ప్రస్తుత విభాగం : model
పాఠం కాల కృత్యాలు తీర్చుకునే పద్ధతి.
కాలకృత్యాలు తీర్చుకునే పద్ధతి
బాత్రూంలోకి ప్రవేశించేటపుడు ముందుగా ఎడమ కాలును ఉంచడం అభిలషణీయం, లోపలికి వెళ్ళేటపుడు ఈ దుఆ చదవాలి : బిస్మిల్లాహి అల్లాహుమ్మ ఇన్నీ అఊజు బిక మినల్ ఖుబుసి వల్ ఖబాయిస్. (అల్లాహ్ పేరుతో. ఓ అల్లాహ్ నేను దుష్ట స్త్రీ, పురుష జిన్నాతుల కీడు నుండి నేను నీ శరణు వేడుకుంటున్నాను )
కాలకృత్యాలు తీర్చుకోవడానికి వెళ్ళినపుడు మర్మస్థానాలు కనిపించకుండా జాగ్రత్త వహించడం, జనాల దృష్టి నుండి దూరంగా వెళ్ళడం అనేది తప్పనిసరి
బహిర్భూమికి వెళ్ళినపుడు జనులకు ఇబ్బంది కలిగించే ప్రాంతములో కాలకృత్యాలు తీర్చుకోకూడదు
బహిరంగ ప్రదేశాలలో ఉన్నప్పుడు, రంధ్రాలలో లేదా కలుగులలో మలమూత్ర విసర్జన చేయడం నిషిద్ధం. ఎందుకంటే ఆ కలుగులలో ఉండే ప్రాణులకు ఇబ్బంది కలగవచ్చు లేదా ఆ జీవుల ద్వారా ఇతరులకు హాని జరగవచ్చు.
కాలకృత్యాలకు వెళ్ళినపుడు ఖిబ్లా దిశ తమకు ముందు లేదా వెనుకవైపు ఉండకుండా చూసుకోవాలి, ప్రత్యేకించి బహిరంగ ప్రదేశములో అడ్డుగా ఎటువంటి గొడలాంటిది లేనపుడు దీనిని తప్పకుండా పాఠించాలి. దైవప్రవక్త (స) వారు ఇలా ప్రభోదించారు : మలమూత్ర విసర్జన కోసం బహిర్భూమికి వెళ్ళినపుడు మీరు ఖిబ్లా దిశ మీకు ఎదురుగా లేదా వెనుకవైపు ఉండకుండా చూడండి. (బుఖారీ 394, ముస్లిం 264).
ఈ క్రమంలో బట్టలు మరియు శరీరానికి ఎటువంటి మాలిన్యం అంటకుండా జాగ్రత్త వహించాలి ఒకవేళ ఏమైనా అంటితే దానిని పూర్తిగా శుభ్రపరచుకోవడం తప్పనిసరి
మలమూత్ర విసర్జన చేసిన తర్వాత, ఈ క్రింది రెండు పద్ధతులలో ఏదో ఒకటి పాటించవలసి ఉంటుంది:
ఇస్తెంజా: మలమూత్ర విసర్జన జరిగిన భాగాలను నీటితో శుభ్రం చేసుకోవడం.
ఇస్తిజ్మార్ : మూడు లేదా అంతకన్నా ఎక్కువ టిష్యూ పేపర్లు లేదా మట్టి గడ్డలతో శరీరానికి అంటిన మాలిన్యాన్ని శుభ్రపరచడాన్ని అంటారు.
హదస్ (వదూ లేదా స్నానాన్ని తప్పనిసరి చేసేది)
శుద్ధి పొందే వరకు నమాజు చేయకుండా అడ్డుకునే మనిషిలోని ఒక అంతర్గత స్థితి. ఇది అపవిత్ర పదార్థాల వలె కంటికి కనిపించేది కాదు.
విశ్వాసులు శుద్ధమైన నీటితో వుదూ లేదా స్నానం చేసినప్పుడు వారిలోని అపవిత్రత (హదస్) తొలగిపోతుంది. శుద్ధమైన నీరు అంటే ఏంటంటే, ఏ నీటిలోనైతే అపవిత్రత కలవలేదో మరియు ఆ నీటి రంగు, రుచి లేదా వాసనలో ఎటువంటి మార్పు రాలేదో అటువంటి నీరు.
హదస్ - అశుద్ధత రెండు రకాలుగా విభజించబడింది:
చిన్న అశుద్ధత మరియు దాని నుండి శుద్ధి పొందేందుకు చేసే వుదూ.
చిన్న అశుద్ధత కలిగినప్పుడు నమాజు కోసం వుదూ చేయడం తప్పనిసరి. చిన్న అశుద్ధతకు సంబంధించిన కొన్ని రూపాలు (వుదూ భంగమయ్యే కారణాలు):
మూత్రం, మలం మరియు వాటి ద్వారాల నుండి వెలువడే గాలి వంటివి. శుద్ధి భంగమయ్యే కారణాల గురించి అల్లాహ్ ఈ విధంగా సెలవిచ్చాడు: "లేదా మీలో ఎవరైనా మలవిసర్జన చేసి వచ్చినా" (అన్నిసా: 43). నమాజులో ఉన్నప్పుడు అశుద్ధత కలిగిందేమోనని సందేహం కలిగే వ్యక్తి గురించి దైవప్రవక్త ముహమ్మద్(స) వారు ఈ విధంగా సెలవిచ్చారు: "శబ్దం వినబడే వరకు లేదా వాసన తెలిసే వరకు అతను (నమాజు నుండి) విరమించకూడదు" (బుఖారీ 175, ముస్లిం 361).
అడ్డుగా ఏమీ లేకుండా కామంతో జననేంద్రియాలను తాకడం. దైవప్రవక్త ముహమ్మద్(స) వారు ఈ విధంగా సెలవిచ్చారు: "తన జననేంద్రియాలను తాకిన వారు వుదూ చేసుకోవాలి" (అబూ దావూద్ 181).
3. ఒంటె మాంసం తినడం. ఒంటె మాంసం తిన్న తర్వాత వుదూ చేయాలా అని దైవప్రవక్త ముహమ్మద్(స) వారిని అడిగినప్పుడు, వారు "అవును" అని సెలవిచ్చారు (ముస్లిం 360).
4. నిద్రపోవడం, మతిస్థిమితం కోల్పోవడం, స్పృహ తప్పడం లేదా మత్తు వల్ల విచక్షణ కోల్పోవడం.
