Tewayingidde

Wewaandiise kati ku mukutu gwa Taa otandike okuyiga, ogoberere enkulaakulana yo, okunngaanye obubonero era oyingire empaka, oluvannyuma lw'okwewandiisa, ojja kufuna satifikeeti ey'omutimbagano ku miramwa gy'osomye

Omusomo EBYAFAAYO BYA NABBI MIUHAMMAD EBYENGERA N'EMIREMBE BIBEERE KU YYE (1)

OKUMANYA EBIKWATA KU BYAFAAYO BYA NABBI EBYENGERA N'EMIREMBE BIBEERE KU YYE KYA MU DDIINI. MU SSOMO LINO, OJJA KUYIGA BINGI MU BYAFAAYO BYE EBYENGERA N'EMIREMBE BIBEERE KU YYE NGA TANNABA KUTUMWA.

Okumanya ebisinga obukulu mu bulamu bwa Nabbi ebyengera n'emirembe bibeere ku yye okuva lwe yazaalibwa okutuusa nga anaatela okutumwa.

count: Omuyizi omulala yamaliriza omusomo guno

Enzivuunula z'omusomo guno ziri mu nnimi zino wammanga:

አማርኛ العربية বাংলা English Español Français هَوُسَ हिन्दी Bahasa Indonesia ភាសាខ្មែរ 한국어 മലയാളം नेपाली Oromoo پښتو Português සිංහල Kiswahili தமிழ் తెలుగు Tagalog Uyƣurqə / ئۇيغۇرچە اردو Tiếng Việt 中文

Ebyafaayo bw'obulaamu bwa Nabbi ebyengera n'emirembe bibeere ku yye

Omusiraamu alina okuyiga ebikwata ku bulamu bwa Nabbi ebyengera n’emirembe bibeere ku yye, asobole okugoberera ekyokulabirako kye mu bintu byonna eby’obulamu, anti ebyafaayo bye kuteeka mu nkola amateeka ga Sharia y’Obusiraamu. Yagamba Allah Omugulumivu: (Mazima mulina mwe mu Mubaka wa Katonda ekyokulabirako ekirungi eri oyo abeera nga akkiriza Katonda n'olunaku lw'enkomerero,) (Al Ahzab:21)

1. Olunyiriri lwe

Olunyiriri lwa Nabbi ebyengera n’emirembe bibeere ku yye, lwe lunyiriri olusinga obulungi era olusinga ekitiibwa. Ye: Muhammad bin Abdullah bin Abdul Muttalib bin Hashim bin Abdul Manaf bin Qusay bin Kilab bin Murrah bin Kaab bin Luay bin Ghalib bin Fihr bin Malik bin Al Nadr bin Kinanah bin Khuzaymah bin Mudrikah bin Ilyas bin Mudar bin Nizar bin Ma’ad bin Adnan, era Adnan ava mu bazzukulu ba Ismail, emirembe gibeere ku yye.

2. Bazadde be ebyengera n’emirembe bibeere ku yye

Kitaawe ye: Abdullah bin Abdul Muttalib bin Hashim, yafa nga Nabbi akyaali mu lubuto lwa nnyina. Maama we ye: Amina bint Wahb bin Abd Manaf bin Zuhra.

3. Okuzaalibwa kwe

Yazaalibwa ku Mmande, Rabi’ al-Awwal, Omwaka gw’enjovu, ogukwatagana n’omwaka 571 AD.

4. Okuyonsa kwe ebyengera n'emirembe bibeere ku yye

Thuwaybah, omuddu wa Abu Lahab, yamuyonsa okumala ennaku ntono, olwo nasabibwa okuyonsebwa muba Banu Sa’d, era Halima al-Sa’diyah n’amuyonsa, era n’abeera naye muba Banu Sa’d okumala emyaka nga ena. Omutima gwe gwayawuluzibwaamu awo, era ekitundu ky’omwoyo ekiragira ebibi ne kiggyibwamu, era Halima n’amuddiza nnyina oluvannyuma lw’ekyo.

5. Enkula ye n’obuvubuka bwe ebyengera n'emirembe bibeere ku ye

Oluvannyuma lwa Nabbi ebyengera n’emirembe bibeere ku ye, okudda okuva mu kitundu kya ba Bani Sa`d eri nnyina, Amina, e Makka, yakulira mu kulabirirwa kwe. Olwo nnyina n’afiira e Abwa ng’akomawo okuva e Madiina e Makka ng’alina emyaka mukaaga, era bw’atyo n’afuuka mulekwa wa taata ne maama.

Jjajjaawe, Abdul Muttalib, yamuzzaayo e Makka, n’amulabirira. Bwe yali wa myaka munaana, emyezi ebiri, n’ennaku kkumi, jjajjaawe, Abdul Muttalib, yafiira e Makka.

Oluvannyuma lw’okufa kwa jjajjaawe, Taata we omuto Abu Talib yamulabirira n’okumufaako. Yamuyingiza mu batabani be, n’amukulembeza, era n’amusaamu ekitiibwa eky’enjawulo era n’amusiima. Yagenda mu maaso n’okumugaziya obukuumi bwe okumala emyaka egisukka mu makumi ana.

Omulimu gwe nga tannaba kutumibya

Bwe yali akyali muto, yali alunda ebbuzi e Makka z'abantu mu busuuzi bw'emaakah.

