Rajista Shiga

Bakayi rajistan shiga ba

Kayi rajista yanzu a cikin dandalin Taa domin ka fara karatu da kuma bibiyan ci gabanka tare da tara maki domin samun damar shiga gasa bayan yin rajistan

Shiga

Rajista

Ɓangaren yanzu model

Darasi Rukunnan sallah da farillolinta, da ababen dake ɓata ta da ababen ƙi a cikinta

Ababen da darasin ya ƙunsa

Sallah tanada rukunnai da wajibai waɗanda bata tsayuwa sai dasu, kuma abunda ke ɓata ta yakan iya bijiro mata. A cikin wannan darasin zaka san rukunnan sallah da wajibanta, da ababen dake ɓata ta da ababen ƙi a cikinta.

manufofi

Sanin rukunnan sallah.
Sanin wajiban sallah.
Sanin ababen da suke ɓata sallah.
Sanin sujjadar rabkanwa.
Sanin ababen ƙi a cikin sallah.

Count Wani dalibiku kammala wannan darasin

An fassara wannan darasin da yaruka masu zuwa:

አማርኛ العربية বাংলা English Español Français हिन्दी Bahasa Indonesia ភាសាខ្មែរ 한국어 Luganda മലയാളം नेपाली Oromoo پښتو Português සිංහල Kiswahili தமிழ் తెలుగు Tagalog Uyƣurqə / ئۇيغۇرچە اردو Tiếng Việt 中文

Rukunnan sallah

Su ne manya-manyan ayyukan sallah waɗanda sallah take lalacewa da barinsu da gangan, kuma waɗanda dole ne a aikata su idan aka manta su, idan kuma ba haka ba to sallah ta ɓaci da hakan.

Rukunnan sallah

Kabbarar harama

Tsayuwa tare da iko

Karatun Fatiha

Ruku'u

Ɗagowa daga ruku'u da daidaituwa a tsaye ga mai iko

Sujjada

Zama tsakanin sujjada biyu

Tahiyyar ƙarshe da zama dominta

Natsuwa

١٠

Sallama

١١

Jera rukunnai

Ababen da suke wajibi a cikin sallah

Su ne ayyukan da suke wajibi a cikin sallah kuma waɗanda sallah take lalacewa da barinsu da gangan, kuma idan aka barsu a bisa mantuwa, mutum zai kammala sallarshi, sa'annan sai yayi sujjadar rabkanwa a ƙarshen sallarshi

Ababen da suke wajibi a cikin sallah

Dukkanin kabbarori banda kabbarar harama

Faɗin: (Subhana rabbiyal Azim) sau ɗaya a cikin ruku'u.

Faɗin: (Sami'allahu liman hamidahu) ga wanda yake sallah shi kaɗai ko kuma liman

Faɗin: (Rabbana wa lakal hamdu) ga kowa da kowa

Faɗin: (Subhana rabbiyal A'ala sau ɗaya a sujjada

Faɗin: (Rabbigfir li) sau daya a yayin zama tsakanin sujjada biyu

Tahiyyar farko da zama dominta

Waɗannan ababen da suke wajibi a cikin sallan, suna faɗuwa da mantuwa, kuma sujjadar rabkanwa tana gyara su

Sunnonin Sallah

Duk wani abunda ba rukunin sallah ko abunda yake wajibi a cikinta ba na daga zantuka da ayyukan da suka zo a cikin siffar sallah, to sunnah ce wacce take kammala sallah ya kamata a kiyaye ta, amma kuma sallah bata lalacewa da barinta.

Sujjadar Rabkanwa

Kuma su sujjada ne guda biyu waɗanda Allah Ya shar'anta su domin gyara tawayar da ake samu a cikin sallah.

Yaushe ne ake yin sujjadar rabkanwa?

Idan mai sallah ya ƙara ruku'u ko sujjada ko tsayuwa ko zama a cikin Sallah sakamakon mantuwa da kuskure, sai yayi sujjadar rabkanwa.

