Bakayi rajistan shiga ba

Kayi rajista yanzu a cikin dandalin Taa domin ka fara karatu da kuma bibiyan ci gabanka tare da tara maki domin samun damar shiga gasa bayan yin rajistan

Darasi Ladduban tsarki da na biyan buƙata

Musulunci bai bar wani abunda musulmi zai aikata ba face ya sanya mishi ladduba da kuma ƙa'idoji, daga cikin waɗannan abubuwan kuma akwai biyan buƙata. A cikin wannan darasin zaka san ladduban biyan buƙata da na tsarki, da nau'ukan kari, da kuma yadda za ka tsarkaka daga ko wanne daga cikinsu.

Sanin Ladduban tsarki da na biyan buƙata.
Sanin nau'ukan kari.
Sanin yadda ake tsarkaka daga kari.

Count Wani dalibiku kammala wannan darasin

An fassara wannan darasin da yaruka masu zuwa:

አማርኛ العربية বাংলা English Español Français हिन्दी Bahasa Indonesia ភាសាខ្មែរ 한국어 Luganda മലയാളം नेपाली Oromoo پښتو Português සිංහල Kiswahili தமிழ் తెలుగు Tagalog Uyƣurqə / ئۇيغۇرچە اردو Tiếng Việt 中文

Ladduban biyan buƙata

Anaso ga duk wanda yayi niyyar shiga bayan gida (Makewaya) da ya gabatar da ƙafarshi ta hagu, sai kuma yace: "Da sunan Allah, ya Allah lalle ina neman tsarinKa daga Aljanu maza da aljanu mata".

Ka saurari addu'ar shiga bayan gida

Idan kuma ya fito daga gare shi sai ya gabatar da ƙafar dama yana mai cewa "Ya Allah ina neman gafararka".

Wajibi ne akan musulmi da ya ɓoye tsaraicinsa daga ganin mutane yayin da yake biyan buƙatarshi.

Kuma haramun ne a gare shi biyan buƙatarshi a wurin da zai cutar da mutane

Ya haramta a gare shi da ya biya buƙatarshi a cikin wani rami a yayin da yake cikin daji, domin akwai yiwuwa ya kasance akwai dabbar da zai iya cutar da ita ko ta cutar da shi a cikin wannan ramin

Ya kamata kada ya fiskanci alƙiblah ko ya juya mata baya yayin da yake biyan buƙatarshi, amma kuma idan ya kasance a cikin daji ne kuma babu wata katanga da zata tare shi, to hakan ya wajaba a gare shi. Domin faɗin Annabi tsira da amincin Allah su tabbata a gare shi: "Idan kukaje yin bayan gida to kada ku fiskanci alkiblah ko kuma ku bata baya da fitsari ko da kashi" (Bukhari: 394, Muslim: 264).

Ya wajaba a gare shi da ya kiyaye kada najasa ya shafi tufafinshi ko jikinshi, kuma idan har wani najasa ya taɓa shi toh ya wajaba a gare shi da ya wanke shi.

kuma idan ya gama biyan buƙatarshi, toh ɗaya daga cikin ababe biyu ya wajaba a gare shi

Al-istinja (Tsarki da ruwa)

Al-istinja'u: Shi ne mutum ya tsarkake wurin fitar fitsari da kuma kashi daga jikinshi da ruwa

Al-istijmar (Tsarki da dutse ko da wani abu makamancinshi)

Al-istijmaru: Shi ne mutum ya tsarkake wurin fitar fitsari da kuma kashi daga jikinshi da wasu yanki guda uku, ko duwatsu guda uku ko wani abu makamancinsu wanda zai iya tsarkake jiki ya kuma tsaftace shi daga najasa.

Hadasi (Kari)

Wani abu ne tattare da mutum wanda ba a ganinshi, wanda kuma zai hanashi gudanar da sallah har sai ya tsarkaka daga gare shi, kuma shi ba abune wanda ake ganin shi tamkar najasa ba.

Ruwa mai tsarki

Kari yana gushewa daga mutum ne idan yayi alwala ko yayi wanka da ruwa mai tsarki, kuma ruwa mai tsarki shi ne: Ruwan da Najasa bata cakuɗu da shi ba bare tayi tasiri a cikin launinshi, ko ɗanɗanonshi, ko warinshi

Kari ya kasu zuwa kashi biyu

Ƙaramin kari: Shi ne karin da ya wajaba akan musulmi da yayi alwala domin ya kawar da shi daga gare shi

Babban kari: Karin da ya wajaba akan musulmi da yayi wanka ya kuma game jikinshi da ruwa kafin ya kawar da shi daga gare shi

Ƙaramin kari da kuma alwala daga gare shi

Idan mutum yayi ƙaramin kari, to alwala ta wajaba a gare shi domin sallah, kuma daga cikin nau'ukan ƙaramin kari (Ababen da suke karya alwala):

1. Fitsari da kashi da kuma duk wani abunda ya fito daga mafitansu, kamar iska (tusa), Allah Maɗaukaki Yace cikin ambaton ababen da suke lalata tsarki: {Ko ɗaya daga cikinku yaje bayan gida} (Annisa'i: 43). Kuma Manzon Allah tsira da amincin Allah su tabbata a gare shi yace dangane da wanda yayi shakkar cewa yayi kari a cikin sallah: "kada ya bar sallar har sai yaji ƙara ko kuma ya samu wari" (Bukhari: 175, Muslim: 371).

2. Shafar Al'aura da sha'awa ba tare da wani shamaki ba, lalle Manzon Allah tsira da amincin Allah su tabbata a gare shi yace: "Duk wanda ya shafi gabanshi to yayi alwala" (Abu Dawood: 181).

3. Cin naman raƙumi, kuma lalle an tambayi Annabi tsira da amincin Allah su tabbata a gare shi: shin za ayi alwala idan akaci namar raƙum? sai yace "Na'am" (Muslim: 360).

4- Gushewar hankali da bacci ko hauka ko suma ko maye.

Haƙiƙa ka kammala wannan darasin cikin nasara

Ka fara jarrabawa

Canza yare

Ka ci gaba da karatu

Recently viewed

Recent Members

Darrusa