చంకలోని వెంట్రుకలను తొలగించుకోవడం.

తన చంకలోని వెంట్రుకలను పీకడం ద్వారా లేదా మరే ఇతర పద్ధతి ద్వారా నైనా తొలగించుకోవాలి, తద్వారా అక్కడ దుర్వాసన రాకుండా జాగ్రత్త వహించాలి.

చేతి వేళ్ళ పై ఉండే మెటికలను (ముడతలను) శుభ్రపరచుకోవడం

వేలి ముడతలు అంటే వేలి వెనుక భాగంలోని కీళ్లపై ఉండే మడతలు. వీటిని కడగడం ముస్తహబ్ (ఉత్తమం).

ప్రకృతి సహజ పద్ధతులు (సుననె ఫిత్రత్).

అవి అల్లాహ్ మానవులను ఏ స్వభావంతోనైతే పుట్టించాడో ఆ సహజ గుణాలు. వీటిని పాటించడం ద్వారా ముస్లిము పరిపూర్ణత చెందుతాడు, తద్వారా అతడు అత్యుత్తమ గుణాలను మరియు అత్యంత అందమైన రూపాన్ని కలిగి ఉంటాడు. ఎందుకంటే, ఇస్లాం ముస్లిము యొక్క బాహ్య మరియు అంతర్గత శుద్ధీకరణను కలిపి ఉంచేలా, సౌందర్య మరియు పరిపూర్ణతకు సంబంధించిన అంశాలను పరిగణనలోకి తీసుకుంది.

దైవప్రవక్త ముహమ్మద్(స) వారు ఇలా సెలవిచ్చారు: "ప్రకృతి సహజమైన (ఫిత్రత్) పనులు ఐదు: సున్తీ చేయించుకోవడం, నాభి కింద వెంట్రుకలను తొలగించుకోవడం, మీసాలను కత్తిరించుకోవడం, గోళ్ళను కత్తిరించుకోవడం మరియు చంకలోని వెంట్రుకలను తొలగించుకోవడం" (బుఖారీ 5891, ముస్లిము 257). దైవప్రవక్త ముహమ్మద్(స) వారు మరొక చోట ఇలా సెలవిచ్చారు: "పది పనులు ప్రకృతి సహజమైనవి: మీసాలను కత్తిరించుకోవడం, గడ్డాన్ని పెంచుకోవడం, మిస్వాక్ చేసుకోవడం, ముక్కులో నీరు పోసుకుని శుభ్రం చేసుకోవడం, గోళ్ళను కత్తిరించుకోవడం, వేలి ముడతలను కడగడం, చంకలోని వెంట్రుకలను తొలగించుకోవడం, నాభి కింద వెంట్రుకలను గీసుకోవడం మరియు మలమూత్ర విసర్జన అనంతరం నీటితో శుద్ధి చేసుకోవడం". హదీసు ఉల్లేఖకులు ఇలా అన్నారు: "నేను పదవ దానిని మరచిపోయాను, అది బహుశా నోటిని పుక్కిలించడం అయి ఉండవచ్చు" (ముస్లిం 261).

ఒడుగులు(సున్తీ)

పురుషులకు సున్తీ అంటే పురుషాంగం ముందు భాగంలో ఉండే చర్మాన్ని (ప్రిప్యూస్) తొలగించడం. సాధారణంగా ఇది శిశువు జన్మించిన మొదటి రోజుల్లోనే చేయబడుతుంది. ఇది పురుషుల విషయంలో తప్పనిసరి అయిన ప్రకృతి సహజమైన (ఫిత్రత్) సున్నత్ లలో ఒకటి మరియు దీని వల్ల అనేక ఆరోగ్య ప్రయోజనాలు ఉన్నాయి.

నాభి కింద వెంట్రుకలను గీసుకోవడం (లేదా) తొలగించుకోవడం.

నాభి కింద పెరిగే గరుకు వెంట్రుకలను గీసుకోవడం ద్వారా లేదా ఇతర ఏ పద్ధతి ద్వారా నైనా తొలగించుకోవడం.

మీసాలను కత్తిరించుకోవడం.

మీసాలను ఉంచుకోవడం అనుమతించదగినది (ముబాహ్), కానీ అది ఉత్తమం కాదు. ఒకవేళ ముస్లిము మీసాలను ఉంచుకున్నట్లయితే, వాటిని అతిగా పెంచకుండా జాగ్రత్త వహించాలి మరియు క్రమం తప్పకుండా వాటిని కత్తిరిస్తూ, పొట్టిగా చేస్తూ ఉండాలి.

గడ్డాన్ని పూర్తిగా పెంచడం

గడ్డాన్ని పెంచుకోవాలని మరియు దానిని వదిలివేయాలని ఇస్లాం ప్రోత్సహిస్తుంది. బుగ్గలు మరియు గడ్డం మీద మొలిచే వెంట్రుకలనే గడ్డం అంటారు. దీనిని పెంచడం అంటే దైవప్రవక్త ముహమ్మద్(స) వారి సున్నత్‌ను అనుసరిస్తూ, గడ్డాన్ని గీసుకోకుండా అలాగే ఉంచడం.

మిస్వాక్ (పంటి పుల్లతో తోముకోవడం / దంతధావనం )

దంతాలను శుభ్రం చేయడానికి అరాక్ చెట్టు పుల్ల లేదా ఇతర వస్తువులను ఉపయోగించడమే దీని ఉద్దేశ్యం, మరియు ఇది ముస్తహబ్ -అభిలషణీయం- కూడా.

గోళ్ళను కత్తిరించుకోవడం.

ముస్లిము తన గోళ్ళను క్రమం తప్పకుండా కత్తిరించుకోవాలి, తద్వారా అవి మురికి మరియు అశుద్ధానికి నిలయంగా మారవు.

నీటితో శుద్ధి చేసుకోవడం , నోటిని పుక్కిలించడం మరియు ముక్కును శుభ్రం చేసుకోవడం:

నీటితో శుద్ధి చేసుకోవడం అంటే 'ఇస్తంజా' (మలమూత్ర విసర్జన అనంతరం శుభ్రం చేసుకోవడం). ఈ మూడింటి గురించి (మలమూత్ర విసర్జన పద్ధతులు, నోటిని పుక్కిలించడం, ముక్కును శుభ్రం చేసుకోవడం) 'శౌచ నియమాలు' మరియు 'వుదూ' పాఠాలలో ఇదివరకే చర్చించడం జరిగింది.