சம்பாத்தியத்தில் அனுமதிக்கப்பட்ட, நல்ல தூய்மையானவைகளும் உள்ளன, தடுக்கப்பட்ட மோசமான தீயவைகளும் உள்ளன. அல்லாஹ் கூறுகிறான் : "நம்பிக்கை கொண்டோரே! நீங்கள் சம்பாதித்தவற்றிலிருந்தும், பூமியிலிருந்து நாம் உங்களுக்கு வெளிப்படுத்தித் தந்த (தானியங்கள், கனி வகைகள் போன்ற)வற்றிலிருந்தும், நல்லவற்றையே (தான தர்மங்களில்) செலவு செய்யுங்கள்; அன்றியும் கெட்டவற்றைத் தேடி அவற்றிலிருந்து சிலவற்றை (தான தர்மங்களில்) செலவழிக்க நாடாதீர்கள்". (பகரா : 267).

இது உரிமையின்றி, மார்க்க அனுமதியின்றி பெறப்பட்ட சொத்துக்களைக் குறிக்கின்றது.

இவை மக்களுக்கு அநீதியிழைக்கும், அவர்களின் சொத்துக்களை சுரண்டும் வட்டி, சூதாட்டம், மோசடி, ஏமாற்று, பதுக்கல் போன்ற மார்க்கத்திற்கு முரணான அனைத்து பரிவர்த்தனைகளுமாகும். ஆனால் இவ்வகையானது உள்ளம் ஆசைப் படக்கூடியவையே. இதனால்தான் அதைத் தடுக்கவும், அதில் வீழ்திடாதிருக்கவும் சட்டம், தண்டனை முறைகள் அவசியப்பட்டன. அல்லாஹ் கூறுகின்றான்: "நிச்சயமாக, யார் அநாதைகளின் சொத்துக்களை அநியாயமாக விழுங்குகிறார்களோ அவர்கள் தங்கள் வயிறுகளில் விழுங்குவதெல்லாம் நெருப்பைத்தான் - இன்னும் அவர்கள் (மறுமையில்) கொழுந்து விட்டெறியும் (நரக) நெருப்பிலேயே புகுவார்கள்" (நிஸா : 10). மேலும் அல்லாஹ் கூறுகின்றான்: "ஈமான் கொண்டவர்களே! நீங்கள் உண்மையாக முஃமின்களாக இருந்தால், அல்லாஹ்வுக்கு அஞ்சியடங்கி, எஞ்சியுள்ள வட்டியை வாங்காது விட்டு விடுங்கள். இவ்வாறு நீங்கள் செய்யவில்லையென்றால் அல்லாஹ்விடமிருந்தும், அவனுடைய தூதரிடமிருந்தும் போர் அறிவிக்கப்பட்டு விட்டது (என்பதை அறிந்து கொள்ளுங்கள்)". (பகரா : 278, 279).