Rajista Shiga

Bakayi rajistan shiga ba

Kayi rajista yanzu a cikin dandalin Taa domin ka fara karatu da kuma bibiyan ci gabanka tare da tara maki domin samun damar shiga gasa bayan yin rajistan

Shiga

Rajista

Ɓangaren yanzu model

Darasi Ajiya

Ababen da darasin ya ƙunsa

A cikin wannan darasin zamu san abunda ake nufi da ajiya a cikin shari'ar Musulunci da kuma hukunce-hukuncen da suke da alaƙa ta ita.

manufofi

Sanin ma'anan ajiya da hikimar da take cikinta.
Sanin hukunce-hukuncen shari'an da suke da alaƙa da ita.

Count Wani dalibiku kammala wannan darasin

An fassara wannan darasin da yaruka masu zuwa:

አማርኛ العربية বাংলা English Español Français हिन्दी Bahasa Indonesia ភាសាខ្មែរ 한국어 Luganda മലയാളം नेपाली Oromoo پښتو Português සිංහල Kiswahili தமிழ் తెలుగు Tagalog Uyƣurqə / ئۇيغۇرچە اردو Tiếng Việt 中文

Ma'anar Ajiya

Ajiya shi ne dukiyar da za a baiwa wani domin ya adana ta ba tare da an biya shi wani abu ba; Kaman wani mutum ya baiwa wani agogo ko mota ko kuɗi domin ya kiyaye mishi.

Hukuncin Ajiya

Ajiya abu ne wanda yake halal kuma kowana ɗaya daga ɓangarorin shi biyu zai iya fasa ajiyar a duk lokacin da yaga dama, kuma a duk lokacin da wanda ya bayar da ajiyar ya buƙaci abunshi to ya wajaba a mayar mishi, kuma idan wanda aka baiwa ajiyar ya dawo da ita ya wajaba akan mai ita da ya karɓe ta, kuma tana daga cikin taimakekkeniya akan biyayya ga Allah da kuma taƙawa.

Hikimar dake cikin shar'anta ajiya

Mutum zai iya shiga cikin wani yanayin da ba zai iya adana kuɗaɗenshi ba - ko don rashin wurin ajiyewa wanda ya dace, ko kuma don ba zai iya ajiyewa ba; sakamakon tsufa, ko rashin lafiya ko kuma tsoro, kuma ya kasance waninshi yana da ikon adana mishi dukiyarshi.

Saboda hakane Allah Ya halalta Ajiya, domin kiyaye dukiya ta ɓangare guda, da kuma samun lada ta ɓangaren wanda aka bashi ajiyar, kuma a cikin haka babu shakka akwai sauƙaƙawa ga mutane, da kuma taimaka musu wajen biyan buƙatunsu.

Ajiya abu ne wanda aka shar'anta ta a cikin littafin Allah, da sunnar Annabi, da Ijma'in malamai da kuma kiyasi, Allah Ta'ala Yace:(Lalle Allah Yana umartan ku da ku mayar da amana zuwa ga masu ita) (Annisa'i: 58).

Daga Abu Hurairah Allah Ya kara mishi yarda yace: Manzon Allah tsira da amincin Allah su tabbata a gare shi yace: "Ka mayar da Amana zuwa wanda ya baka ita kuma kada ka ha'inci wanda ya ha'ince ka" (Abu Dawood).

Hukuncin karɓan ajiya

Anason karɓan ajiya ga wanda yasan cewa yana da ikon ajiye ta; domin abunda yake cikin hakan na taimakekkeniya akan biyayya ga Allah da kuma taƙawa da kuma ladan da za a samu a cikin ajiye ta.

Rukunnan Ajiya

Mai ajiya: Kuma shi ne mai abun ajiyan.

Mai ajiyewa: Kuma shi ne wanda zai adana abun.

Abun ajiyar: Kuma shi ne abunda za a ajiye.

Siga: Shi ne bayarwa da karɓa daga ɓangarori biyu.

Yanayin da wanda aka baiwa ajiya zai biya ajiyar

Sakaci a cikin adana ajiyar.

Ajiye ta a wurin waninshi ba tare da wani uzuri ba kuma ba tare da izinin wanda ya bashi ajiyan ba.

Amfani da ajiyar ko kuma tasarrufi a cikin ta.

Yanayin da ajiya take canzawa daga Amana zuwa lamuni

Cakuɗuwarta da wani ta yadda ba za a iya banbance ta ba.

Saɓawa yadda ake adana ajiya.

Kaita wurin da babu tsaro (wurin da akwai tsaro: shi ne wurin da ake adana ajiya a cikinshi domin ɗaukar ta yayi wahala)

Idan ajiya ta salwanta a hannun wanda aka baiwa ajiyar ba tare da ya baiwa wani ko yayi sakaci a cikinta ba to ba zai biya ba, kuma ya wajaba a gare shi da ya adana ta wurin da akwai tsaro, amma kuma idan wanda ya bada ajiyan ya baiwa wanda ya baiwa ajiyan izinin tasarrufi a cikinta to anan ta zamto rance mai lamuni.

Idan wani abun tsoro ya faru kuma wanda aka baiwa ajiya ya buƙaci tafiya, to lalle ya wajaba akanshi da ya mayar da ajiyar zuwa ma'abocinta ko wakilinshi, idan kuma bai samu damar aikata hakan ba sai ya baiwa shugaba idan har ya kasance mai adalci ne, idan hakan ma bai samu ba sai ya baiwa wani amintacce domin ya mayar da ita zuwa ma'abotan ta.

Duk wanda aka baiwa ajiyar kuɗi sai ya fitar da shi daga lalitanshi, ko kuma ya cakuɗa shi da waninshi ta yadda ba za a iya bambance shi ba sai duka suka lalace ko suka ɓata to zai biya.

Wanda aka baiwa ajiya amintacce ne ba zai biya ba saidai idan ya baiwa wani ko kuma yayi sakaci, kuma za a yarda da maganan wanda aka baiwa ajiya tare da rantsuwanshi yayin mayar da ajiyar, da lalacewarta, da kuma rashin sakacinshi muddin babu wata hujjah.

Hukuncin mayar da ajiya

Ajiya amana ce a wurin wanda aka baiwa ita, ya wajaba ya mayar da ita yayin da ma'abocinta ya buƙace ta, idan kuma bai mayar da ita ba bayan mai ita ya buƙace ta ba tare da wani uzuri ba sai ta salwanta to zai biya ta. Allah Ta'ala Yace:(Lalle Allah Yana umartan ku da ku mayar da amana zuwa masu su) (Annisa'i: 58).

Idan ajiya ta kasance na sama da mutum ɗaya ne, sai ɗaya daga cikinsu ya buƙaci rabonshi daga wurin wanda aka baiwa ajiyar, ko abun ajiyan na gwadawa ne, ko abun ƙidayawa ne, to za a raba a bashi kason shi.

Yanayin da yarjejeniyan ajiya take ƙarewa a cikinsu:

Nemen dawo da ajiyar ko mayar da ita.

Canza mallakan abun ajiyan zuwa wani, ta hanyar kyauta ko sayarwa.

Gushewan cancanta wanda ya bayar da ajiyar ko na wanda aka baiwa.

Mutuwan wanda ya ba da ajiyar ko wanda aka baiwa.

Haƙiƙa ka kammala wannan darasin cikin nasara

Ka fara jarrabawa

Canza yare

Ka ci gaba da karatu

Recently viewed

Recent Members

Darrusa