ప్రస్తుత విభాగం : model
పాఠం నమాజు యొక్క నిబంధనలు మరియు దాని నియమము
నమాజు యొక్క షరతులు
అపవిత్రత మరియు మాలిన్యాల నుండి శుద్ధిని పొంది ఉండాలి. అబ్దుల్లా బిన్ ఉమర్ (ర) వారు సెలవిచ్చినట్లు నేను విన్నాను: దైవప్రవక్త ముహమ్మద్(స) వారు సెలవిచ్చారు: "శుద్ధి(తహారా) లేకుండా ఎటువంటి నమాజు స్వీకరించబడదు" (ముస్లిం 224).
శరీర అవయవాల ఆకృతులు కనిపించేలా ఉండే పొట్టి దుస్తులు లేదా పారదర్శకమైన దుస్తులు కాకుండా, సతర్ (మర్మస్థానాలను) కప్పి ఉంచే వస్త్రంతో నమాజు ఆచరించడం అనేది నిబంధన.
బొడ్డు నుండి మోకాళ్ళ వరకు
ముఖం మరియు అరచేతులు తప్ప ఆమె శరీరమంతా కప్పబడి ఉండాలి. ఆయిషా (ర) వారి ఉల్లేఖనం: దైవప్రవక్త ముహమ్మద్(స) వారు ఇలా సెలవిచ్చారు: " యుక్తవయస్సుకు వచ్చిన స్త్రీ నమాజును ఖిమార్ (తలపై నుండి వేసుకునే వస్త్రం) లేకుండా అల్లాహ్ స్వీకరించడు" (అబూ దావూద్ 641, తిర్మిది 377).
అల్లాహ్ ఇలా సెలవిస్తున్నాడు : "మరియు నీవు ఎక్కడకు బయలుదేరినా (ఏ ప్రాంతానికి) వెళ్లినా సరే! నీ ముఖాన్ని (నమాజ్ లో) మస్జిద్ అల్ హరామ్ వైపునకే త్రిప్పుకో. (అల్-బఖరా: 149).
ముస్లిముల ఖిబ్లా (నమాజులో అభిముఖంగా నిలిచే దిశ) పవిత్ర కాబా. దీనిని ప్రవక్తల పితామహులైన ఇబ్రాహీం(అ) వారు నిర్మించారు మరియు ప్రవక్తలందరూ (అ) దీనిని సందర్శించి హజ్ చేశారు. అవి కేవలం రాళ్ళేనని, వాటి వల్ల ఎటువంటి లాభనష్టాలు చేకూరవని మనకు తెలుసు. అయితే, ముస్లిములందరూ ఏకతాటిపైకి వచ్చి ఒకే దిశ వైపుకు తిరగాలని అల్లాహ్ ఆదేశించాడు. కాబట్టి మనం అల్లాహ్ పట్ల విధేయతను చాటుకుంటూ నమాజులో ఆ దిశ వైపునకు తిరుగుతాము.
ఖిబ్లా దిశను ఎంచుకునే విధానం
గత్యంతరం లేని స్థితిలో ఎలాగైతే తప్పనిసరి అంశాలు రద్దు అయిపోతాయో, అదే విధంగా ఈ అనివార్యత కూడా తొలగిపోతుంది. దీని గురించి అల్లాహ్ ఇలా సెలవిచ్చాడు: "కావున మీకు సాధ్యమైనంత వరకు అల్లాహ్ పట్ల భయభక్తులు కలిగి ఉండండి" (తగాబున్: 16).
నమాజు ఆమోదించబడటానికి ఇది ఒక షరతు. నమాజు సమయం ప్రవేశించకముందే దానిని నిర్వహించడం చెల్లదు. అలాగే, నమాజును దాని నిర్ణీత సమయం దాటిన తర్వాత ఆలస్యంగా చదవడం నిషిద్ధం. దీని గురించి అల్లాహ్ ఇలా సెలవిచ్చాడు: "నిశ్చయంగా నమాజు విశ్వాసులపై సమయపాలనతో కూడిన ఒక అనివార్య విధి" (నిసా: 103).
