ផ្នែកបច្ចុប្បន្ន model:
មេរៀន ឧត្តមភាពនៃគម្ពីរគួរអាន
សម្រាប់គម្ពីរអាល់គួរអានដ៏មហាឧត្តុង្គឧត្តម គឺមានឧត្តមភាព និងភាពវិសេសវិសាលជាច្រើន។ ក្នុងចំណោមនោះមានដូចជា៖
អំពី អូស្មាន ពិន អាហ្វាន រទអ បាននិយាយថា៖ រ៉ស៊ូលុលឡោះﷺ លោកបានមានប្រសាសន៍ថា៖ “អ្នកដែលល្អបំផុតនៃពួកអ្នក គឺអ្នកដែលបានរៀនគម្ពីរគួរអាន និងបង្រៀនវា”។ (ពូខរី៖៥០២៧)
អំពី អាណាស ពិន ម៉ាលិក រទអ អំពីព្យាការី ﷺ លោកបានមានប្រសាសន៍ថា៖ “ជាការពិតណាស់សម្រាប់អល់ឡោះជាម្ចាស់ ទ្រង់មានបណ្តាក្រុមជាច្រើនក្នុងចំណោមមនុស្សលោក”។ ពួកគេបានសួរថា៖ ឱរ៉ស៊ូលុលឡោះ! តើពួកគេជានរណា? លោកបានឆ្លើយថា៖ “ពួកគេ គឺជាក្រុមអាល់គួរអាន ជាក្រុមរបស់អល់ឡោះ និងជាក្រុមពិសេសសម្រាប់តែទ្រង់”។ (អ៊ិពនូម៉ាហ្ជះ៖២១៥)
អំពី អ៊ិពនូម៉ាស្អ៊ូទ រទអ បាននិយាយថា៖ រ៉ស៊ូលុលឡោះ ﷺ លោកបានមានប្រសាសន៍ថា៖ “បុគ្គលណាសូត្រមួយតួអក្សរណាមួយនៃគម្ពីរគួរអាន គេនឹងទទួលបានផលបុណ្យមួយ ហើយផលបុណ្យមួយនេះ នឹងក្លាយទៅដប់។ ខ្ញុំមិនសំដៅថា “អាលីហ្វ ឡាម មីម” ជាតួអក្សរតែមួយនោះទេ ផ្ទុយទៅវិញ “អាលីហ្វ“ គឺជាតួអក្សរមួយ “ឡាម” គឺជាតួអក្សរមួយ និង“មីម” គឺជាតួអក្សរមួយ”។ (តៀរមីហ្ស៊ី៖២៩១០)
៤. បណ្តាម៉ាឡាអ៊ីកាត់ ភាពនឹងនរ និងក្តីមេត្តាករុណាចុះទៅលើកន្លែងដែលជួបជុំសូត្រគម្ពីរគួរអាន និងបង្រៀនវាដល់អ្នកដទៃ
អំពី អាពូហ៊ូរ៉យរ៉ោះ រទអ ពិតណាស់ រ៉ស៊ូលុលឡោះ ﷺ លោកបានមានប្រសាសន៍ថា៖ “គ្រប់ក្រុមនីមួយៗដែលប្រមូលផ្ដុំគ្នានៅក្នុងគេហដ្ឋានណាមួយក្នុងចំណោមគេហដ្ឋានរបស់អល់ឡោះ(ម៉ាស្ជិត)ដើម្បីសូត្រគម្ពីររបស់អល់ឡោះ និងបង្រៀនគ្នាទៅវិញទៅមកនោះ ភាពនឹងនរនឹងធ្លាក់មកលើពួកគេ ក្ដីករុណា(របស់អល់ឡោះ)នឹងគ្របដណ្ដប់លើពួកគេ ម៉ាឡាអ៊ីកាត់នឹងព័ទ្ធជុំវិញពួកគេ ហើយអល់ឡោះរំលឹកពីពួកគេនៅក្នុងចំណោមអ្នកដែលនៅនឹងទ្រង់”។ (មូស្លីម៖២៦៩៩)
៥. គម្ពីរគួរអាននឹងជួយអន្តរាគមន៍ដល់ក្រុមរបស់វា