Idan ya rage wani abu daga cikin rukunnai, abunda yake kanshi shi ne ya kawo wannan rukunin da ya mantan sai yayi sujjadar rabkanwa a ƙarshen sallarshi.

Idan kuma ya bar wajibi daga cikin ababen da suke wajibi a cikin sallah kamar tahiyar farko a bisa mantuwa da rabkanwa, to lalle zaiyi sujjadar rabkanwa.

Idan yayi shakka cikin adadin raka'o'in da yayi, to lalle zai gina ne akan yaƙini, kuma shi ne mafi ƙarancin adadi sai yayi sujjadar rabkanwa.

Siffar sujjadar rabkanwa

Sujjadar rabkanwa tana da lokaci guda biyu, kuma ya halatta da mutum ya yisu a lokacin da yaga dama:

Gabanin sallama kuma bayan tahiyar ƙarshe zaiyi sujjada sa'annan yayi sallama

Bayan yayi sallama daga sallah sai yayi sujjadar rabkanwa guda biyu sa'annan sai ya sake yin sallama.

Ababen da suke ɓata sallah

Su ne Ababen da suke sanya sallah ta zamto lalatacciya, kuma wajibi ne a sake ta

Ababen da suke ɓata sallah

Barin wani rukuni ko wani sharaɗi da gangan tare da ikon aikata shi; ko a bisa mantuwa amma kuma sai mai sallah yaki kawo shi bayan an ankarar da shi.

Barin wajibi daga cikin ababen da suke wajibi a cikin sallah

Magana da gangan

Ƙelƙelewa da dariya

Yawan motsi akai-akai ba tare da wani dalili ba

Ababen da ba a so a aikata su a cikin sallah

Kuma su ne ababen da suke rage yawan ladan sallah kuma suke tafiyar da natsuwarta da haibarta

Juyawa a cikin sallah

Domin Annabi tsira da amincin Allah su tabbata a gare shi an tambaye shi game da juyawa a cikin sallah sai yace: "Tsargi ne wanda shaiɗan yake tsargan mutum a cikin sallah" (Bukhari: 751).

Wasa da hannu da kuma fuska da wasunsu

Sanya hannu akan cinya, da wasa da yatsu da kuma kakkarya su.

Shiga sallah alhalin zuciya ta shagaltu da barinta

Da bukatar yin bayan gida ko cin abinci yayin da aka kawo shi, kamar yadda Annabi tsira da amincin Allah su tabbata a gare shi yace: "Ba a sallah yayin da aka kawo abinci ko kuma ana ture fitsari ko kashi" (Muslim: 560)

Haƙiƙa ka kammala wannan darasin cikin nasara

Ka fara jarrabawa

Canza yare

Ka ci gaba da karatu

Recently viewed

Recent Members

Darrusa

Darrusa

Bakayi rajistan shiga ba

Ɓangaren yanzu model

Darasi Rukunnan sallah da farillolinta, da ababen dake ɓata ta da ababen ƙi a cikinta

Ababen da darasin ya ƙunsa

manufofi

An fassara wannan darasin da yaruka masu zuwa:

Rukunnan sallah

Rukunnan sallah

Ababen da suke wajibi a cikin sallah

Ababen da suke wajibi a cikin sallah

Sunnonin Sallah

Sujjadar Rabkanwa

Yaushe ne ake yin sujjadar rabkanwa?

Siffar sujjadar rabkanwa

Sujjadar rabkanwa tana da lokaci guda biyu, kuma ya halatta da mutum ya yisu a lokacin da yaga dama:

Ababen da suke ɓata sallah

Ababen da suke ɓata sallah

Ababen da ba a so a aikata su a cikin sallah

Juyawa a cikin sallah

Wasa da hannu da kuma fuska da wasunsu

Shiga sallah alhalin zuciya ta shagaltu da barinta

Haƙiƙa ka kammala wannan darasin cikin nasara