Ang kasalukuyang seksyon:
Ang aralin Ang kompanya
Ito ay isang pagtitipon sa karapatan o pamamahala, sa pagitan ng dalawa o higit pa: Unang halimbawa: Na magsasama ang dalawa sa isang mana o handog, Ikalawang halimbawa: Na magsasama silang dalawa sa pagbibenta at pagbili.
Ang hatol sa kompanya
Ang Kompanya ay pinahihintulutan; sapagkat ang pangunahing hatol sa mga transaksyon ay pagpapahintulot. at tunay na pinahihintulutan ito ng Allah bilang pagpapadali sa mga alipin (mga tao) sa pagkamit ng mga biyaya, at pwedeng magsama ang muslim at iba, kaya pinahihintulutan na makasama ang di-muslim sa kundisyon na hindi lang siya ang mamahala na hindi kasama ang muslim.
Nangangailangan ang tao sa pagpapalago ng kanyang kayamanan o pera, at maaaring hindi niya iyon kayang gawin na mag-isa; pwedeng dahil sa kawalan ng kakayahan at karanasan, o dahil sa hindi sapat ang kanyang kapital. gayundin na ang lipunan ay nangangailangan ng mga malalaking proyekto, na bihira lang makahanap ng isang tao na kayang gawin ang alin man dito ng siya lang mag-isa, At ang kompanya ay padadaliin ang lahat ng iyon.
Mga Uri ng Kompanya
Ang Kompanya ng mga pag-aari (pagsasama sa mga ari-arian) ay may dalawang uri:
Ito ay binubuo ng dalawang magkasosyo, katulad halimbawa Na bumili silang dalawa ng isang real state, kaya maging magkasama o magkasosyo sila sa pamamagitan ng kompanya ng ari-arian.
Kompanya na sapilitan
Ito ay mangyayari sa pagitan ng dalawang tao o higit pa ng hindi nila ginagawa o ginusto, halimbawa may namanang isang bagay ang dalawang tao, sa pamamagitan nito ang kanilang minana ay nagkasama sila sa isang pag-aari.
Pamamahala ng mga kasosyo sa kompanya ng mga ari-arian
Ang bawat isa sa dalawang magkasosyo ay katulad ng isang dayohan sa bahagi ng kanyang kasama, kaya hindi niya ito pwedeng pamahalaan ng wala ang kanyang pahintulot, Kung pamahalaan niya ay gagawin lamang niya ito sa kanyang bahagi, maliban na pinahintulutan siya ng kanyang kasosyo, sa gayun ay gagawin niya ito sa lahat.
Kompanya ng mga kasunduan
Ito ay ang pagsamasama sa pamamahala; gaya ng pagsamasama sa pagbenta, pagbili, pagrenta o upa at iba pa.
Mga uri ng Kompanya ng mga kasunduan
Ang Kompanyang Al-Mudãrabah
Ito ay ang magbigay ang isa sa dalawang magkasosyo ng pera sa kanyang kasama, at ipagninegosyo nila ang isang tukoy na bahagi nito na kukunin mula sa kinita; halimbawa ang 1/4 o 1/3 at katulad nito, at ang matitira ay makukuha ulit ng may-ari. at kung sakaling malugi ang pera pagkatapos itong pamahalaan ay papalitan mula sa kita, at walang pananagutan ang namamahala, at kung sakaling mawala naman ang pera ng hindi dahil sa kapabayaan o sinadya ay hindi into pananagotan ng namamahala, dahil ang namamahala ay pinagkatiwalaan sa paghawak ng pera, at ipinauubaya sa kanya ang pamamahala, at binabayaran sa kanyang trabaho, at kahati siya sa kita.
Ang Kompanyang Al-Wujõh
Ito ay ang magkasosyo ang dalawa, nang wala silang kapital, ngunit bibili sila ng mga paninda ng ipinagpapaliban ang pagbayad (parang utang din) sa mga kilalang tao, at ibibenta nila ito ng Cash, at kung may kitain sila ay paghatian nila ito, at kung malugi sila ay mananagot silang dalawa, at ang bawat isa sa kanila ay kinatawan ng isa sa kanila, at garator sa kanya sa pagbibenta, pagbili at pamamahala, at tinatawag itong Kompanyang Wujõh dahil hindi ito ipinagbibili ng ipinagpapaliban ang bayad malibat sa mga kilalang tao.
Ang Kompanyang Al-'Inãn
Ito ay ang Magsosyo ang dalawa sa pamamagitan ng kanilang mga katawan at ng kanilang tukoy na pera, kahit pa ito ay magkaiba, upang silang dalawa ay magtrabaho sa kanilang sarili mismo. at isinasakundisyon na ang kapital ng bawat isa sa kanila ay tukoy, at ang kita at pagkalugi ay nakasalalay ayun sa napagkasunduang kundesyon.
Ang Kompanyang Al-Abdãn
Ito ay Ang magsosyo ang dalawa sa anumang kitain nila sa pamamagitan ng kanilang katawan (pagtatrabaho), maging ang kanilang pagsosyo ay sa gawa at sa propesyon, tulad ng pagpandaya, pagkarpintero at katulad nito, o sa mga pinahihintulutan na mga gawain o trabaho; gaya ng pangsibak ng mga kahoy na panggatong, at ang anumang ibigay ng Allah sa kanila na biyaya o kita ay paghahatian nila ayun sa napagkasunduan nila.
Kompanyang Al-Mifãwadah
Ito ay ang ipagkatiwala ng bawat isa mula sa mga kasosyo sa kanyang kasama ang lahat ng pamamahala sa pera at pisikal sa kompanya; kaya ang bawat kasosyo ay may layang mamahala sa pagbibenta at pagbili, sa pagkuha at pagbigay, sa paggarantiya at pagtitiwala, sa pag-utang at donasyon at katulad nito na kinakailangan ng negosyo na pamahalaan.
At Kinakailangan ang bawat kasosyo sa anumang gawin ng kanyang kasosyo. at ang kompanya ay magaganap sa anumang napagkasunduan mula sa kanilang mga pera, at ang kita sa pagitan nila ay naayun sa anumang kindisyon nila, at ang pagkalugi ay katumbas ng pag-aari ng bawat isa sa kanila sa kompanya, at ang ganitong kompanya ay pinahihintulutan, dahil pasok dito ang lahat ng apat na mga uri ng kompanya na naunang nabanggit, at ang lahat ng ito ay pinahihintulutan; dahil sa napapaloob nito na pagtutulungan sa pagkamit ng biyaya, at pagtugon sa mga pangangailangan ng mga tao, at ipinapatupad nito ang pagiging patas at nakabubuti.
1- Ito ay mabuting paraan para palaguin ang pera, at bigyan ng trabaho ang mga manggagawa, at magbigay ng pakinabang sa mamamayan, at padaliin ang pagkamit ng biyaya, at pagpapatupad ng pagiging patas.
2- Ang paglayo sa ipinagbabawal na hanapbuhay; gaya ng Riba (pagpapatubo), pagsusugal at iba pa.
3- Pagpapalawak sa mga paraan ng pinahihintulutan (halal) na hanapbuhay; sa katunayan ay pinahintulutan ng islam ang tao na maghanapbuhay nang mag-isa o magkasosyo kasama ang iba.
