Rajista Shiga

Bakayi rajistan shiga ba

Kayi rajista yanzu a cikin dandalin Taa domin ka fara karatu da kuma bibiyan ci gabanka tare da tara maki domin samun damar shiga gasa bayan yin rajistan

Shiga

Rajista

Ɓangaren yanzu model

Darasi Shirka

Ababen da darasin ya ƙunsa

Shirka ita ce kishiyar imani da kasancewar Allah Shi kaɗai ne abun bauta, kuma shi ne mafi girman zunubi. A cikin wannan darasin zaka san ma'anan shirka, da hatsarinta da kuma nau'ukanta.

manufofi

Sanin abun nufi da shirka
Sanin haɗarin shirka
Sanin nau'ukan shirka

Count Wani dalibiku kammala wannan darasin

An fassara wannan darasin da yaruka masu zuwa:

አማርኛ العربية বাংলা English Español Français हिन्दी Bahasa Indonesia ភាសាខ្មែរ 한국어 Luganda മലയാളം नेपाली Oromoo پښتو Português සිංහල Kiswahili தமிழ் తెలుగు Tagalog Uyƣurqə / ئۇيغۇرچە اردو Tiếng Việt 中文

Ma'anar Shirka

Shirka ita ce sanyawa Allah kishiriya a cikin rububiyyarShi ko uluhiyyarShi, ko cikin sunayenShi da siffofinShi.

Misalai akan shirka

Shirka cikin rububiyyah: Kaman wanda zaiyi iƙirarin cewa akwai wani wanda ya halicci duniya koma bayan Allah ko kuma akwai wani wanda yake gudanar da kauni tare da Allah Ta'ala.

Shirka cikin uluhiyyah: Kamar wanda zai bauta wa wanin Allah ko kuma yana ƙiranshi.

Shirka cikin sunayen Allah da siffofinShi: Kaman wanda zai siffanta Allah da wani daga cikin halittarshi.

Haɗarin Dake Cikin Shirka

Shirka yana warware imani da cewa lalle Allah Shi kaɗai ne ya cancanci bauta, idan imani da kasancewar Allah Shi kaɗai ne abun bauta, da kaɗaita Shi da ibadah shi ne mafi girman abunda yake wajibi akan mumini, toh lalle shirka kuma shi ne mafi girman zunubi a gurin Allah Ta'ala, domin shi ne kaɗai zunubin da Allah baya yafe shi sai dai da tuba, kaman yadda Allah Ta'ala Yace:(Lalle Allah Ba ya gafartawa idan akayi shirka da Shi, amma Yana gafarta abunda bai kai wannan ba ga wanda Yake so) (Annisa: 48). Kuma yayin da aka tambayi Manzon Allah tsira da amincin Allah su tabbata a gare shi cewa wana zunubi ne yafi girma a wurin Allah? sai yace: "Ka sanyawa Allah kishiya alhalin Shi Ya halicce ka" [Bukhari: 4477, Muslim: 86].

Shirka tana ɓata ayyuka kuma tana lalata ta kamar yadda Allah Ta'ala Yace: (Da ace sunyi Shirka, da duk abunda suka kasance suna aikata ya rushe a garesu) (Al-An'am: 88).

Shirka tana tabbatar da ma'abocinta a cikin wutan jahannama, Allah Madaukaki Yace: (Lalle duk wanda Yayi shirka ga Allah, to haƙiƙa Allah Ya haramta mishi Aljannah kuma makomarshi ita ce wuta) (Al-Ma'idah: 72).

Nau'ukan shirka

Babban Shirka

Ƙaramin Shirka

1- Babban Shirka

Shi ne bawa ya fiskantar da wani nau'i na ibadah zuwa ga wanin Allah Ta'ala, duk wani zance ko wani aiki na daga ibadah daga cikin ababen da Allah Madaukaki Yakeso, idan aka gudanar da su ga wanin Allah to hakan Shirka ne da kafurci. Misalin Babban shirka Shi ne mutum ya roƙi wanin Allah, ko yayi addu'a zuwa gare shi da neman waraka daga wata cuta, ko ya yalwata mishi arzikinshi, hakama idan mutum ya dogara akan wanin Allah, ko yayi sallah ga wanin Allah, ko yayi yanka ga wanin Allah.

