ప్రస్తుత విభాగం : model
పాఠం శీతాకాలం మరియు శుద్ధత
వర్షపు నీరు శుద్ధమైనది మరియు అది శుద్ధి చేసే గుణం కలిగినది, అల్లాహ్ ఇలా సెలవిచ్చాడు: (మరియు మేము ఆకాశం నుండి శుద్ధతను ప్రసాదించే నీటిని కురిపించాము) (అల్ ఫుర్ ఖాన్: 48). అలాగే నమాజు చేసే వారి దుస్తులకు మరియు వారి పాదరక్షలకు, మట్టిపై లేదా రోడ్ల (తారు రోడ్ల) పై ఉన్న నీటి వల్ల అంటుకునే మరకలు కూడా శుద్ధమైనవే.
శీతాకాలపు చలిలో వూదూను సంపూర్ణంగా చేయడం:
నీటి చలిని లేదా వేడిని లెక్కచేయకుండా వూదూను సంపూర్ణంగా చేయడం అనేది అల్లాహ్కు చేరువ చేసే పుణ్య కార్యాలలో ఒకటి. దైవప్రవక్త (స) వారు ఇలా సెలవిచ్చారు: (అల్లాహ్ దేని ద్వారా పాపాలను తుడిచివేసి, స్థాయిలను పెంచుతాడో అటువంటి కార్యాన్ని మీకు తెలపనా?) అని అడగగా, వారు: 'తప్పకుండా తెలపండి ఓ దైవప్రవక్త!' అని అన్నారు. అప్పుడు ఆయన (స) ఇలా సెలవిచ్చారు: (కష్టమైన పరిస్థితుల్లో కూడా వూదూను సంపూర్ణంగా చేయడం, మసీదుల వైపునకు ఎక్కువ అడుగులు వేయడం మరియు ఒక నమాజు తర్వాత మరొక నమాజు కోసం వేచి ఉండటం; ఇదే అసలైన రబాత్ (ధర్మ కార్యాల పట్ల అంకితభావంతో ఉండటం) (ముస్లిం: 251). వూదూను సంపూర్ణంగా చేయడం అనగా దానిని పరిపూర్ణంగా పూర్తి చేయడం.
నీటి చలి నుండి తప్పించుకోవడానికి అవయవాలను కడగడంలో నిర్లక్ష్యం వహించడం ఒక తప్పు. ఉదాహరణకు, కొందరు వ్యక్తులు ముఖాన్ని పూర్తిగా కడగరు లేదా కేవలం తుడుచుకొని వదిలేస్తారు, లేదా చేతులను, పాదాలను సంపూర్ణంగా కడగరు. ఇలా చేయడం అనుమతించబడదు. సామర్థ్యం ఉన్నవారు వూదూను పరిపూర్ణంగా పూర్తి చేయడం తప్పనిసరి, లేనిపక్షంలో నీటిని వేడి చేయడం వంటి మార్గాల ద్వారా సహాయం పొందాలి.
శీతాకాలంలో వూదూ కోసం నీటిని వేడి చేయడం అనుమతించబడినది, దీనివల్ల పుణ్యం (అజర్) ఏమాత్రం తగ్గదు. అలాగే వూదూ తర్వాత అవయవాలను తుడుచుకోవడం కూడా అనుమతించబడినదే, దీనివల్ల కూడా పుణ్యం తగ్గదు. ఒకవేళ అలా చేయకపోవడం వల్ల నష్టం వాటిల్లుతుందని అనిపించినా లేదా వూదూను సంపూర్ణంగా చేయడంలో లోపం జరుగుతుందని భావించినా, అటువంటప్పుడు నీటిని వేడి చేయడం లేదా అవయవాలను తుడుచుకోవడం వంటివి వదలకూడదు.
తయమ్ముమ్ అనగా ఒక వ్యక్తి తన రెండు చేతులతో నేల మీది మట్టిని తాకి, ఆపై వాటితో తన ముఖాన్ని తుడుచుకోవాలి, ఆ తర్వాత తన ఎడమ చేతితో కుడి అరచేతిని, మరియు కుడి చేతితో ఎడమ అరచేతిని తుడుచుకోవాలి. దీనిని పొడి శుద్ధత అని కూడా అంటారు.
నీరు పూర్తిగా లభించనప్పుడు, లేదా నీరు తక్కువగా ఉండి అవసరం ఎక్కువగా ఉన్నప్పుడు మరియు సమీపంలో నీరు అందుబాటులో లేనప్పుడు, లేదా చలి తీవ్రత వల్ల లేదా అనారోగ్యం వల్ల వూదూ చేయడం అత్యంత కష్టతరమైనప్పుడు తయమ్ముమ్ చేయడం ఇస్లామీయ నియమావళి (షరీఅత్) ప్రకారం అనుమతించబడినది.
సాక్సులపై మసహ్ చేయడం : పూర్తి శుద్ధి(తహారా)లో ఉండి, పాదాలను పూర్తి స్థాయిలో కప్పి ఉంచే మేజోళ్ళు(సాక్సులు) లేదా చర్మపు మేజోళ్ళ వంటివి ధరించినపుడు, తల మరియు చెవుల మసహ్ చేసుకున్న తరువాత సాక్సులను తీసి పాదాలు కడుగుకోవలసిన అవసరం లేదు, దానికి బదులుగా వాటి పైనే చేతితో మసహ్( పాదం పై ఒక సారి తడి చేతితో సరచడం) చేసుకుంటే సరిపోతుంది.
ఖుఫ్ఫైన్ (చర్మపు సాక్షులు) లేదా జౌరబైన్ (సాధారణ సాక్షులు) పై మసహ్ (తడి చేతులతో తుడవడం) చెల్లుబాటు కావడానికి క్రింది నిబంధనలు పాటించాలి:
మేజోళ్లపై మసహ్ చేసే కాలపరిమితి:
మేజోళ్లపై మసహ్ చేసే సమయం, వుదూ చేసుకున్న తర్వాత మీరు మొదటిసారి ఎప్పుడైతే మసహ్ చేస్తారో అప్పటి నుండే ప్రారంభమవుతుంది.
పరిపూర్ణమైన శుద్ధత (తహారా) లేకుండా చర్మపు సాక్సులు ధరించిన వారు వాటిపై మసహ్ చేయడం ధర్మసమ్మతం కాదు. అలాగే, మసహ్ చేయడానికి నిర్ణయించిన సమయ పరిమితి ముగిసిన వారు కూడా వాటిపై మసహ్ చేయకూడదు. ఎవరికైతే జనాబత్ (లైంగిక అశుద్ధత) లేదా ఇతర కారణాల వల్ల స్నానం (ఘుస్ల్) అనివార్యం అవుతుందో, వారు కూడా వాటిపై మసహ్ చేయకూడదు. అటువంటి సందర్భాలలో ఆ సాక్షులను తొలగించి, సంపూర్ణంగా వదూ చేసుకోవడం తప్పనిసరి.
