திருமண ஒப்பந்தத்திற்கு முன்னரும், இடையிலும், பின்னரும் என அதனுடன் தொடர்பான மார்க்க சட்ட திட்டங்களுக்கு மேலதிகமாக அல்லாஹ்விடமிருந்து நன்மையைப் பெற்றுக் கொள்ளவும், மேலும் தாம்பத்திய வாழ்வின் வலிமை மற்றும் பலம் நீடித்து நிலைக்கும் எதிர்பார்ப்புடனும் மணமக்கள் கடைபிடித்து ஒழுக வேண்டிய பல ஒழுக்கங்களையும் இஸ்லாம் திருமணத்துடன் இணைத்துள்ளது.

1. திருமணத்தில் நிய்யத் (எண்ணம்)

நிய்யத்திற்கு இஸ்லாத்தில் பாரிய இடமுண்டு, "செயல்கள் அனைத்தும் எண்ணங்களைப் பொறுத்தே, ஒவ்வொரு மனிதருக்கும் அவர் எண்ண்யதே கிடைக்கும்". (புஹாரி 1, முஸ்லிம் 1907) எனும் நபிமொழிய இதனைப் பறைசாட்டுகினறது. எனவே திருமணத்தில் நல்ல எண்ணத்தை வைப்பது தம்பதியினருக்கு அவசியமாகும். நன்மை கூலிகளை பெற்றுக் கொள்வதற்காக அடிக்கடி நிய்யத்தை அதிகப்படுத்துவது மார்க்க விளக்கத்தின் அறிகுறியாகும். அல்லாஹ்வின் அத்தாட்சிகளில் ஒன்றை வெளிப்படுத்துதல், திருமணத்தில் ஊக்குவிக்கப்பட்ட அல்லாஹ்வின் சட்டங்களுக்குக் கட்டுப்படுதல், அல்லாஹ்வை மாத்திரம் வணங்கி ஒருமைப்படுத்த கூடிய ஒரு சந்ததி அவ்விருவரிலிருந்தும் உருவாக வேண்டும் என்று எதிர்பார்த்தல், தம்பதியினர் ஒவ்வொருவரும் கற்பொழுக்கம் பேணி குழப்பங்களில் இருந்து தங்களைப் பாதுகாத்துக் கொள்ளுதல் போன்றன திருமணத்தில் நாடப்படும் நல்ல நிய்யத்துகளில் உள்ளவைகளாகும்.

2. முதலிரவில் (திருமணம் நடைபெறும் இரவு) நபிவழியைப் பின்பற்றுதல்,

வலீமாவின் போதுகவனத்திற் கொள்ள வேண்டிய சில விடயங்கள் :

4. திருமண விழாவில் பெண்கள் பாடுதல்

திருமண விழாக்களில் நல்ல கருத்துள்ள அனுமதிக்கப்பட்ட பாடல்களுடன் இசைக்கருவிகள் இன்றி தப்ஸ் (ஒரு பக்கம் வெட்டப்பட்ட சிறுமுரசு) அடிப்பது ஆண்களுக்கு ஒதுக்குப்புறமாக பெண்களுக்கு மாத்திரம் அனுமதியளிக்கப்பட்டுள்ளது. மகிழ்தல், அதனை வெளிப்படுத்துதல் இஸ்லாத்தில் ஆகுமானதாகும்.

5. தம்பதியினர் தமக்கிடையே நல்ல பந்தத்துடன் நடத்தல்

அல்லாஹ்வின் உதவியால் தம்பதியினருக்கு மத்தியில் அன்பு நிலைத்து, மகிழ்ச்சியாக வாழ்ந்திட அவர்கள் தமக்கிடையே நல்ல பந்தத்துடன் நடத்தல், ஒவ்வொருவரும் தத்தமது கடமைகளை சரிவர நிறைவேற்றுவது திருமணத்தின் ஒழுங்கு, நெறிமுறைகளில் உள்ளவையாகும். அல்லாஹ் கூறுகின்றான்: "இன்னும், அவர்களுடன் கனிவோடு நடந்து கொள்ளுங்கள்". (நிஸா: 19).

உமது பாடத்தை வெற்றிகரமாக பூர்த்தி செய்துள்ளீர்