Tewayingidde

Wewaandiise kati ku mukutu gwa Taa otandike okuyiga, ogoberere enkulaakulana yo, okunngaanye obubonero era oyingire empaka, oluvannyuma lw'okwewandiisa, ojja kufuna satifikeeti ey'omutimbagano ku miramwa gy'osomye

Omusomo Okunaaza omufu n'okumuzinga mu ssanda

Amateeka g’obusiraamu gaagulumiza omusiraamu oluvanyuma lw'okufa kwe nga bwegaamugulumiza mu bulamu bwe. Mu musomo guno ogenda kumanya agamu ku mateeka agakwaata ku kunaaza omufu n'okumuzinga mu ssanda.

Okumanya ebikkirizibwa okukola ku musiraamu ng'amaze okufa.
Okumanya engeri omusiraamu gyanazibwaamu.
Okumanya agamu ku mateeka agafuga okuzinga omufu mu ngoye.

count: Omuyizi omulala yamaliriza omusomo guno

Enzivuunula z'omusomo guno ziri mu nnimi zino wammanga:

አማርኛ العربية বাংলা English Español Français هَوُسَ हिन्दी Bahasa Indonesia ភាសាខ្មែរ 한국어 മലയാളം नेपाली Oromoo پښتو Português සිංහල Kiswahili தமிழ் తెలుగు Tagalog Uyƣurqə / ئۇيغۇرچە اردو Tiếng Việt 中文

Ebikubirizibwa okukola ng'omuntu afudde

Bwekikakasibwa nti omuntu afudde, ng'omwooyo gwe gwawukanye ku mubiri gwe , kikubirizibwa okukola ensonga ezimu

1. Okuzza amaaso ge mpola nga kino kikolebwa kumuwa kitiibwa

Nabbi okusaasira ebyengera n’emirembe bibeere ku yye bweyayingira ewaali omulambo gwa swahaba ayitibwa Abu Salama ng'amaaso ge geebikudde yagazza n'agamba: "bwemubeera ku bafu bammwe muzze amaaso gaabwe" (ibun maaja 1455).

2. Okugumiikiriza n'okweefuga

N'obutasitula maloboozi mu kukuba emiwoobe n'emiranga, n'okugumya abafiirwa , era nabbi ebyengera n’emirembe bibeere ku yye yalagira omu ku bawala be bweyali afiiriddwa omwaana we okugumiikiriza n'okusuubira empeera okuva eri Allah. (Bukhari:1284, ne muslim:923)

3. Okumusabirako Allah amusaasire era amusonyiwe, n'abantu be abawe obugumiikiriza n'okubagumya.

Nga nabbi ebyengera n’emirembe bibeere ku yye bweyakola nga swahaba we abu salama afudde, yagamba nti: "mazima omwooyo bweguba gutwaalibwa amaaso gagugoberera" oluvanyuma n'agamba nti: "Allah nsaba osonyiwe abu salama, era omusitule amadaala mwaabo bewalungamya, era obeere omusigire we mu bantu be baalese, era otusonyiwe ffe naye owange gwe omulezi w'ebitonde, omugaziyirize ne mu ntaana ye omuteeeyo n'ekitangaala" (muslim:920)

4. Okwanguya okuteekateeka omufu, okumunaaza, okumusaalira era n'okumuziika.

Nabbi ebyengera n’emirembe bibeere ku yye yagamba: "mwanguye okuteekateeka omufu, bwaba nga mulongoofu muba mumutwaala mu birungi, ate bwaaba nga ssi mulongoofu, kiba kibi kyemujja ku bibegaabega byammwe" (bukhari:1315, muslim:944)

5. Okuyamba ku bafiirwa

Okubayambako nga tubakolera ku bizito byebandikoze, era nabbi ebyengera n’emirembe bibeere ku yye yalagira okufumbira abantu b'amutabani wa kitaawe omuto jafari mutabani wa abi twaalib bweyali attiddwa Allah yasiima ku yye, nabbi muhammad n'agamba: "mukolere abantu ba jafari emmere mazima bbo bajjiddwa ensonga ebatawanya" (abu dawuda:3132, tirmidhi:998 era yagamba ntuufu, ne ibun maaja:1610).

Okunaaza omufu

Kikakata okunaaza omufu nga tannazingibwa mu ngoye yadde okuziikibwa, era anaazibwa omu ku bantu be, oba ab'enganda be, oba omusiraamu omulala, nabbi muhammad ebyengera n'emirembe bibeere ku yye bweyafa yanaazibwa wadde nga yye yali mutukuvu eyatukuzibwa.

Engeri y'okunaaza omufu:

Kimala mu kunaaza omufu okubunya omubiri gwe gwonna amazzi, n'agyiibwaako ebikyaafu (nagisi) singa ebaako, naye nga obweereere bwe buba bubikkidwa mu kaseera k'okumunaaza, era kikubirizibwa okussa essira ku nsonga zino wammanga:

1. Okubikka obweereere okuva ku kkundi okutuuka ku maviivi, oluvanyuma kw'okumujjamu engoye ezisigadde.

2. Agenda okunaaza okuteeka gilaavuzi oba akagoye ku kibatu kye, ng'anaaza obweereere bw'omufu.

3. Okutandikira ku kujja obukyaafu ne nnagisi eba eri ku mufu.

4. Oluvanyuma anaaza ebitundu bye ebya wuzu mu nsengeka emanyiddwa.

5. Oluvanyuma anaaza omutwe gwe n'omubiri gwe gwonna, era kikubirizibwa okumunaazisa ssidiri (bikoola biva ku muti ogumu), oba sabbuuni, oluvanyuma amuyiwako amazzi.