నమాజును దాని ప్రారంభ సమయంలోనే నిర్వహించడం ఉత్తమం. ఉమ్మె ఫర్వా(ర) వారు తెలిపిన కథనం ప్రకారం, "ఏ కార్యాలు అన్నింటికంటే ఉత్తమమైనవి?" అని దైవప్రవక్త ముహమ్మద్(స) వారిని అడగగా, వారు "ప్రారంభ సమయంలో నమాజును నిర్వహించడం" అని సెలవిచ్చారు (అబూ దావూద్: 426).
నమాజును దాని నిర్ణీత సమయములోనే నిర్వహించాలి. రెండు నమాజులను కలిపి చదివేందుకు అనుమతి ఉన్న ప్రత్యేక సందర్భాలలో తప్ప, నమాజును నిర్ణీత సమయం కంటే ఆలస్యం చేయడం నిషిద్ధం.
ఎవరైనా నమాజును మరిచిపోయినా లేదా నిద్రపోవడం వల్ల సమయం దాటిపోయినా, గుర్తుకు వచ్చిన వెంటనే దానిని నెరవేర్చడం అనివార్యం. అనస్ బిన్ మాలిక్(ర) వారు తెలిపిన కథనం ప్రకారం, దైవప్రవక్త ముహమ్మద్(స) వారు ఇలా సెలవిచ్చారు: "ఎవరైనా నమాజును మరిచిపోయినా లేదా నిద్రలో ఉండిపోవడం వల్ల సమయం మించిపోయినా, దానికి ప్రాయశ్చిత్తం ఏమిటంటే, అది గుర్తుకు వచ్చిన వెంటనే దానిని నిర్వహించడమే" (ముస్లిం: 684).
నమాజు అనివార్యత (విధి):
ఈ క్రింది సూచనలలో ఏ ఒక్కటి కనిపించినా, వారు యుక్తవయస్సుకు చేరుకున్నట్లుగా పరిగణించబడతారు:
అయిదుపూట్ల విధిగావించిన నమాజులు మరియు వాటి సమయాలు :
ఇది రెండు రకాతులు. దీని సమయం రెండవ ఫజ్ర్ (ఫజ్ర్-ఎ-సాదిక్) ఉదయించడంతో ప్రారంభమవుతుంది. అంటే తూర్పున ఆకాశపు అంచులలో వెలుతురు కనిపించడం ప్రారంభమైనప్పటి నుండి, సూర్యోదయం అయ్యేంత వరకు దీని సమయం ఉంటుంది.
ఇది నాలుగు రకాతులు. దీని సమయం సూర్యుడు నడి నెత్తి నుండి పడమర వైపునకు మళ్ళినప్పటి (జవాల్) నుండి ప్రారంభమై, ప్రతి వస్తువు యొక్క నీడ దాని పొడవుతో సమానమయ్యేంత వరకు ఉంటుంది.
ఇది నాలుగు రకాతులు. దీని సమయం జుహురు సమయం ముగిసినప్పటి నుండి, అంటే ప్రతి వస్తువు యొక్క నీడ దాని పొడవుతో సమానమైనప్పటి నుండి ప్రారంభమై, సూర్యాస్తమయం అయ్యేంత వరకు ఉంటుంది. అయితే సూర్యకిరణాలు బలహీనపడి, ఎండ పసుపు రంగులోకి మారకముందే ముస్లిము ఈ నమాజును త్వరగా నిర్వహించడం ఉత్తమం.
ఇది మూడు రకాతులు. దీని సమయం సూర్యాస్తమయం అయి, ఆకాశం అంచున సూర్య బింబం పూర్తిగా అదృశ్యమైనప్పటి నుండి ప్రారంభమై, సూర్యాస్తమయం తర్వాత కనిపించే ఎర్రని ఛాయ (షఫఖ్) మాయమయ్యేంత వరకు ఉంటుంది.
ఇది నాలుగు రకాతులు. దీని సమయం సూర్యాస్తమయం తర్వాత ఆకాశంలో కనిపించే ఎర్రని ఛాయ (షఫఖ్) అదృశ్యమైనప్పటి నుండి ప్రారంభమై, అర్ధరాత్రి వరకు ఉంటుంది. అయితే అనివార్య కారణాల వల్ల దీనిని ఫజ్ర్ ఉదయించే వరకు కూడా నిర్వహించవచ్చు.
