Ɓangaren yanzu model
Darasi Hunturu da tsarki
Ruwan sama ruwa ne tsarkakakke, domin lalle Allah Ta'ala Yace: (Kuma mun sauƙar da ruwa tsarkakakke daga sama) (Alfurkan: 48), hakama abin da ke maƙalewa a tufafin masallata da takalmansu na daga alamomin ruwa akan turɓaya ko gefen hanyoyi dukkaninsu masu tsarki ne.
Tsananta alwala a cikin sanyin hunturu:
Tsananta alwala - Da ruwa mai sanyi ko mai zafi- yana daga cikin ababen da ake kusantar Allah da su, Manzon Allah tsira da amincin Allah su tabbata a gare shi yace: Shin ba kwaso in nuna muku ababen da Allah Yake kankare kura-kurai da su kuma Ya ke ɗaga daraja?) Sai suka ce: muna so ya Manzon Allah, sai yace: (Tsananta Allah yayin ƙi, da yawan taku zuwa masallaci, da jiran sallah bayan sallah, wannan shi ne dako) (Muslim: 251), kuma tsananta alwala shi ne cika shi yadda ya kamata.
Daga cikin kuskuren da ake tabkawa shi ne sakaci wajen wanke gaɓoɓin Alwala domin gujewa sanyin ruwa alal misali, sai kaga wasu daga cikin mutane ba sa cika wanke fuskarsu ko kuma suna taƙaita da shafanta, ko ba sa kammala wanke ƙafa ko hannu, kuma babu shakka hakan ba ya halatta, abin da yake wajibi shi ne ya cika alwalanshi idan har yana da ikon hakan, idan kuma ba haka ba to ya ɗumama ruwan ko wani abu makamancin haka.
Ɗumama ruwa ya halalta domin alwala, kuma hakan baya rage lada, kamar yadda share gaɓoɓin alwala ya halatta bayan kammala alwalar, kuma lada ba zai ragu ba, idan barin hakan ya kasance zai iya cutar da shi ko zai hana shi cika alwala yadda ya kamata, to ya wajaba akanshi da kada ya bar aikata hakan.
Taimama shi ne mutum ya daki ƙasa da tafukan hannayenshi biyu, sai ya shafi fuskarshi da su, sa'annan sai ya shafi bayan tafinshi na dama da hagunshi, ya kuma shafi bayan tafinshi na hagu da damanshi.
Ana yin taimama ne yayin da aka rasa ruwa baki ɗaya, ko kuma yayin da ruwa yayi ƙaranci kuma ana da buƙatarshi kuma babu wani ruwa a kusa, ko kuma yayin da alwala da shi zai haifar da cutarwa mai tsanani; saboda tsananin sanyi ko rashin lafiya.
Shafa akan Huffi: Shi ne ya kasance mutum yana sanye da huffi (Sawu ciki na fata wanda yake rufe diga-digai) ko safa ko makamancinshi na daga ababen da suke rufe dukkanin diga-digai a bisa cikakken tsarki na daga babban kari da ƙaramin kari, to idan ya shafa kanshi da kunnuwanshi yayin alwalarshi, to baya wajaba akanshi da ya cire huffinshi domin ya wanke ƙafafunshi,, sai dai zaiyi shafa akansu ne daga samansu.
An shardantawa ingancin shafa akan huffi ko safa ababe masu zuwa:
Lissafin lokacin shafan yana farawa ne daga shafan farko bayan kari.
Lissafin lokacin shafan yana farawa ne daga shafan farko bayan kari.
Shafa akan huffi baya halatta ga wanda ya sanya su ba a bisa cikakken tsarki ba, hakama ga wanda lokacin shafarsu ya kare mishi, ko kuma wanda wanka ta kama shi -domin janaba ko makamancin shi- Abin da ya wajaba anan shi ne kwaɓe su da tsarkaka tare da wanke diga-digai.
