Ang Taharah (paglilinis) mula sa Hadath (ritwal na karumihan) at sa marumi. Sa naiulat ni Abdullah bin Omar, kalugdan silang dalawa ng Allah, sinabi niya: Narinig ko ang Sugo ng Allah, -sumakanya ang pagpapala ng Allah at kapayapaan-, na nagsasabi: "Hindi tinatanggap ng Allah ang anumang Salah (pagdarasal) nang walang paglilinis." (Muslim 224).

Kaya isinasakundisyon ang pagtakip sa Awrah (pribadong bahagi) sa pamamagitan ng damit na hindi nagpapakita ng mga detalye ng mga bahagi ng katawan dahil sa kaiklian o kanipisan nito.

Simula sa pusod hanggang tuhod

Ang buong katawan niya maliban sa kanyang mukha at mga kamay. Sa naiulat ni Aishah, kalugdan siya ng Allah, siya ay nagsabi: Sinabi ng Propeta ﷺ: "Hindi tinatanggap ng Allah ang Salah (pagdarasal) ng babaeng dinadatnan na ng regla," ibig sabihin: Nasa hustong gulang na, "Maliban na may belo." (Abu Dawud 641 at At -Tirmidhi 377).

Sinabi ng Kataas-taasan: {At sa kung saan ka man magpunta, iharap mo ang iyong mukha sa Sagradong Masjid (Mosque)}. (Al-Baqarah: 149).

Ang Qiblah (direksyon ng pagdarasal) ng mga Muslim ay ang marangal na Ka'bah na itinayo ng ama ng mga Propeta na si Ibrahim (Abraham), sumakanya ang kapayapaan, at nagsagawa ng Hajj dito ang mga Propeta, sumakanila ang kapayapaan. At alam natin na ito ay mga bato lamang na hindi nakapipinsala at hindi rin nakapagdudulot ng pakinabang, nguni't ang Allah na Kataas-taasan ay nag-utos sa atin na humarap dito sa pagdarasal upang ang lahat ng mga Muslim ay magkaisa sa isang direksyon, kaya sinasamba natin ang Allah sa direksyon na iyan.

Mawawala ang pagka-obligado dahil sa kawalan ng kakayahan na ito, tulad ng pagkawala ng lahat ng mga ubligasyon dahil sa kawalan ng kakayahan na gawin ito. Sinabi ng Kataas-taasan: {Kaya't katakutan ninyo ang Allah sa abot ng inyong makakaya}. (At-Taghabun: 16).

At ito ay isang kundisyon para sa kawastuhan ng Salah (pagdarasal), at hindi tinatanggap ang Salah bago ang pagpasok ng oras nito, at ipinagbabawal na ipagpaliban ito nang lampas sa oras nito, tulad ng sinabi ng Kataas-taasan: {Katotohanan, ang Salah para sa mga mananampalataya ay may takdang oras}. (An-Nisa': 103).

Dapat isagawa ang Salah (pagdarasal) sa oras nito, at ipinagbabawal na ipagpaliban ito, maliban sa mga kalagayan na kung saan ay pinahihintulutan dito na pagsamahin ang dalawang Salah.

Dapat sa kanya ang magmadali sa pagbayad nito kung kailan niya ito naalala. Ayon sa naiulat ni Anas bin Malik, kalugdan siya ng Allah, sinabi niya: Ang Propeta ng Allah, -sumakanya ang pagpapala ng Allah at kapayapaan-, ay nagsabi: "Sinuman ang nakalimot ng isang Salah (pagdarasal), o nakatulugan niya ito, ang kabayaran nito ay isagawa niya ito kapag naalala niya ito.” Isinalaysay ni Muslim.

Ang Salah (pagdarasal) sa Fajr (madaling araw): Ito ay dalawang Rak'ah (yugto), at nag-uumpisa ang oras nito simula sa pagsapit ng ikalawang bukang-liwayway, at ito ay ang pagsimula ng liwanag sa kalawakan mula sa dakong silangan, at nagtatapos sa pagsikat ng araw

At ito ay binubuo ng apat na Rak'ah (yugto), at mag-uumpisa ang oras nito simula sa paglihis ng araw – paglihis ng araw patungo sa dakong kanluran pagkatapos ng paggitna nito sa kalangitan, at nagtatapos ito kapag ang anino ng lahat ng bagay ay naging kasukat ng haba nito.

At ito ay binubuo ng apat na Rak’ah (yugto), at mag-uumpisa ang oras nito simula sa pagtatapos ng oras ng dasal sa Dhuhr (tanghali), kapag ang anino ng lahat ng bagay ay magiging kaparehas nito, at magtatapos sa paglubog ng araw. At dapat sa isang Muslim na madaliin ang Salah (pagdarasal) bago humina ang sinag ng araw at maging dilaw ang kulay nito.

At ito ay binubuo ng tatlong Rak'ah (yugto), at mag-uumpisa ang oras nito simula sa paglubog ng araw at pagkawala ng sinag nito sa kalawakan, at nagtatapos sa pagkawala ng pulang takip-silim na lumilitaw pagkatapos ng paglubog ng araw.

At ito ay binubuo ng apat na Rak'ah (yugto), at mag-uumpisa ang oras nito simula sa pagkawala ng pulang takip-silim at nagtatapos sa kalagitnaan ng gabi, at maaaring isagawa ito kung kinakailangan hanggang sa pagsikat ng bukang-liwayway.