អំពី អាពូអ៊ូម៉ាម៉ះ អាល់ហ្ពាហ៊ីលី បាននិយាយថា៖ ខ្ញុំបានឮរ៉ស៊ូលុលឡោះ ﷺ លោកបានមានប្រសាសន៍ថា៖ “ចូរពួកអ្នកសូត្រគម្ពីរគួរអាន ព្រោះវានឹងមកជួយអន្ដរាគមន៍ដល់ក្រុមរបស់វានៅថ្ងៃបរលោក”។ (មូស្លីម៖៨០៤)
អំពី អាអ៊ីស្ហះ រទអ ពិតណាស់គាត់បាននិយាយថា៖ រ៉ស៊ូលុលឡោះ ﷺ លោកបានមានប្រសាសន៍ថា៖ “អ្នកដែលសូត្រគម្ពីរគួរអាន ហើយស្ទាត់ជំនាញ គេនឹងមានឋានៈស្មើនឹងម៉ាឡាអ៊ីកាត់ដែលមានកិត្ដិយសថ្លៃថ្នូរ អនុវត្ដតាមបទបញ្ជា។ ចំណែកអ្នកសូត្រគម្ពីរគួរអាន ហើយមានភាពរអាក់រអួល និងមានការលំបាកនោះ គេនឹងទទួលបានផលបុណ្យពីរ”។ (មូស្លីម៖៧៩៨)
៧. គម្ពីរគួរអាននឹងលើកឋានៈក្រុមរបស់វា
អំពី អ៊ូមើរ ពិន អាល់ខត្ដប រទអ ពិតណាស់ រ៉ស៊ូលុលឡោះ ﷺ លោកបានមានប្រសាសន៍ថា៖ “ពិតណាស់អល់ឡោះជាម្ចាស់ទ្រង់លើកឋានៈរបស់ក្រុមជាច្រើនតាមរយៈគម្ពីរគួរអាន ហើយទ្រង់ក៏ទម្លាក់ឋានៈរបស់ក្រុមជាច្រើនទៀតតាមរយៈវាដែរ”។ (មូស្លីម៖៨១៧)
អំពី អាប់ទុលឡោះ ពិន អាំរូ ពិន អាល់អាស្ហ រទអ បាននិយាយថា៖ រ៉ស៊ូលុលឡោះ ﷺ លោកបានមានប្រសាសន៍ថា៖ “(នៅថ្ងៃបរលោក)គេបាននិយាយទៅក្រុមអាល់គួរអានថា៖ ចូរអ្នកសូត្រ និងបង្កើនឋានៈ។ ចូរអ្នកសូត្រវាដូចដែលអ្នកបានសូត្រវានៅក្នុងលោកិយ ព្រោះឋានៈចុងក្រោយរបស់អ្នក គឺស្ថិតនៅលើវាក្យខណ្ឌ(អាយ៉ាត់)ចុងក្រោយដែលអ្នកសូត្រវា”។ (អាពូហ្ទាវូទ៖១៤៦៤)
៩. ក្រុមអាល់គួរអាននឹងទទួលបាននូវការបំពាក់គ្រឿងអលង្ការ និងម្កុដកិត្តិយសនាថ្ងៃបរលោក
អំពី អាពូហ៊ូរ៉យរ៉ោះ រទអ ពិតណាស់ រ៉ស៊ូលុលឡោះ ﷺ លោកបានមានប្រសាសន៍ថា៖ “នៅថ្ងៃបរលោក គេបាននាំគម្ពីរគួរអានមក ហើយវាបាននិយាយថា៖ ឱព្រះជាម្ចាស់! សូមទ្រង់មេត្តាបំពាក់(គ្រឿងអលង្ការ)ដល់គាត់(ក្រុមអាល់គួរអាន)។ ពេលនោះ គេក៏បំពាក់ជូនគាត់នូវម្កុដកិត្តិយស។ បន្ទាប់មក វាបាននិយាយថា៖ ឱព្រះជាម្ចាស់! សូមទ្រង់មេត្តាបន្ថែមជូនគាត់ផង។ ពេលនោះ គេក៏បំពាក់ជូនគាត់នូវគ្រឿងអលង្ការកិត្តិយស។ បន្ទាប់មក វាបាននិយាយទៀតថា៖ ឱព្រះជាម្ចាស់! សូមទ្រង់មេត្តាយល់ព្រមពេញចិត្តចំពោះគាត់ផង។ ពេលនោះ ទ្រង់ក៏យល់ព្រម ពេញចិត្តចំពោះគាត់។ ក្រោយមក មានគេនិយាយទៅកាន់គាត់(ក្រុមអាល់គួរអាន)ថា៖ ចូរអ្នកសូត្រ និងបង្កើនឋានៈ ហើយគេនឹងបន្ថែមរាល់ៗអាយ៉ាត់(វាក្យខណ្ឌដែលគាត់បានសូត្រ)នូវផលបុណ្យមួយ”។ (តៀរមីហ្ស៊ី៖២៩១៥)