Ku myaka kkumi n’ebiri, yagenda ne taata we omuto Abu Talib okusuubula naye e Shaami. Ku myaka abiri mu etaano, Khadija bint Khuwaylid - eyali omusuubuzi omu Quraysh omugagga era ow’ekitiibwa - yamuwaayo okugenda ne ssente ze e Shaami ng’omusuubuzi, era nga agenda kumuwa ebisinga ku bye yawa abasuubuzi abalala, kubanga yali awulidde ku mazima g’Omubaka wa Allah ebengera n'emirembe bibeere ku ye, n’obwesige bwe obw’ekitiibwa n’empisa. Omubaka wa Allah ebengera n'emirembe bibeere ku ye, ekyo yakikkiriza, n’agenda ne ssente ze n’omuddu we Maysarah okutuusa lwe yatuuka e Shaami. Bwe yakomawo e Mekka, Khadija yalaba mu ssente ze eddaala ery’obwesige n’omukisa gwe yali talabako.

Obulamu bwe nga tannatumibwa

Obulamu bw’Omubaka ebengera n'emirembe bibeere ku ye, nga tannaba kutumibwa bwali bulamu bwa kizo n’ekitiibwa. Teyamanyikibwaa mu kuseerera konna, era teyawandiikibwa ko muze gona. Omubaka wa Allah ebyengera n'emirembe bibeere ku ye, yakula nga yeetooloddwa okulabirira kwa Allah Omugulumivu era n’akuumibwa okuva mu bucaafu obwaliwo mu mulembe ogwo nga busiraamu nga tebuna kujja (omulembe ogw'obutamanya), okutuusa lwe yafuuka asinga essa mu bantu be, abasinga empisa, asinga ekitiibwa mu lunyiriri, abasinga mu murirwaano, abasinga okugumiikiriza, abasinga amazima mu kwogera, abasinga okwesigika, era abasinga okuba ewala n’emize egyonoona abantu, okutuusa lwe yamanyibwa mu bo nga “owaamazima era omwesigwa.”

6. Abakyala ba Nabbi ebyengera n’emirembe bibeere ku yye

Yawasa Khadija Allah amusiime nga wa myaka abiri mu etaano, bwe yagenda e Shaami ku lugeddo ly’obusuubuzi bwe n’omuddu we Maysarah. Maysarah yalaba engeri gye yakwatibwako nnyo olw’ebikolwa ebilungi bye n’obwesige bwe yali yeeyisaamu. Bwe yakomawo, yabuulira mukama we nga bye yali alabye, era n’ayagala amufumbirwe. Ye mukazi eyasooka okuwasibwa Omubaka wa Allah byengera n’emirembe bibeere ku ye , era teyawasa muntu mulala okutuusa lwe yafa. Yali maama w’abaana be bonna, okuggyako Ibrahim. Khadija Allah amusiime yafa emyaka esatu nga Hijra tennabaawo.

Amannya ga bakyala ba Nabbi ebyengera n'emirembe bibeere ku ye

Khadija Allah amusiime

Khadija Allah amusiimye, bwe yafa, yawasa Sawda bint Zam’a, Allah amusiime.

Olwo n’awasa Aisha muwala wa Abu Bakr Al-Siddiq Allah abasiime bombi.

Olwo n’awasa Hafsa bint Umar ibn al-Khattab Allah abasiime bombi.

Olwo n’awasa Zainab bint Khuzaymah ibn al-Harith Allah amusiime.

Yawasa Umm Salamah, erinnya lye yali Hind bint Umayyah Allah amusiime.

Yawasa Zainab bint Jahsh Allah amusiime.

Olwo Omubaka wa Allah n’awasa Juwayriyah bint al-Harith Allah amusiime.

Olwo n’awasa Umm Habibah Allah amusiime, erinnya lye Ramla, era nga kigambibwa nti yali Hind bint Abi Sufyan.

١٠

Oluvannyuma lw’okugwa kw'olutalo lwe Khaybar, yawasa Safiyya bint Huyayy ibn Akhtab Allah amusiime.

١١

Olwo n’awasa Maymunah bint Al-Harith Allah amusiime, era ye mukyala eyasembayo okuwasa Omubaka wa Allah ebengera n'emirembe bibeere ku ye.

7. Abaana ba Nabbi ebyengera n’emirembe bibeere ku ye

Abaana be ebyengera n'emirembe bibeere ku ye, okusinziira ku kigambo ekituufu, bali musanvu: (abalenzi basatu n’abawala bana).

Abaana be ab’obulenzi bali basatu: Al-Qasim, era yayitibwanga Taata Qasim, era yawangaala okumala akaseera katono; ne Abdullah, eyali ayitibwa Al-Tahir ne Al-Tayeb; ne Ibrahim.

Yalina abaana bana ab’obuwala: Zainab, eyali muwala we omukulu, Ruqayyah, Umm Kulthum, ne Fatimah. Batabani ne bawala ba Nabbi bonna baali bava mu mukyala we, Maama w’abakkiriza, Khadija, Allah amusiime, okuggyako Ibrahim, eyali ava mu muzaana wa Nabbi, Maria Al Qibitwiyah Al-Muqawqis gwe yamuwa ng’ekirabo.

Mazima omusomo ogumaliriza bulungi

Tandika ekibuuzo

Kyusa olulimi

Sigala ng'oyiga

Recently viewed

Recent Members

Emisomo