ప్రస్తుత విభాగం : model
పాఠం భాగస్వామ్యం
ఇద్దరు లేదా అంతకంటే ఎక్కువ మంది వ్యక్తుల మధ్య హక్కు విషయంలో లేదా వ్యవహారంలో (లావాదేవీలలో) కలిసే ఉండటాన్ని భాగస్వామ్యం అంటారు. మొదటిదానికి ఉదాహరణ: వారసత్వంగా వచ్చిన ఆస్తిలో లేదా బహుమతిగా లభించిన దానిలో ఇద్దరు వ్యక్తులు వాటా కలిగి ఉండటం. రెండవదానికి ఉదాహరణ: క్రయవిక్రయాలలో (అమ్మకం మరియు కొనుగోలు) ఇద్దరు వ్యక్తులు కలిసి వ్యాపారం చేయడం.
భాగస్వామ్యం యొక్క విధివిధానం.
భాగస్వామ్యం అనుమతించబడినది; ఎందుకంటే లావాదేవీల విషయంలో ప్రాథమిక సూత్రం అనుమతి కలిగి ఉండటమే. ప్రజలు తమ జీవనోపాధిని సులభంగా పొందేందుకు అల్లాహ్ దీనిని అనుమతించాడు. ఇది ముస్లిములతో మరియు ఇతరులతో కూడా చెల్లుబాటు అవుతుంది.
మనిషి తన సంపదను వృద్ధి చేసుకోవలసిన అవసరం ఉంటుంది, అయితే తన వద్ద తగిన సామర్థ్యం మరియు అనుభవం లేకపోవడం వల్ల లేదా పెట్టుబడి తక్కువగా ఉండటం వల్ల ఒంటరిగా ఆ పని చేయలేకపోవచ్చు. అదేవిధంగా, సమాజానికి పెద్ద పెద్ద ప్రాజెక్టుల అవసరం ఉంటుంది, అటువంటి వాటిని ఏ ఒక్క వ్యక్తి అయినా ఒంటరిగా నిర్వహించగలగడం అరుదు. భాగస్వామ్యం ఈ పనులన్నింటినీ సులభతరం చేస్తుంది.
భాగస్వామ్య రకాలు
ఆస్తి భాగస్వామ్యం రెండు రకాలు:
ఇది ఇద్దరు భాగస్వాముల చర్య ద్వారా ఏర్పడుతుంది. ఉదాహరణకు: వారు ఏదైనా స్థిరాస్తిని లేదా చరాస్తిని కొనుగోలు చేసినప్పుడు, అది వారిద్దరి మధ్య ఆస్తి భాగస్వామ్యంగా మారుతుంది.
ఎంపిక లేని భాగస్వామ్యం
ఇది ఇద్దరు లేదా అంతకంటే ఎక్కువ మంది వ్యక్తులకు వారి ప్రమేయం లేకుండానే లభించే భాగస్వామ్యం. ఉదాహరణకు: ఇద్దరు వ్యక్తులు ఏదైనా ఆస్తిని వారసత్వంగా పొందినప్పుడు, ఆ వారసత్వ ఆస్తి వారిద్దరి మధ్య ఆస్తి భాగస్వామ్యంగా మారుతుంది.
ఆస్తి భాగస్వామ్యంలో భాగస్వాముల వ్యవహార శైలి.
ఆస్తి భాగస్వామ్యంలో ప్రతి భాగస్వామి తన తోటి భాగస్వామి వాటా విషయంలో పరాయి వ్యక్తి వలె పరిగణించబడతారు. కాబట్టి, ఇతర భాగస్వాముల అనుమతి లేకుండా వారి వాటాలో ఎటువంటి వ్యవహారాలు (లావాదేవీలు) చేయడం అతనికి ధర్మసమ్మతం కాదు. ఒకవేళ అతను ఏదైనా వ్యవహారం చేస్తే, అది కేవలం అతని వాటాకు మాత్రమే వర్తిస్తుంది; అయితే, ఇతర భాగస్వాములు దానిని ఆమోదించినట్లయితే అది మొత్తం ఆస్తికి వర్తిస్తుంది.
