పాపాలను క్షమిస్తాడు. మరియు అల్లాహ్ క్షమాశీలుడు, అపార కరుణాప్రదాత."

.పరిపూర్ణ ధర్మచట్టం

.దైవప్రవక్త (స) వారు దైవధర్మాన్ని, దైవధర్మనియమాలను ఎటువంటి లోపం లేకుండా పూర్తిగా, సంపూర్ణంగా మనకు అందజేశారు, ఈ పరిపూర్ణ ధర్మములో ఎవ్వరికీ కూడా ఇదివరకు లేని కొత్త విషయాలు, కొత్త పోకడలు సృష్టించి ఇందులో కలిపేయడానికి ఏ మాత్రం ఆస్కారం లేదు.

.ఈ ధర్మ నియమాలు ప్రతీకాలానికి మరియు ప్రతి ప్రాంతానికి తగినవి మరియు ఉపయుక్తమైనవి.

.దైవగ్రంధమైన ఖుర్ఆను మరియు ప్రవక్త ఆదర్శం అయిన హదీసులో ప్రస్తావించబడిన ధర్మము మరియు ధర్మచట్టాల ఆదేశాలన్నీ కూడా ప్రతి కాలము మరియు ప్రతి ప్రాంతము కోసం అవతరింపబడ్డాయి. మనుషుల ప్రయోజనాల గురించి వారిని సృష్టించిన సృష్టికర్త కన్నా ఎక్కువగా ఇంకెవరికి తెలుస్తుంది.

.ప్రవక్త ఆదర్శానికి అనుగుణంగా

.ఆరాధనలు స్వీకరింపబడాలంటే సంకల్పశుద్ధితో అవి కేవలం అల్లాహ్ కోసం మాత్రమే జరగాలి, అంతేకాకుండా ఈ ఆరాధనలు దైవప్రవక్త (స) వారు మనకు చూపిన పద్దతి ప్రకారమే జరగాలి. తన దివ్య గ్రంధములో అల్లాహ్ ఇలా సెలవిస్తున్నాడు : “తన ప్రభువును కలుసుకోవాలని ఆశించేవాడు సత్కార్యాలు చేయాలి. మరియు ఆరాధనలో తన ప్రభువుతో పాటు మరెవ్వరినీ భాగస్వాములుగా కల్పించుకోరాదు." (అల్-కహఫ్ : 110) ఇక్కడ సద్కార్యం అంటే ప్రవక్త (స) వారు చూపిన విధానం ప్రకారమే జరగాలి అని అర్ధం.

ధర్మంలో నూతన పోకడల నిషిద్దత

.దైవప్రవక్త (స) వారు తెలుపని ఏదైనా ఆచరణను గానీ, ఆరాధనను గానీ ఆరాధనా ఉద్దేశంతో ధర్మంలో కొత్తగా సృష్టిస్తే అది దైవప్రవక్త (స) ఆదర్శానికి మరియు ఆజ్ఞాలకు పూర్తిగా విరుద్ధమవుతుంది, అటువంటి పనులకు పాల్పడిన వ్యక్తి యొక్క ఆ ఆచరణ తిరస్కరింపబడదమే కాకుండా దానికి అతడు పాపాత్ముడు అవుతాడు. తన దివ్య వచనంలో అల్లాహ్ ఇలా సెలవిస్తున్నాడు : “దైవప్రవక్త ఆజ్ఞను ఉల్లంఘించే వారు, తాము ఏదైనా ఆపదలో చిక్కుకు పోతారేమోననీ లేదా బాధాకరమైన శిక్షకు గురి చేయబడతారేమోనని భయపడాలి”. ఈ విషయంలో దైవ ప్రవక్త (స) వారు ఇలా బోధిస్తున్నారు : “మా ధర్మ నియమాలకు విరుద్ధంగా ఎవరైతే ఇదివరకు లేని కొత్త విషయాన్ని తీసుకువస్తాడో అది తిరస్కరించబడుతుంది” (బుఖారీ -2550. ముస్లిం – 1718)

మీరు విజయవంతంగా మీ పాఠాలను పూర్తి చేశారు