Allah Maɗaukaki Yace: {Kuma Ubangijinku Yace Ku roƙe Ni Zan amsa muku} (Gafir: 60).

Allah Maɗaukaki Yace: {Kuma akan Allah ne zaku dogara idan har kun kasance muminai} (Ma'idah: 23).

Allah Maɗaukaki Yace: {Kayi Sallah domin Ubangijinka kuma kayi yanka (domin Shi)} (Alkausar: 2).

Saboda haka fiskantar da waɗannan ayyukan da wasunsu zuwa ga wanin Allah shirka ne da kuma kafurci, domin waraka, da arziki sun keɓanta ne ga ubangiji, kuma dogaro da sallah da kuma yanka suna daga cikin tauhidin uluhiyyah.

2- Ƙaramin Shirka

Shi ne duk wani aiki ko zance wanda zai iya kaiwa zuwa ga babban shirka, ko kuma duk wata hanyar shiga zuwa ga babban shirka.

Misalai akan ƙaramin shirka

Riya: Kamar mutum ya tsawaita sallah a wani lokaci domin mutane su ganshi, ko ya ɗaga sautinshi da karatu ko ambaton Allah domin mutane su saurare shi su yaba mishi, Manzon Allah tsira da amincin Allah su tabbata a gare shi yace: "Lalle mafi girman abunda nake ji muku tsoro shi ne ƙaramar shirka" sai sukace menene ƙaramar shirka ya Manzon Allah? Sai yace: "Riya" (Ahmad: 23630).

Ayyukan da aka hanasu domin sun saɓawa kamalar tauhidi: Kaman wanda zai dinga rantsuwa da wanin Allah, sai yace alal misali: (Na rantse da rayuwarka), ko kuma (Na rantse da Annabi), kuma haƙiƙa Manzon Allah tsira da amincin Allah su tabbata a gare shi ya tsoratar daga wannan, sai yace: (Duk wanda ya rantse da wanin Allah toh haƙiƙa yayi shirka ko yayi kafurci) (Attirmizi: 1535).

Shin ana la'akarin tambayan mutane da neman biyan buƙata daga gare su shirka?

Haƙiƙa Musulunci yazo ne domin ƴanta ƙwaƙwalwan mutum daga surkulle, da tsubbu, da camfi, da kuma ƴanta rayuka daga ƙasƙantar da kai a gaban wanin Allah. Saboda haka baya halatta a roƙi mamaci ko kuma wani abunda ba shi da rai ko a ƙasƙantar da kai a gabanshi tare da neman taimako, kuma hakan yana daga cikin surkulle da shirka. Amma kuma tambayan mai rai wanda yake nan wani abunda yake da iko akanshi, kaman neman taimakon wani don ya tsiratar da kai daga cikin kogi kada ruwa ya tafi da kai, ko kuma ya nema daga gare shi ya mishi addu'a ga Allah, to babu shakka wannan ya halatta.

Roƙo ko neman biyan buƙata daga abunda baya motsi ko Mamaci

Roƙo ko neman biyan buƙata daga abunda baya motsi ko Mamaci shirka ne wanda ya saɓawa hankali da musulunci da kuma imani; Saboda mamaci da abunda ba ya motsi ba za su iya jin wannan buƙatar ko biyanshi ba, kuma domin lalle shi addu'a akaran kanshi ma ibadah ne kuma gudanar da shi ga wanin Allah shirka ne, kuma hakan ya kasance daga shirkan da larabawa suka kasance suna aikatawa yayin da aka aiko Annabi.

Haƙiƙa ka kammala wannan darasin cikin nasara

Ka fara jarrabawa

Canza yare

Ka ci gaba da karatu

Recently viewed

Recent Members

Darrusa