ఒప్పంద సంబంధమైన భాగస్వామ్యం
ఇది లావాదేవీలలో భాగస్వామ్యం; అంటే అమ్మకం, కొనుగోలు, అద్దెకు ఇవ్వడం మరియు ఇటువంటి ఇతర వ్యవహారాల్లో కలిసి ఉండటం.
ఒప్పందసంబందమైన భాగస్వామ్యం రకాలు
ముదారబా భాగస్వామ్యం (పెట్టుబడి ఒకరిది, శ్రమ మరొకరిది).
ఇద్దరు భాగస్వాములలో ఒకరు పెట్టుబడి పెట్టగా, మరొకరు ఆ ధనంతో వ్యాపారం చేసి, వచ్చే లాభంలో ముందుగా నిర్ణయించుకున్న వంతును (ఉదాహరణకు నాల్గవ వంతు లేదా మూడవ వంతు వంటివి) తీసుకునే పద్ధతినే ముదారబా అంటారు. మిగిలిన లాభం పెట్టుబడిదారునికి చెందుతుంది. వ్యాపార నిర్వహణలో నష్టం వాటిల్లితే దానిని లాభం నుండి భర్తీ చేయాలి, పని చేసే వ్యక్తిపై ఎటువంటి భారం ఉండదు. ఒకవేళ ఆ ధనం ఎటువంటి అశ్రద్ధ లేదా నిబంధనల ఉల్లంఘన లేకుండా నష్టపోతే, పని చేసే వ్యక్తి దానికి బాధ్యుడు (భర్తీ చేయవలసిన వాడు) కాడు. ఇక్కడ పని చేసే వ్యక్తి ధనాన్ని స్వీకరించడంలో ఒక నమ్మకస్తుడిగా (అమీన్), లావాదేవీల నిర్వహణలో ఒక ప్రతినిధిగా (వకీల్), పని చేయడంలో ఒక వేతనం తీసుకునేవాడిగా మరియు లాభంలో ఒక భాగస్వామిగా పరిగణించబడతాడు.
పలుకుబడి ఆధార భాగస్వామ్య వ్యాపారం
ఇద్దరు వ్యక్తులు ఎటువంటి పెట్టుబడి లేకుండా, సమాజంలో తమకు ఉన్న పరపతి ఆధారంగా వస్తువులను అప్పుగా కొనుగోలు చేసి, వాటిని నగదుకు విక్రయించే ఒప్పందాన్ని ఇది సూచిస్తుంది. దీని ద్వారా లభించే లాభాన్ని వారిద్దరూ పంచుకుంటారు మరియు వచ్చే నష్టానికి కూడా వారిద్దరే బాధ్యులవుతారు. ఇందులో ప్రతి భాగస్వామి తన తోటి భాగస్వామికి ప్రతినిధిగా (వకీల్) మరియు కొనుగోలు, అమ్మకం వంటి లావాదేవీలలో హామీదారుడిగా (కఫీల్) ఉంటారు. సమాజంలో గౌరవం లేదా పరపతి ఉన్న వారికే అప్పుగా వస్తువులు లభిస్తాయి కాబట్టి దీనిని 'వుజూహ్ భాగస్వామ్యం' అని పిలుస్తారు.
అనాన్ భాగస్వామ్యం
ఇద్దరు వ్యక్తులు తమ శ్రమను మరియు తమ వద్ద ఉన్న నిర్ణీత పెట్టుబడిని (అది సమానంగా ఉన్నా లేదా వ్యత్యాసంగా ఉన్నా) కలిపి వ్యాపారం చేయడాన్ని ఇది సూచిస్తుంది. ఇందులో ప్రతి భాగస్వామి యొక్క పెట్టుబడి స్పష్టంగా తెలియాలి. లాభనష్టాలు వారి మధ్య జరిగిన ఒప్పందం మరియు పరస్పర అంగీకారం ప్రకారం పంచబడతాయి.