១០. ឪពុកម្តាយរបស់ក្រុមអាល់គួរអាននឹងត្រូវបានអល់ឡោះផ្តល់កិត្តិយសយ៉ាងខ្ពង់ខ្ពស់
អំពី សះល៍ ពិន មូអាស្ស អំពីឪពុករបស់គាត់ រទអ ពិតណាស់ រ៉ស៊ូលុលឡោះ ﷺ លោកបានមានប្រសាសន៍ថា៖ “បុគ្គលណាដែលសូត្រគម្ពីរគួរអាន ព្រមទាំងអនុវត្តតាមអ្វីដែលមាននៅក្នុងវានោះ នៅថ្ងៃបរលោក គេនឹងបំពាក់ម្កុដជូនដល់ឪពុកម្តាយរបស់បុគ្គលនោះ ដែលពន្លឺរបស់វា គឺល្អជាងពន្លឺព្រះអាទិត្យនៅក្នុងផ្ទះទាំងឡាយក្នុងលោកិយទៅទៀតប្រសិនបើវានៅជាមួយពួកអ្នក”។ (អាពូហ្ទាវូទ៖១៤៥៣)
១១. ការទន្ទេញអាល់គួរអាន និងរៀនអំពីវា គឺល្អជាងលោកិយ និងអ្វីដែលមាននៅក្នុងវាទៅទៀត
អំពី អ៊ុកហ្ពះ ពិន អាមៀរ រទអ បាននិយាយថា៖ រ៉ស៊ូលុលឡោះ ﷺ លោកបានចេញទៅក្រៅ ចំណែកពួកយើងនៅក្នុងបន្ទប់តូចមួយឈោ្មះថា“សុហ្វហ្វះ”។ ពេលនោះ លោកបានមានប្រសាសន៍ថា៖ “តើនរណាម្នាក់ក្នុងចំណោមពួកអ្នកទាំងអស់គ្នាពេញចិត្តនឹងចេញទៅកាន់ពុតហាន(ឈ្មោះទីកន្លែង) ឬទៅកាន់អាគីក(ឈ្មោះទីកន្លែង)ដែលជារៀងរាល់ថ្ងៃ គេនាំមកវិញនូវសត្វអូដ្ឋធាត់ៗចំនួនពីរក្បាល ទាំងដែលជននោះគ្មានទោសកំហុស ឬក៏ផ្តាច់សាច់សាលោហិតនឹងគ្នានោះដែរ”? ពេលនោះ ពួកគេបានឆ្លើយថា៖ ឱរ៉ស៊ូលុលឡោះ! ពួកយើងចង់បានដូចនោះ។ លោកក៏បានមានប្រសាសន៍ថា៖ “បើដូចនេះ ហេតុអ្វីបានជាម្នាក់ៗនៃពួកអ្នកមិននាំគ្នាទៅម៉ាស្ជិត ហើយសិក្សារៀនសូត្រ ឬក៏សូត្រពីរអាយ៉ាត់នៃគម្ពីររបស់អល់ឡោះជាម្ចាស់(គម្ពីរអាន)ដែលវាប្រសើរសម្រាប់គេជាងសត្វអូដ្ឋពីរក្បាលទៅទៀត។ ហើយបីអាយ៉ាត់នៃគម្ពីរគួរអាន គឺប្រសើរសម្រាប់គេជាងសត្វអូដ្ឋបីក្បាលទៅទៀត។ ហើយបួនអាយ៉ាត់នៃគម្ពីរគួរអាន គឺប្រសើរសម្រាប់គេជាងសត្វអូដ្ឋបួនក្បាលទៅទៀត។ ហើយចំនួនអាយ៉ាត់នៃគម្ពីរគួរអាន គឺប្រសើរសម្រាប់គេជាងចំនួនសត្វអូដ្ឋជានិច្ច”។ (មូស្លីម៖៨០៣)