6. Kikubirizibwa okumunaaza ng'atandikira ku ludda lwe olwa ddyo, oluvanyuma n'adda ku lwa kkono.

7. Kikubirizibwa okumunaaza emirundi esatu oba okusingawo singa kiba kyeetagisizza.

Nga nabbi ebyengera n’emirembe bibeere ku yye bweyagamba abakyaala abaali banaaza muwala we zainab Allah asiime ku yye: "mumunaaze emirundi esatu oba etaano oba okuisingawo singa muba mulabye nga kyeetagisa" (bukhari: 1253, ne muslim:939).

8. Tusobola okuteeka akagoye oba ppamba oba ebifaananako bweebityo

Mu bwereere bwe obw'emmaaso n'obweemabega, mumatu , mu nyindo ne mu kamwa, muleme butafulumamu kintu kyonna kikyaafu oba omusaayi.

9. Kikubirizibwa okukuba omufu akawoowo.

Mu kiseera ky'okumunaaza n'oluvanyuma lwaakyo, era nabbi ebyengera n’emirembe bibeere ku yye yalagira abaali banaaza muwala we zainab okuteeka mu mazzi g'olunaaza okusembayo kaafuur (kyaali kika kya kawoowo). (Hadith eri mu kitabo kya bukhari:1253, ne muslim:939)

Ani anaaza omufu?

Omufu singa alaamira omuntu yenna okumuziika ekiraamo kye kiba kiyina okuteekebwa mu nkola.

Abawala n'abalenzi abali wansi w'emyaaka omusanvu, abo omusajja oba omukyaala bonna basobola okubanaaza, yadde ng'ekisinga obulungi omulenzi kunaazibwa basajja, n'omuwala kunaazibwa bakyaala.

Omufu bwaaba asukka emyaaka omusanvu, olwo omusajja anaaza musajja n'omukyaala anaaza mukyaala.

Naye abafumbo buli omu akkirizibwa okunaaza munne, omukyaala ku bbaawe na beeekityo omwaami ku mukyaala we, era swahaba Ali bun abi twaalibi yanaaza mukyaala we fatuma Allah asiime ku yye

Aisha mukyaala wa nabbi yagamba: "singa nnamanya oluberyeberye tewali yandinaazizza nabii okujjaako bakyaala be" (abu dawuda:3141, ibun maaja:1465)

Okuzinga omufu (mu ssanda)

Okuzinga omufu mweebyo ebimubikka ky'ekimu ku bivunanyizibwa by'omufu eri abantu be wamu n'abasiraamu, era nga kyo kyatteeka eky'okumalira (abamu bwebakikola bamalira abalala) nga nabbi ebyengera n’emirembe bibeere ku yye bweyagamba: "mwambale mu byambalo byammwe ebyeeru, kubanga zzo z'engoye zammwe ezisinga obulungi, era muziziikemu abafu bammwe" (abu dawuda:3878).

Era sente z'okuzingamu omufu ziggibwa mu mmaali ye gyaalese singa ebaawo, bwaaba teyalese mmaali olwo ababadde bakakatwaako okumulabirira mu bulamu bwe nga taata, jajja, omutabani n'abazzukulu bebaba balina okugula essanda mw'anaziikibwa, bwekiba nakyo tekisobose olwo kiba kikakata ku basiraamu abalina kukasente.

Eky'etteeka mu kuzinga omufu lwe lugoye olutukula olubikka omubiri gw'omufu omwaami oba omukyaala.

Kikubirizibwa mu kuzinga omufu

Omwaami okuzingibwa mu ngoye ssatu enjeru, nga nabbi muhammad bweyazingibwa, era kikubirizibwa omukyaala okumuzinga mu ngoye ttaano mu mbeera y'okwongera okumubikka.

Kikubirizibwa essanda okubeera enjeru bwekiba kisobose, nabbi ebyengera n’emirembe bibeere ku yye yagamba: "mwambale ebyeeru mu byambalo byammwe, kubanga mazima bbyo by'ebisinga obulungi mu byambalo byammwe, era muzinge mu bbyo abafu bammwe" (abu dawuda:4061, tirmidhi:994 era n'agamba nti ntuufu,ne ibun maaja:3566).

Kikubirizibwa okukuba essanda akawoowo okuva mu buwoowo obukkirizibwa.

Kisaanidde okufaayo ku kuzinga omufu obulungi, era n'okusiba engoye ze ekituttwa ku ludda lw'omutwe gwe n'ebigerebye, nabbi ebyengera n’emirembe bibeere ku yye yagamba: "omu kummwe bwaaba azinze muganda we amuzinge bulungi" (muslim:943)

Mazima omusomo ogumaliriza bulungi

Tandika ekibuuzo

Kyusa olulimi

Sigala ng'oyiga

Recently viewed

Recent Members

Emisomo