శారీరక పరిశ్రమలో భాగస్వామ్యం
ఇద్దరు వ్యక్తులు తమ శారీరక కష్టంతో సంపాదించే దానిలో భాగస్వాములు కావడాన్ని ఇది సూచిస్తుంది. ఈ భాగస్వామ్యం కమ్మరి పని, వడ్రంగి పని వంటి వృత్తులు మరియు పనులలో కావచ్చు లేదా కట్టెలు సేకరించడం, గడ్డి కోయడం వంటి అనుమతించబడిన (ముబాహ్) పనులలో కావచ్చు. అల్లాహ్ వారికి ప్రసాదించిన జీవనోపాధి (రిజ్క్), వారి మధ్య జరిగిన ఒప్పందం మరియు పరస్పర అంగీకారం ప్రకారం పంచుకోబడుతుంది.
ముఫావదా భాగస్వామ్యం
భాగస్వాములలో ప్రతి ఒక్కరూ, సంస్థకు సంబంధించిన ప్రతి ఆర్థిక మరియు శారీరక వ్యవహారంలో తన తోటి భాగస్వామికి పూర్తి అధికారాన్ని అప్పగించడాన్ని ఇది సూచిస్తుంది. దీని ప్రకారం, ప్రతి భాగస్వామికి అమ్మకం, కొనుగోలు, తీసుకోవడం, ఇవ్వడం, పూచీకత్తు (హామీ), ప్రతినిధిని నియమించడం (వకాలా), అప్పు ఇవ్వడం మరియు దానధర్మాలు వంటి వ్యాపారానికి అవసరమైన అన్ని రకాల లావాదేవీలను నిర్వహించే సంపూర్ణ అధికారం ఉంటుంది.
ప్రతి భాగస్వామి తన తోటి భాగస్వామి చేసే పనులకు బాధ్యత వహించాల్సి ఉంటుంది. ఒప్పందం కుదుర్చుకున్న వారి సంపదతో ఈ భాగస్వామ్యం ఏర్పడుతుంది. లాభం వారి మధ్య కుదిరిన నిబంధన ప్రకారం పంచుకోబడుతుంది, కానీ నష్టం మాత్రం ఆ భాగస్వామ్యంలో ఒక్కొక్కరికి ఉన్న వాటా పరిమాణాన్ని బట్టి ఉంటుంది. ఈ భాగస్వామ్యం అనుమతించబడినది (జాయిజ్). ఇది పైన పేర్కొన్న నాలుగు రకాల భాగస్వామ్యాల కలయికగా ఉంటుంది. ఇవన్నీ కూడా అనుమతించబడినవే; ఎందుకంటే వీటిలో జీవనోపాధిని సంపాదించడంలో పరస్పర సహకారం, ప్రజల అవసరాలను తీర్చడం, మరియు న్యాయం, ప్రయోజనం చేకూర్చే అంశాలు ఉన్నాయి.
1- ఇది సంపదను వృద్ధి చేయడానికి, కార్మికులకు ఉపాధి కల్పించడానికి, జాతికి ప్రయోజనం చేకూర్చడానికి, జీవనోపాధిని విస్తరింపజేయడానికి మరియు న్యాయాన్ని నెలకొల్పడానికి అత్యుత్తమ మార్గం.
2- వడ్డీ, జూదం మరియు ఇతర నిషిద్ధ మార్గాల ద్వారా లభించే సంపాదనకు దూరంగా ఉండటం.
3- హలాల్ సంపాదన మార్గాలను విస్తృతం చేయడం; ఎందుకంటే ఇస్లాం మనిషి ఒంటరిగా గానీ లేదా ఇతరులతో కలిసి భాగస్వామ్యంతో గానీ సంపాదించుకోవడాన్ని అనుమతించింది.
భాగస్వామ్య ఒప్పందాన్ని రద్దు చేసే అంశాలు:
భాగస్వామ్య (షరిక) మూలస్తంభాలు:
భాగస్వామ్యాల(కంపెనీ) నిబంధనలు
اختر مستوى الشرح المناسب لك
يحتوي الدرس الآن على طبقات اختيارية تساعدك على المراجعة السريعة أو التعمق دون مغادرة الدرس.
- الملخص: نظرة سريعة في نحو دقيقة.
- الأساسي: محتوى الدرس الأصلي وهو المسار المعتمد للتقدم.
- المتعمق: تفاصيل إضافية اختيارية عند توفرها.
تقدمك وإكمال الدرس يعتمدان دائما على صفحات المستوى الأساسي.
