القسم الحالي: OKWEETUKUZA
الدرس Empisa z'okwelongosa n'amazzi n'okumala ekyetaago
Empisa z'okumala ekyetaago
Kikubirizibwa eri oyo ayagala okuyingira emmanju okukulembeza okugulu kwe okwa kkono, era agambe nti: "Bismillahi, Allahuma inni a-udhu bika minal-khubuthi wal-khaba-ithi" Ekitegeeza nti: "Mu Linya lya Allah, neekingiriza ne Allah okuva eri obubi bw'amajinni amasajja n'amakazi"
Kikakata ku Musiraamu okubikka obwereere bwe okuva eri amaaso g'abantu mu kiseera ng'amala ekyetaago kye.
kigaanibwa eri omuntu okumala eky'etaago mu kifo ekinakuwaza abantu
Omusiraamu bwaaba ali mu ekyeererezi takkirizibwa kumala kyetaago kye mu kinnya kubanga musobola okubaamu ebisola byaakosa obo bbyo okumukosa.
Kisaana gyaali obutatunula eri ekibula wadde okukikuba omugongo ekiseera nga amala ekyetaago, naye bwaaba ali mu lukale nga tewaliwo kisenge kimwaawula na ludda lwa kibula kimukakatako okwebika, kulwe kigambo kya Nabbi ebyengera n'emirembe bibeere ku ye; "Wekibanga mugenze emmanju temutunula mu kibula wadde okukikuba amabega nga mufuka oba nga mweyamba" (Al Bukhari:394 Muslim:264)
Kyateeka gya'ali okwekuuma obutagwa ku ngoye ze wadde ku mubiri gwe kintu kyonna mu bikyaafu era alina okunaaza ewo wekiba kigudde.
Bw’aba amazze okumala ekyetaago kye, alina okukola emu ku nsonga ebbiri:
Istinja: kwe okuyonja ekifo omusulo n’obukyaafu we bifulumira mu mubiri n’amazzi
Istijmar: kwe okuyonja ekifo omusulo ne obukyafu we bifuluma nga tukozesa ebipapula bisatu oba okusingawo, amafufungu , oba ekintu ekifaananako bwe kityo ekirongoosa omubiri n’okugulongoosa obucaafu.
Ekizuusi
Kiba kitendo ekiba ku muntu nga kimulemesa okuyimirizaawo esswala nga tannaba kweetukuza, naye sikintu kikwatwaako oba kirabwaako nga bwoolaba ennagisi
Ekizuusi kiva ku musiraamu singa afuna wuzu oba ng'anaabye n'amazzi amatukuvu: era ago g'emazzi agateetabiseemu nagisi yonna ekyuusa langi, mpooma oba mpunya yaago.
Ekizuusi kiteekululwaamu emiteeko ebiri
Ekizuusi ekitono n'okufuna wuzu okukyejjako
Omusiraamu singa atuukibwaako ekizuusi ekitono, aba alina okufuna wuzu asobole okusaala, era nga ezimu ku mbeera z'ekizuusi ekitono (ebyonoona wuzu) :
1. Omusulo n'empitambi, na buli kimu ekifulumidde mu bufulumiro bwabyo (emmaaso n'emabega) ng'omukka, Allah ow'ekitiibwa agamba ng'ayogera ku byonoona wuzu: (oba omu ku mmwe singa aba ava kweeyamba). Ne Nabbi ebyengera n’emirembe bibeere ku yye yagamba ng'ayogera ku muntu abuusabuusa oba afunye ekizuusi ng'ali mu kusaala: (nedda, tava mu sswala mpaka ng'awulidde eddoboozi oba empewo ebiva ku kuyisa omukka)hadith yayogerwa bukhari ne muslim
2. Omuntu okwekwaata ku bwereere bwe n'ekibatu kye ekikalu olw'obwaagazi, yagamba nabbi okusaasira ebyengera n’emirembe bibeere ku yye: "oyo yenna akwaata ku bwereere bwe afune wuzu" (yayogerwa abu dauda ya 181)
3. Omuntu okulya enyama y'engamiya, Nabbi Muhammad okusaasira ebyengera n’emirembe bibeere ku yye yabuuzibwa nti: tufune wuzu nga tulidde enyama y'engamiya? N'agamba nti: "yye". Hadith yayogerwa imaam muslim.
4. Omuntu okuba nga takyaategeera, nga kivudde ku tulo, okugwa eddalu ,okuzirika oba okutamiira.
