Ɓangaren yanzu model
Darasi Tafiye-tafiye da tsarki
A yayin tafiya ababe da yawa daga cikin ababen da mutum yake samu suna canzawa, hakama yadda yake samun ababe a kusa da shi. Daga Abu Huraira Allah Ya kara mishi yarda daga Annabi tsira da amincin Allah su tabbata a gare shi yace: (Tafiya wani yanki ne na azaba, zai hana ɗayanku abincinshi da abin shanshi da kuma baccinshi, saboda haka idan mutum ya gama buƙatanshi to ya koma zuwa ga iyalanshi), Bukhari: 1804,3001,5429), (Muslim: 1927). Saboda haka, ya kamata ga wanda yayi tafiya da ya san ababe da dama waɗanda suke da alaƙa da Tsarki da waninshi, daga cikin haka:
An haramta biyan buƙata a wurin da mutane suke zirga-zirga hakama zuba ƙazanta a wurin, na daga inuwa ko bishiya, ko wani wurin da aka gyare shi domin zama da makamancin haka.
Kuma malamai sun bayyana cewa idan mutum ya so biyan buƙatanshi a sahara ko wani wuri makamancinshi, An so ya samu wuri mai laushi; domin kada fitsari ya lalata wurin kuma domin kada fitsarin ya feshe shi, saboda haka ya nisanci bushashshiyar kasa, hakama hanyan da iska take busowa.
2. Suturtuwa yayin biyan buƙatar
Ya wajaba mutum ya suturtu yayin biyan buƙata, ko da wani shamaki ko ta hanyan nisantar mutane, Domin hadisin Mugirata Ɗan Shu'ubah yace: Na kasance tare da Annabi tsira da amincin Allah su tabbata a gare shi a cikin wata tafiya sai yace: (Ya Mugirata! ki riƙe wannan gorar) sai na karɓe ta, sai Manzon Allah tsira da amincin Allah su tabbata a gare shi ya tafi har sai da yayi nisa daga gani na sai ya biya buƙatarshi (Bukhari: 363, Muslim 274).. A cikin wani hadisi kuma: "Kuma ya kasance idan zai biya buƙatanshi sai yayi nesa da mutane" (Musnad Al; Imam Ahmad: 15660).
Kuma a cikin hadisin Abdullahi Ɗan Ja'afar yana ambatan Annabi tsira da amincin Allah su tabbata a gare shi: "Kuma mafi soyuwan abin da Annabi tsira da amincin Allah su tabbata a gare shi yake suturta da shi domin biyan buƙatanshi shi ne wuri mai tudu ko tarin ganyen dabino" (Muslim: 342). Kuma ya zo a cikin wani hadisi "Ya kasance idan ya buƙaci biyan buƙata baya ɗaga tufafinshi har sai yayi kusa da ƙasa" (Abu Dawood: 14), domin abin da ke cikin haka na suturtuwa.
Taimama wani nau'i ne na tsarkaka domin gudanar da sallah yayin rashin samun ruwa, ko rashin ikon amfani da shi, kuma siffarta shi ne kaman haka: Mutum zai daki Ƙasa da hannayenshi biyu sai ya shafi fuskarshi da su, sa'annan sai ya shafi bayan tafin hannunshi na dama da hagunshi, ya kuma shafi bayan tafin hannunshi na hagu da damanshi.
Mutum yana buƙatuwa zuwa taimama a yayin tafiya fiye da lokackin da yake zaune, domin yawaitan ababen da zasu ba shi damar taimaman daga cikinsu, kaman rashin ruwa baki ɗaya, ko ƙarancinshi tare da buƙatuwa zuwa gare shi na sha ko makamancin haka.
Ko don samun wahala mai tsanani yayin alwala da ruwa; Domin tsananin sanyi ko rashin lafiya, kuma wannan yana faruwa da yawa yayin tafiya, abun nufi da sanyi mai tsanani shi ne sanyin da zai wahalar da mutum ko ya saka shi rashin lafiya, amma kuma sanyin da aka saba da shi baya daga cikin sababin taimama.
Hakanan kuma an shar'anta taimama yayin da babu ruwa a kusa wanda za a iya kawo shi, ko a ɗumama shi idan ya kasance mai sanyi.
Shafa akan Huffi: Shi ne mutum ya kasance yana sanye da huffi (sawu ciki na fata wanda yake rufe diga-digai) ko safa ko wani abu makamancinsu na daga ababen da suke rufe dukkanin diga-digai a bisa cikakken tsarki na daga babban kari da ƙaramin kari, to idan yayi alwala ya shafa kanshi, to baya wajaba akanshi da ya cire huffinshi domin ya wanke ƙafafunshi sai dai zai shafa kansu ne daga samansu.
An sharɗantawa ingancin shafa akan huffi da su kasance masu tsarki ne, kuma su suturta dukkanin diga-digai, kuma mutum ya kasance ya yayi cikakkiyar alwalar da ya wanke kafafunshi, kuma zai yi shafa akansu ne idan ya kasance bai tuɓe su ba na tsawon yini da dare idan ya kasance mazauni ne, da kuma yini uku da darensu idan ya kasance matafiyi ne.
Kuma zai iya tuɓe huffin idan ya so alwala bayan wucewan lokacin shafan, ko kuma idan wanka ya kama shi -Na janaba ko makamancinshi-, ko kuma idan ya sanya su ba akan cikakken tsarki ba, sai ya tsarkaka cikakken tsarki tare sa wanke ƙafafunshi.
